ਦੇਸ਼ ਦੀ ਦਰਾਮਦ 'ਚ 12 ਫ਼ੀਸਦੀ ਦੀ ਗਿਰਾਵਟ, ਕੁੱਲ ਨਿਰਯਾਤ 'ਚ ਵੀ ਹੋਈ ਘਾਟ

ਨਵੀਂ ਦਿੱਲੀ - ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਪੰਜ ਮਹੀਨਿਆਂ 'ਚ ਭਾਰਤ ਦੀ ਕੁੱਲ ਦਰਾਮਦ 'ਚ 12 ਫ਼ੀਸਦੀ ਦੀ ਕਮੀ ਆਈ ਹੈ। ਵਣਜ ਵਿਭਾਗ ਦੇ ਅੰਕੜਿਆਂ ਅਨੁਸਾਰ ਵਪਾਰਕ ਦਰਾਮਦ ਦੇ 10 ਕੇਂਦਰਾਂ ਵਿੱਚੋਂ ਸਿਰਫ਼ ਰੂਸ ਅਤੇ ਸਵਿਟਜ਼ਰਲੈਂਡ ਤੋਂ ਹੀ ਦਰਾਮਦ ਵਧੀ ਹੈ। ਪਿਛਲੇ ਡੇਢ ਸਾਲ 'ਚ ਰੂਸ ਦੇ ਕੱਚੇ ਤੇਲ 'ਤੇ ਭਾਰਤ ਦੀ ਨਿਰਭਰਤਾ ਵਧੀ ਹੈ। ਇਸ ਨਾਲ ਰੂਸ ਤੋਂ ਦਰਾਮਦ ਵਿੱਚ ਵਾਧਾ ਹੋਇਆ ਹੈ। ਅਪ੍ਰੈਲ-ਅਗਸਤ ਦੌਰਾਨ ਦੇਸ਼ 'ਚ ਮਾਲ ਦੀ ਦਰਾਮਦ ਸਾਲਾਨਾ ਆਧਾਰ 'ਤੇ 86.56 ਫ਼ੀਸਦੀ ਵਧ ਕੇ 25.69 ਅਰਬ ਡਾਲਰ ਹੋ ਗਈ। ਇਸ ਸਿਲਸਿਲੇ 'ਚ ਭਾਰਤ ਨੂੰ ਕੁੱਲ ਦਰਾਮਦ 'ਚ ਰੂਸ ਦੀ ਹਿੱਸੇਦਾਰੀ ਵਧ ਕੇ 9.45 ਫ਼ੀਸਦੀ ਹੋ ਗਈ, ਜਦਕਿ ਪਿਛਲੇ ਸਾਲ ਸਮੀਖਿਆ ਅਧੀਨ ਮਿਆਦ 'ਚ ਇਹ 4.45 ਫ਼ੀਸਦੀ ਸੀ।

ਇਹ ਵੀ ਪੜ੍ਹੋ : ਹੋਟਲ 'ਚ ਪਾਸਪੋਰਟ ਭੁੱਲ ਰਵਾਨਾ ਹੋਏ ਰੋਹਿਤ ਸ਼ਰਮਾ, ਪਤਾ ਲੱਗਣ 'ਤੇ ਸਾਥੀਆਂ ਨੇ ਉਡਾਇਆ ਮਜ਼ਾਕ, ਵੀਡੀਓ ਵਾਇਰਲ

ਅਪ੍ਰੈਲ-ਅਗਸਤ ਦੌਰਾਨ ਮੁੱਲ ਦੇ ਲਿਹਾਜ਼ ਨਾਲ ਰੂਸ ਦੂਜਾ ਸਭ ਤੋਂ ਵੱਡਾ ਆਯਾਤਕ ਸੀ। ਇਸ ਤੋਂ ਬਾਅਦ ਚੀਨ ਦਾ ਸੀ। ਸਵਿਟਜ਼ਰਲੈਂਡ ਤੋਂ ਦਰਾਮਦ ਵਧਣ ਦਾ ਮੁੱਖ ਕਾਰਨ ਸੋਨੇ ਦੀ ਮੰਗ ਵਧਣਾ ਸੀ। ਸਰਕਾਰੀ ਅਧਿਕਾਰੀਆਂ ਦੇ ਮੁਤਾਬਕ ਜੁਲਾਈ ਤੋਂ ਸੋਨੇ ਦੇ ਕੁੱਲ ਆਯਾਤ 'ਚ ਵਾਧਾ ਹੋਇਆ ਹੈ। ਇਸ ਦਾ ਮੁੱਖ ਕਾਰਨ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਸੀ। ਸੋਨਾ ਆਮ ਤੌਰ 'ਤੇ ਸਵਿਟਜ਼ਰਲੈਂਡ ਤੋਂ ਆਯਾਤ ਕੀਤਾ ਜਾਂਦਾ ਹੈ। ਅਪ੍ਰੈਲ ਤੋਂ ਅਗਸਤ ਦੌਰਾਨ ਭਾਰਤ ਦੇ ਕੁੱਲ ਆਯਾਤ ਵਿੱਚ ਸਵਿਟਜ਼ਰਲੈਂਡ ਦੀ ਹਿੱਸੇਦਾਰੀ ਇੱਕ ਸਾਲ ਪਹਿਲਾਂ ਦੀ ਮਿਆਦ ਵਿੱਚ 2.16 ਫ਼ੀਸਦੀ ਦੇ ਮੁਕਾਬਲੇ 3.08 ਫ਼ੀਸਦੀ ਤੱਕ ਵਧ ਗਈ। ਜੁਲਾਈ ਤੋਂ ਅਗਸਤ ਦੌਰਾਨ ਵੱਖ-ਵੱਖ ਦੇਸ਼ਾਂ ਲਈ ਵਪਾਰਕ ਡੇਟਾ ਉਪਲਬਧ ਨਹੀਂ ਹੈ।

ਇਹ ਵੀ ਪੜ੍ਹੋ : ਭਾਰਤੀ ਸ਼ੇਅਰ ਬਾਜ਼ਾਰ ’ਤੇ ਮੰਡਰਾ ਰਹੇ ਨੇ ਖ਼ਤਰੇ ਦੇ ਬੱਦਲ, ਕਦੇ ਵੀ ਆ ਸਕਦੀ ਹੈ ਵੱਡੀ ਗਿਰਾਵਟ

ਅਪ੍ਰੈਲ-ਜੂਨ ਦੀ ਮਿਆਦ 'ਚ ਰੂਸ ਤੋਂ ਹੋਣ ਵਾਲੇ ਕੱਚੇ ਤੇਲ ਦੇ ਆਯਾਤ 'ਚ ਛੋਟ ਮਿਲਣ ਕਾਰਨ 171 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਮਿਆਦ ਵਿੱਚ ਸੋਨੇ ਦੇ ਆਯਾਤ 'ਚ 30 ਫ਼ੀਸਦੀ ਦਾ ਵਾਧਾ ਹੋਇਆ ਹੈ, ਜਿਸ ਕਾਰਨ ਇਸ ਸਮੇਂ ਦੌਰਾਨ ਸਵਿਟਜ਼ਰਲੈਂਡ ਤੋਂ ਦਰਾਮਦ 'ਚ ਵਾਧਾ ਹੋਇਆ। ਭਾਰਤ ਦੇ ਆਯਾਤ 'ਚ ਗਿਰਾਵਟ ਆਈ ਹੈ। ਚੋਟੀ ਦੇ 10 ਆਯਾਤ ਭਾਈਵਾਲਾਂ ਵਿੱਚ ਚੀਨ (-4.37 ਫ਼ੀਸਦੀ), ਅਮਰੀਕਾ (-17.61 ਫ਼ੀਸਦੀ), ਯੂਏਈ (-23.43 ਫ਼ੀਸਦੀ), ਸਾਊਦੀ ਅਰਬ (-28.44 ਫ਼ੀਸਦੀ), ਇਰਾਕ (-34.77 ਫ਼ੀਸਦੀ), ਇੰਡੋਨੇਸ਼ੀਆ (32.5 ਫ਼ੀਸਦੀ), ਸਿੰਗਾਪੁਰ (-8.93 ਫ਼ੀਸਦੀ), ਦੱਖਣੀ ਕੋਰੀਆ (-0.83 ਫ਼ੀਸਦੀ) ਸ਼ਾਮਲ ਹੈ। ਭਾਰਤ ਦੇ ਕੁੱਲ ਵਪਾਰਕ ਆਯਾਤ ਵਿੱਚ ਚੋਟੀ ਦੇ 10 ਦੇਸ਼ਾਂ ਦੀ ਹਿੱਸੇਦਾਰੀ 59.3 ਫ਼ੀਸਦੀ ਸੀ।

ਇਹ ਵੀ ਪੜ੍ਹੋ : ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਨਿਪਟਾ ਲਓ ਜ਼ਰੂਰੀ ਕੰਮ, ਸਤੰਬਰ ਮਹੀਨੇ ਇਨ੍ਹਾਂ ਤਾਰੀਖ਼ਾਂ ਨੂੰ ਬੰਦ ਰਹਿਣਗੇ ਬੈਂਕ

ਭਾਰਤ ਦੇ ਚੋਟੀ ਦੇ 10 ਨਿਰਯਾਤ ਭਾਈਵਾਲਾਂ ਵਿੱਚੋਂ ਅਮਰੀਕਾ, ਯੂਏਈ, ਚੀਨ, ਸਿੰਗਾਪੁਰ, ਬੰਗਲਾਦੇਸ਼ ਅਤੇ ਜਰਮਨੀ ਨੂੰ ਨਿਰਯਾਤ ਵਿੱਚ ਗਿਰਾਵਟ ਆਈ ਹੈ। ਇਸ ਨਾਲ ਭਾਰਤ ਦੇ ਕੁੱਲ ਨਿਰਯਾਤ ਵਿੱਚ 12 ਫ਼ੀਸਦੀ ਦੀ ਗਿਰਾਵਟ ਆਈ ਹੈ। ਇਸ ਕ੍ਰਮ ਵਿੱਚ 10 ਵਿੱਚੋਂ ਚਾਰ ਬਾਜ਼ਾਰਾਂ ਨੀਦਰਲੈਂਡ, ਯੂਕੇ, ਸਾਊਦੀ ਅਰਬ ਅਤੇ ਆਸਟ੍ਰੇਲੀਆ ਵਿੱਚ ਨਿਰਯਾਤ ਵਧਿਆ ਹੈ। ਭਾਰਤ ਦੀ ਕੁੱਲ ਬਰਾਮਦ ਵਿੱਚ ਇਨ੍ਹਾਂ ਦਸ ਦੇਸ਼ਾਂ ਦੀ ਹਿੱਸੇਦਾਰੀ 49 ਫ਼ੀਸਦੀ ਹੈ। ਇਸ ਸਾਲ ਦੀ ਸ਼ੁਰੂਆਤ ਤੋਂ ਭਾਰਤ ਦੇ ਵਪਾਰਕ ਨਿਰਯਾਤ ਵਿੱਚ ਗਿਰਾਵਟ ਦੇ ਸਬੂਤ ਮਿਲੇ ਹਨ। ਇਸ ਦਾ ਕਾਰਨ ਮੁੱਖ ਬਾਜ਼ਾਰਾਂ ਦੇ ਕੇਂਦਰੀ ਬੈਂਕਾਂ ਦੀ ਮੁਦਰਾ ਨੀਤੀ ਦਾ ਸਖ਼਼ਤ ਹੋਣਾ ਅਤੇ ਮਹਿੰਗਾਈ ਕਾਰਨ ਘੱਟ ਮੰਗ ਸੀ। ਇਸ ਦਾ ਅਸਰ ਇਨ੍ਹਾਂ ਦੇਸ਼ਾਂ ਦੀ ਬਾਹਰੀ ਮੰਗ 'ਤੇ ਪਿਆ।

ਇਹ ਵੀ ਪੜ੍ਹੋ : ਡੀਜ਼ਲ ਵਾਹਨਾਂ 'ਤੇ GST ਵਧਾਉਣ ਦੀਆਂ ਖ਼ਬਰਾਂ ਦੌਰਾਨ ਨਿਤਿਨ ਗਡਕਰੀ ਦਾ ਬਿਆਨ ਆਇਆ ਸਾਹਮਣੇ

ਪਿਛਲੇ ਦਹਾਕੇ 'ਚ ਸਭ ਤੋਂ ਵੱਡੇ ਨਿਰਯਾਤ ਬਾਜ਼ਾਰ, ਅਮਰੀਕਾ ਨੂੰ ਭਾਰਤ ਦੇ ਨਿਰਯਾਤ ਦਾ ਮੁੱਲ 10.24 ਫ਼ੀਸਦੀ ਡਿੱਗ ਕੇ 31.55 ਅਰਬ ਡਾਲਰ 'ਤੇ ਆ ਗਿਆ। ਭਾਰਤ ਦਾ ਕੁੱਲ ਨਿਰਯਾਤ ਇਕ ਸਾਲ ਪਹਿਲਾਂ 18.24 ਫ਼ੀਸਦੀ ਦੇ ਮੁਕਾਬਲੇ 17.9 ਫ਼ੀਸਦੀ 'ਤੇ ਆ ਗਿਆ। ਭਾਰਤ ਦੇ ਸਭ ਤੋਂ ਵੱਡੇ ਵਪਾਰਕ ਭਾਈਵਾਲ ਅਤੇ ਚੌਥੇ ਸਭ ਤੋਂ ਵੱਡੇ ਨਿਰਯਾਤ ਸਾਂਝੇਦਾਰ ਚੀਨ ਤੋਂ ਬਰਾਮਦ 7.62 ਫ਼ੀਸਦੀ ਡਿੱਗ ਕੇ 6.3 ਅਰਬ ਡਾਲਰ ਰਹਿ ਗਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8