ਤਿਉਹਾਰ ਤੋਂ ਪਹਿਲਾਂ ਖ਼ੁਰਾਕੀ ਤੇਲ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ, ਵਧੇਗਾ ਪਕਵਾਨਾਂ ਦਾ ਸੁਆਦ

ਨਵੀਂ ਦਿੱਲੀ - ਇਸ ਸਾਲ ਤਿਉਹਾਰੀ ਸੀਜ਼ਨ 'ਚ ਵੀ ਖਾਣ ਵਾਲੇ ਤੇਲ ਦੀ ਮਹਿੰਗਾਈ ਤੋਂ ਕੁਝ ਰਾਹਤ ਮਿਲੀ ਹੈ। ਹੋਲੀ 'ਤੇ ਮੰਗ ਵਧਣ ਦੇ ਬਾਵਜੂਦ ਖਾਣ ਵਾਲੇ ਤੇਲ ਦੀਆਂ ਕੀਮਤਾਂ 'ਚ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ। ਖਾਣ ਵਾਲੇ ਤੇਲਾਂ ਦੇ ਸਸਤੇ ਹੋਣ ਕਾਰਨ ਵਿਦੇਸ਼ੀ ਮੰਡੀ ਵਿੱਚ ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਕਮੀ ਦੇ ਨਾਲ-ਨਾਲ ਘਰੇਲੂ ਤੇਲ ਬੀਜਾਂ ਦਾ ਉਤਪਾਦਨ ਵੀ ਵਧਿਆ ਹੋਣਾ ਮੰਨਿਆ ਜਾ ਰਿਹਾ ਹੈ।

ਪਿਛਲੇ ਸਾਲ ਸਰ੍ਹੋਂ ਦਾ ਤੇਲ 165 ਤੋਂ 170 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਸੀ, ਜੋ ਹੁਣ 135 ਤੋਂ 140 ਰੁਪਏ ਪ੍ਰਤੀ ਲੀਟਰ 'ਤੇ ਆ ਗਿਆ ਹੈ। ਇਸੇ ਤਰ੍ਹਾਂ ਰਿਫਾਇੰਡ ਸੋਇਆਬੀਨ ਤੇਲ ਦੀ ਕੀਮਤ ਸਾਲ ਦੌਰਾਨ 140-145 ਰੁਪਏ ਤੋਂ ਘੱਟ ਕੇ 115-120 ਰੁਪਏ ਪ੍ਰਤੀ ਲੀਟਰ ਅਤੇ ਸੂਰਜਮੁਖੀ ਤੇਲ ਦੀ ਕੀਮਤ 135-140 ਰੁਪਏ ਤੋਂ ਘੱਟ ਕੇ 115-120 ਰੁਪਏ ਪ੍ਰਤੀ ਲੀਟਰ 'ਤੇ ਆ ਗਈ ਹੈ।

ਇਹ ਵੀ ਪੜ੍ਹੋ : SEBI ਨੇ ਅਰਸ਼ਦ ਵਾਰਸੀ ਸਣੇ ਇਨ੍ਹਾਂ ਲੋਕਾਂ 'ਤੇ ਸ਼ੇਅਰ ਬਾਜ਼ਾਰ 'ਚ ਵਪਾਰ ਕਰਨ 'ਤੇ ਲਗਾਈ ਰੋਕ, ਜਾਣੋ ਕਿਉਂ

ਇੱਕ ਮਹੀਨੇ ਵਿੱਚ ਸਰ੍ਹੋਂ ਦਾ ਤੇਲ 10 ਫੀਸਦੀ, ਸੋਇਆਬੀਨ ਦਾ ਤੇਲ 3 ਫੀਸਦੀ ਸਸਤਾ ਹੋਇਆ ਹੈ। ਸਾਲ ਦੌਰਾਨ ਦਰਾਮਦ ਕੀਤੇ ਗਏ ਤੇਲ 'ਚ ਕੱਚੇ ਪਾਮ ਤੇਲ ਦੀਆਂ ਕੀਮਤਾਂ ਲਗਭਗ 30 ਫੀਸਦੀ ਡਿੱਗ ਕੇ 95 ਰੁਪਏ ਪ੍ਰਤੀ ਲੀਟਰ ਅਤੇ ਆਰਬੀਡੀ ਪਾਮੋਲਿਨ ਦੀਆਂ ਕੀਮਤਾਂ ਲਗਭਗ 25 ਫੀਸਦੀ ਡਿੱਗ ਕੇ 100 ਰੁਪਏ ਪ੍ਰਤੀ ਲੀਟਰ 'ਤੇ ਆ ਗਈਆਂ ਹਨ।

ਭਾਰਤ ਵਿੱਚ ਖਾਣ ਵਾਲੇ ਤੇਲ ਦੀਆਂ ਕੀਮਤਾਂ ਮੁੱਖ ਤੌਰ 'ਤੇ ਵਿਦੇਸ਼ੀ ਬਾਜ਼ਾਰਾਂ 'ਤੇ ਨਿਰਭਰ ਕਰਦੀਆਂ ਹਨ ਕਿਉਂਕਿ ਘਰੇਲੂ ਖਪਤ ਨੂੰ ਪੂਰਾ ਕਰਨ ਲਈ ਵੱਡੀ ਮਾਤਰਾ ਵਿੱਚ ਖਾਣ ਵਾਲੇ ਤੇਲ ਆਯਾਤ ਕੀਤੇ ਜਾਂਦੇ ਹਨ। ਬ੍ਰਾਜ਼ੀਲ ਅਤੇ ਅਰਜਨਟੀਨਾ 'ਚ ਸੋਇਆਬੀਨ ਅਤੇ ਮਲੇਸ਼ੀਆ 'ਚ ਪਾਮ ਆਇਲ ਦਾ ਉਤਪਾਦਨ ਵਧਣ ਦੀ ਉਮੀਦ ਹੈ। ਜਿਸ ਕਾਰਨ ਵਿਦੇਸ਼ੀ ਬਾਜ਼ਾਰਾਂ ਵਿੱਚ ਖਾਣ ਵਾਲੇ ਤੇਲ ਦੀਆਂ ਕੀਮਤਾਂ ਵਿੱਚ ਨਰਮੀ ਆਈ ਹੈ। ਇਸ ਨਾਲ ਦੇਸ਼ ਵਿੱਚ ਦਰਾਮਦ ਤੇਲ ਸਸਤਾ ਹੋ ਗਿਆ ਹੈ।

ਇਹ ਵੀ ਪੜ੍ਹੋ : ChatGPT ਦੇ ਪਿੱਛੇ ਹੈ ਇਕ ਔਰਤ ਦਾ ਦਿਮਾਗ, ਹੋ ਸਕਦਾ ਹੈ ਭਾਰਤ ਨਾਲ ਕੁਨੈਕਸ਼ਨ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।