ਐਲਨ ਮਸਕ ਦੇ ਟਵੀਟ ਨੇ ਫਿਰ ਵਧਾਈਆਂ ਮੁਸ਼ਕਲਾਂ, ਟੈਸਲਾ ਦੇ ਸ਼ੇਅਰ ਧਾਰਕ ਨੇ ਠੋਕਿਆ ਮੁਕੱਦਮਾ

ਨਵੀਂ ਦਿੱਲੀ - ਇਲੈਕਟ੍ਰਿਕ ਕਾਰ ਨਿਰਮਾਤਾ ਟੇਸਲਾ ਅਤੇ ਪੁਲਾੜ ਤਕਨਾਲੋਜੀ ਕੰਪਨੀ ਸਪੇਸਐਕਸ ਦੇ ਸੰਸਥਾਪਕ ਐਲਨ ਮਸਕ ਦਾ ਸਿਰਫ ਇੱਕ ਟਵੀਟ ਕਿਸੇ ਕੰਪਨੀ ਦੇ ਸ਼ੇਅਰ ਨੂੰ ਫਰਸ਼ ਤੋਂ ਅਰਸ਼ ਅਤੇ ਅਰਸ਼ ਤੋਂ ਫਰਸ਼ ਤੱਕ ਪਹੁੰਚਾਉਣ ਲਈ ਕਾਫ਼ੀ ਹੈ। ਉਸ ਦਾ ਇਕ ਟਵੀਟ ਕੰਪਨੀਆਂ ਦੇ ਸ਼ੇਅਰ ਦੀਆਂ ਕੀਮਤਾਂ ਨੂੰ ਕਈ ਗੁਣਾ ਵਧਾ ਦਿੰਦਾ ਹੈ ਅਤੇ ਇਕ ਟਵੀਟ ਨਾਲ, ਕੀਮਤਾਂ ਪਾਤਾਲ ਤੱਕ ਪਹੁੰਚ ਜਾਂਦੀਆਂ ਹਨ। 

ਸੋਸ਼ਲ ਮੀਡੀਆ 'ਤੇ ਇਸ ਦੇ ਅਸਰ ਕਾਰਨ ਮਸਕ ਨੂੰ ਕਾਫੀ ਵਾਰ ਆਲੋਚਨਾ ਝੱਲਣੀ ਪਈ ਹੈ। ਅਜਿਹੀ ਸਥਿਤੀ ਵਿਚ ਮਸਕ ਦੀ ਇਸ ਆਦਤ ਤੋਂ ਪ੍ਰੇਸ਼ਾਨ ਹੋ ਕੇ ਕੰਪਨੀ ਦੇ ਇਕ ਹਿੱਸੇਦਾਰ ਨੇ ਯੂ.ਐਸ. ਸਿਕਉਰਿਟੀਜ਼ ਐਂਡ ਐਕਸਚੇਂਜ ਕਮਿਸ਼ਨ ਨਾਲ ਸਾਲ 2018 ਦੇ ਸਮਝੌਤੇ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸਦੇ ਨਾਲ ਹੀ ਅਦਾਲਤ ਵਿਚ ਇੱਕ ਕੇਸ ਵੀ ਕੀਤਾ ਗਿਆ ਹੈ। ਸ਼ੇਅਰ ਧਾਰਕ ਦਾ ਕਹਿਣਾ ਹੈ ਕਿ ਮਸਕ ਦਾ ਰਵੱਈਆ ਸ਼ੇਅਰ ਧਾਰਕਾਂ ਨੂੰ ਬਹੁਤ ਨੁਕਸਾਨ ਪਹੁੰਚਾ ਰਿਹਾ ਹੈ।

ਇਹ ਵੀ ਪੜ੍ਹੋ :3 ਦਿਨਾਂ ਬਾਅਦ SMS ਤੇ OTP ਸਰਵਿਸ ਦੇ ਬੰਦ ਹੋਣ ਦਾ ਖ਼ਦਸ਼ਾ , ਜਾਣੋ TRAI ਦੇ ਆਦੇਸ਼ਾਂ ਬਾਰੇ

ਟੇਸਲਾ ਅਤੇ ਮਸਕ ਉੱਤੇ ਕੇਸ

ਵਿਦੇਸ਼ੀ ਮੀਡੀਆ ਨਿਊਜ਼ ਏਜੰਸੀ ਅਨੁਸਾਰ, ਮਸਕ ਦੇ ਖਿਲਾਫ ਡੇਲਾਵੇਅਰ ਚਾਂਸਰੀ ਕੋਰਟ ਵਿਚ ਸ਼ਿਕਾਇਤ ਦਰਜ ਕੀਤੀ ਗਈ ਹੈ। ਜਿਸ ਵਿਚ ਇਲੈਕਟ੍ਰਿਕ ਕਾਰ ਕੰਪਨੀ ਟੇਸਲਾ ਦੇ ਬੋਰਡ ਦਾ ਨਾਮ ਵੀ ਸ਼ਾਮਲ ਹੈ। ਇਸ ਵਿਚ ਇਹ ਦੋਸ਼ ਲਗਾਇਆ ਗਿਆ ਹੈ ਕਿ ਟੈਸਲਾ ਦੇ ਨਿਰਦੇਸ਼ਕ ਮਸਕ ਆਪਣੇ ਅਨਿਯਮਿਤ ਟਵੀਟ ਅਤੇ ਐਸ.ਈ.ਸੀ. ਬੰਦੋਬਸਤ ਦੀ ਪਾਲਣਾ ਵਿਚ ਅਸਫਲ ਰਹੇ ਹਨ। ਜਿਸ ਕਾਰਨ ਕੰਪਨੀ ਦੇ ਸ਼ੇਅਰ ਧਾਰਕਾਂ ਨੂੰ ਬਹੁਤ ਨੁਕਸਾਨ ਹੋ ਰਿਹਾ ਹੈ। ਟਵਿੱਟਰ 'ਤੇ ਕੀਤੇ ਗਏ ਕਈ ਟਵੀਟ ਵੀ ਸ਼ਿਕਾਇਤ ਵਿਚ ਦੱਸੇ ਗਏ ਹਨ। ਇਕ ਟਵੀਟ ਵੀ ਹੈ ਜਿਸ ਵਿਚ ਉਸਨੇ ਕਿਹਾ ਕਿ ਟੇਸਲਾ ਦੇ ਸ਼ੇਅਰ ਦੀ ਕੀਮਤ ਬਹੁਤ ਜ਼ਿਆਦਾ ਸੀ। ਉਸ ਸਮੇਂ ਤੋਂ ਟੈਸਲਾ ਦੀ ਮਾਰਕੀਟ ਕੈਪ ਵਿਚ 13 ਅਰਬ ਡਾਲਰ ਤੋਂ ਜ਼ਿਆਦਾ ਦੀ ਗਿਰਾਵਟ ਦੇਖਣ ਨੂੰ ਮਿਲ ਚੁੱਕੀ ਹੈ।

ਇਹ ਵੀ ਪੜ੍ਹੋ : ਇਸ ਏਅਰ ਲਾਈਨ ਨੇ ਸ਼ੁਰੂ ਕੀਤੀ ਨਵੀਂ ਸਹੂਲਤ, ਘਰ ਬੈਠੇ 299 ਰੁਪਏ 'ਚ ਹੋਵੇਗੀ ਕੋਵਿਡ-19 ਜਾਂਚ

ਮਸਕਟ ਅਤੇ ਕੰਪਨੀ ਦੇ ਨਿਰਦੇਸ਼ਕਾਂ ਦੇ ਕਾਰਨ ਹੋਇਆ ਨੁਕਸਾਨ

ਮਸਕ ਅਤੇ ਕੰਪਨੀ ਡਾਇਰੈਕਟਰਾਂ ਨੂੰ ਸ਼ਿਕਾਇਤ ਕਰਨ ਵਾਲੇ ਵਿਅਕਤੀ ਦਾ ਨਾਮ ਚੇਸ ਘਰਿੰਟੀ ਹੈ। ਮੀਡੀਆ ਰਿਪੋਰਟ ਵਿਚ ਉਸਨੇ ਕਿਹਾ ਹੈ ਕਿ ਮਸਕ ਕਾਰਨ ਅਤੇ ਡਾਇਰੈਕਟਰਾਂ ਵੱਲੋਂ ਕੋਈ ਠੋਸ ਕਦਮ ਨਾ ਚੁੱਕਣ ਕਾਰਨ ਬਹੁਤ ਨੁਕਸਾਨ ਹੋਇਆ ਹੈ। ਅਜਿਹੀ ਸਥਿਤੀ ਵਿਚ ਉਨ੍ਹਾਂ ਨੂੰ ਨੁਕਸਾਨ ਦਾ ਭੁਗਤਾਨ ਕਰਨਾ ਚਾਹੀਦਾ ਹੈ। ਇਸ ਤੋਂ ਪਹਿਲਾਂ ਅਗਸਤ 2020 ਵਿਚ ਟੇਸਲਾ ਦੇ ਸੀ.ਈ.ਓ. ਐਲਨ ਮਸਕ ਉੱਤੇ ਕੰਪਨੀ ਦੇ ਲੰਬੇ ਸਮੇਂ ਤੋਂ ਆਲੋਚਕ ਦੀ ਬਦਨਾਮੀ ਕਰਨ ਅਤੇ ਉਸਦੇ ਵਿਰੁੱਧ ਇੱਕ ਆਨਲਾਈਨ ਨਫ਼ਰਤ ਮੁਹਿੰਮ ਚਲਾਉਣ ਦਾ ਮੁਕੱਦਮਾ ਚਲਾਇਆ ਗਿਆ ਸੀ। 

ਇਹ ਵੀ ਪੜ੍ਹੋ : ਛੋਟੇ ਵਪਾਰੀਆਂ ਲਈ ਹੋਈ 'ਵਾਪਾਰ ਮਾਲਾ ਐਕਸਪ੍ਰੈਸ' ਦੀ ਸ਼ੁਰੂਆਤ, ਕਰੋੜਾਂ ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ

ਦੁਨੀਆ ਦਾ ਦੂਜਾ ਸਭ ਤੋਂ ਅਮੀਰ ਵਿਅਕਤੀ ਹੈ ਐਲਨ ਮਸਕ

ਮਸਕ ਪੁਲਾੜ ਕੰਪਨੀ ਸਪੇਸਐਕਸ ਦਾ ਸੰਸਥਾਪਕ ਵੀ ਹੈ। ਸਾਲ 2020 ਵਿਚ ਐਲਨ ਮਸਕ ਨੇ 94,500 ਕਰੋੜ ਰੁਪਏ ਇੱਕ ਮਹੀਨੇ ਦੀ ਕਮਾਈ ਕਰਕੇ ਦੁਨੀਆ ਨੂੰ ਹਿਲਾ ਕੇ ਰੱਖ ਦਿੱਤਾ। ਐਲੋਨ ਮਸਕ ਦੀ ਕੰਪਨੀ ਟੇਸਲਾ ਦਾ ਸਟਾਕ 86 ਪ੍ਰਤੀਸ਼ਤ ਵਧਿਆ ਹੈ। 2020 ਦੀ ਸ਼ੁਰੂਆਤ ਵਿਚ ਐਲਨ ਮਸਕ ਦੁਨੀਆ ਭਰ ਦੇ ਅਰਬਪਤੀਆਂ ਦੀ ਸੂਚੀ ਵਿਚ 45 ਵੇਂ ਸਥਾਨ 'ਤੇ ਸੀ, ਜਦੋਂ ਕਿ ਇਸ ਸਾਲ ਉਸਨੇ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਦਾ ਖਿਤਾਬ ਹਾਸਲ ਕੀਤਾ ਹੈ। ਇਸ ਸਮੇਂ ਐਲਨ ਮਸਕ ਦੀ ਕੁਲ ਸੰਪਤੀ 179 ਬਿਲੀਅਨ ਡਾਲਰ ਹੈ, ਜੋ ਕਿ ਜੈਫ ਬੇਜੋਸ ਨਾਲੋਂ 2 ਬਿਲੀਅਨ ਡਾਲਰ ਘੱਟ ਹੈ।

ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਖ਼ੁਸ਼ਖ਼ਬਰੀ! ਸਿਰਫ 999 ਰੁਪਏ ਵਿਚ ਲਓ ਹਵਾਈ ਯਾਤਰਾ ਦਾ ਆਨੰਦ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।