ਅਡਾਨੀ ਸਮੂਹ ਦਾ ਫੈਸਲਾ, ਭੁਗਤਾਨ ਕਰਕੇ ਛੁਡਾਏਗਾ 3 ਕੰਪਨੀਆਂ ਦੇ ਗਿਰਵੀ ਰੱਖੇ ਸ਼ੇਅਰ

ਮੁੰਬਈ - ਅਡਾਨੀ ਸਮੂਹ ਦੀਆਂ ਕੰਪਨੀਆਂ ਦੇ ਪ੍ਰਮੋਟਰਾਂ ਨੇ ਅਡਾਨੀ ਸਮੂਹ ਦੇ ਸ਼ੇਅਰਾਂ ਵਿੱਚ ਲਗਾਤਾਰ ਗਿਰਾਵਟ ਅਤੇ ਮਾਰਕੀਟ ਵਿੱਚ ਵਿਗੜਦੇ ਸੈਂਟੀਮੈਂਟ ਵਿਚਕਾਰ ਨਿਵੇਸ਼ਕਾਂ ਦਾ ਭਰੋਸਾ ਜਿੱਤਣ ਦੀ ਕੋਸ਼ਿਸ਼ ਵਿੱਚ ਗਿਰਵੀ ਰੱਖੇ ਸ਼ੇਅਰਾਂ ਨੂੰ ਵਾਪਸ ਛਡਵਾਉਣ ਦਾ ਫੈਸਲਾ ਕੀਤਾ ਹੈ। ਕੰਪਨੀ ਦੇ ਪ੍ਰਮੋਟਰਾਂ ਨੇ 1.114 ਅਰਬ ਡਾਲਰ (9100 ਕਰੋੜ ਰੁਪਏ) ਦਾ ਭੁਗਤਾਨ ਕਰਕੇ ਤਿੰਨ ਕੰਪਨੀਆਂ ਅਡਾਨੀ ਪੋਰਟਸ ਐਂਡ ਸਪੈਸ਼ਲ ਇਕਨਾਮਿਕ ਜ਼ੋਨ, ਅਡਾਨੀ ਗ੍ਰੀਨ ਐਨਰਜੀ ਅਤੇ ਅਡਾਨੀ ਟਰਾਂਸਮਿਸ਼ਨ ਦੇ ਕੁਝ ਗਿਰਵੀ ਰੱਖੇ ਸ਼ੇਅਰਾਂ ਨੂੰ ਸਮੇਂ ਤੋਂ ਪਹਿਲਾਂ ਛੁਡਾਉਣ ਦਾ ਫੈਸਲਾ ਕੀਤਾ ਹੈ।

ਇਹ ਵੀ ਪੜ੍ਹੋ : Hindenburg ਰਿਪੋਰਟ ਕਾਰਨ ਡੁੱਬਾ LIC ਦਾ ਅੱਧਾ ਪੈਸਾ, ਇਨ੍ਹਾਂ ਕੰਪਨੀਆਂ ਨੂੰ ਵੀ ਹੋਇਆ ਭਾਰੀ ਨੁਕਸਾਨ

ਸਮੂਹ ਨੇ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਹੈ ਕਿ ਇਹ ਫੈਸਲਾ ਬਾਜ਼ਾਰ 'ਚ ਚੱਲ ਰਹੀ ਅਸਥਿਰਤਾ ਅਤੇ ਪ੍ਰਮੋਟਰਾਂ ਦੇ ਗਿਰਵੀ ਰੱਖੇ ਸ਼ੇਅਰਾਂ ਨੂੰ ਰੀਡੀਮ ਕਰਨ ਦੇ ਵਾਅਦੇ ਨੂੰ ਧਿਆਨ 'ਚ ਰੱਖਦੇ ਹੋਏ ਫ਼ੈਸਲਾ ਲਿਆ ਗਿਆ ਹੈ। ਅਡਾਨੀ ਸਮੂਹ ਨੂੰ 1.114 ਅਰਬ ਡਾਲਰ ਦੀ ਅਦਾਇਗੀ ਤੋਂ ਬਾਅਦ ਸਤੰਬਰ 2024 ਦੀ ਮਿਆਦ ਪੂਰੀ ਹੋਣ ਤੋਂ ਪਹਿਲਾਂ ਅਡਾਨੀ ਪੋਰਟਸ ਦੇ 168 ਮਿਲੀਅਨ ਸ਼ੇਅਰ ਵਾਪਸ ਮਿਲ ਜਾਣਗੇ, ਜੋ ਕਿ ਲਗਭਗ 12 ਪ੍ਰਤੀਸ਼ਤ ਪ੍ਰਮੋਟਰਾਂ ਦੀ ਹਿੱਸੇਦਾਰੀ ਹੈ। ਅਡਾਨੀ ਗ੍ਰੀਨ ਐਨਰਜੀ ਦੇ 27.56 ਮਿਲੀਅਨ ਸ਼ੇਅਰ, ਜੋ ਕੁੱਲ ਪ੍ਰਮੋਟਰਾਂ ਦੀ ਹਿੱਸੇਦਾਰੀ ਦਾ 3% ਹੈ, ਅਤੇ ਅਡਾਨੀ ਟ੍ਰਾਂਸਮਿਸ਼ਨ ਦੇ 11.77 ਮਿਲੀਅਨ ਸ਼ੇਅਰ, ਜੋ ਕਿ ਕੁੱਲ ਪ੍ਰਮੋਟਰਾਂ ਦੀ ਹਿੱਸੇਦਾਰੀ ਦਾ 1.4% ਹੈ, ਜਾਰੀ ਕੀਤੇ ਜਾਣਗੇ।

ਇਹ ਵੀ ਪੜ੍ਹੋ : 10 ਦਿਨਾਂ 'ਚ ਅਰਸ਼ ਤੋਂ ਫਰਸ਼ 'ਤੇ ਪਹੁੰਚੇ ਅਡਾਨੀ ਦੇ ਸ਼ੇਅਰ; ਹਿੰਡਨਬਰਗ ਖ਼ਿਲਾਫ਼ SC 'ਚ ਪਟੀਸ਼ਨ ਦਾਇਰ

ਪ੍ਰਮੋਟਰਾਂ ਨੇ ਦਸੰਬਰ 2022 ਤੱਕ ਅਡਾਨੀ ਪੋਰਟਸ 'ਚ ਆਪਣੀ 17.31 ਫੀਸਦੀ ਹਿੱਸੇਦਾਰੀ ਦਾ ਵਾਅਦਾ ਕੀਤਾ ਹੈ, ਜੋ ਰਿਲੀਜ਼ ਤੋਂ ਬਾਅਦ ਘੱਟ ਕੇ 5.31 ਫੀਸਦੀ 'ਤੇ ਆ ਜਾਵੇਗਾ। ਅਡਾਨੀ ਗ੍ਰੀਨ ਐਨਰਜੀ ਵਿੱਚ ਪ੍ਰਮੋਟਰਾਂ ਦੀ ਕੁੱਲ ਹਿੱਸੇਦਾਰੀ ਵਿੱਚੋਂ, 4.36 ਪ੍ਰਤੀਸ਼ਤ ਨੂੰ ਗਿਰਵੀ ਰੱਖਿਆ ਗਿਆ ਸੀ, ਜੋ ਪ੍ਰਮੋਟਰਾਂ ਦੁਆਰਾ ਭੁਗਤਾਨ ਕਰਨ ਤੋਂ ਬਾਅਦ ਘੱਟ ਕੇ 1.36 ਪ੍ਰਤੀਸ਼ਤ ਰਹਿ ਜਾਵੇਗਾ। ਇਸੇ ਤਰ੍ਹਾਂ, ਅਡਾਨੀ ਟਰਾਂਸਮਿਸ਼ਨ ਵਿੱਚ ਆਪਣੀ ਕੁੱਲ ਹਿੱਸੇਦਾਰੀ ਵਿੱਚੋਂ, ਪ੍ਰਮੋਟਰਾਂ ਨੇ 6.62 ਪ੍ਰਤੀਸ਼ਤ ਹਿੱਸੇਦਾਰੀ ਗਹਿਣੇ ਰੱਖੀ ਸੀ, ਜੋ ਹੁਣ 5.22 ਪ੍ਰਤੀਸ਼ਤ ਹੋ ਜਾਵੇਗੀ।

ਤੁਹਾਨੂੰ ਦੱਸ ਦੇਈਏ ਕਿ ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ ਦੇ ਪ੍ਰਮੋਟਰਾਂ ਨੇ ਅਡਾਨੀ ਟਰਾਂਸਮਿਸ਼ਨ 'ਚ ਆਪਣੀ ਕੁੱਲ 72.63 ਫੀਸਦੀ ਹਿੱਸੇਦਾਰੀ ਦਾ 2.66 ਫੀਸਦੀ, ਜਦਕਿ ਅਡਾਨੀ ਪਾਵਰ 'ਚ ਆਪਣੀ ਕੁੱਲ 74.97 ਫੀਸਦੀ ਹਿੱਸੇਦਾਰੀ ਦਾ 25.01 ਫੀਸਦੀ ਗਿਰਵੀ ਰੱਖਿਆ ਹੋਇਆ ਹੈ। ਦੋਵਾਂ ਕੰਪਨੀਆਂ ਦੇ ਗਿਰਵੀ ਰੱਖੇ ਸ਼ੇਅਰਾਂ ਦੀ ਕੀਮਤ 30,000 ਕਰੋੜ ਰੁਪਏ ਦੇ ਕਰੀਬ ਹੈ। ਅਡਾਨੀ ਗਰੁੱਪ ਦੇ ਇਸ ਫੈਸਲੇ ਤੋਂ ਬਾਅਦ ਅਡਾਨੀ ਪੋਰਟਸ ਦੇ ਸਟਾਕ 'ਚ 10 ਫੀਸਦੀ ਦਾ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ।

ਇਹ ਵੀ ਪੜ੍ਹੋ : ਹੁਣ ਬੈਂਕ ਤੋਂ ਲੋਨ ਲੈਣਾ ਹੋਵੇਗਾ ਪਹਿਲਾਂ ਨਾਲੋਂ ਆਸਾਨ, RBI ਨੇ ਬਣਾਇਆ ਮਾਸਟਰ ਪਲਾਨ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।