whatsapp ਤੋਂ ਨਹੀਂ ਕਰ ਸਕੋਗੇ ਵਾਇਸ ਕਾਲ!
Saturday, May 07, 2016 - 12:09 PM (IST)
ਜਲੰਧਰ: ਇੰਸਟੈਂਟ ਮੈਸੇਜਿੰਗ ਐਪ ਵਾਟਸਐੱਪ ਨੂੰ ਭਾਰਤ ''ਚ ਸਭ ''ਤੋਂ ਜ਼ਿਆਦਾ ਇਸਤੇਮਾਲ ਕੀਤਾ ਜਾਂਦਾ ਹੈ ਅਤੇ ਕੁਝ ਮਹੀਨੇ ਵਾਇਸ ਕਾਲਿੰਗ ਫੀਚਰ ਨੂੰ ਐਡ ਕੀਤਾ ਹੈ। ਇਹ ਫੀਚਰ ਯੂਜ਼ਰਸ ਲਈ ਤਾਂ ਵਧੀਆ ਹੈ ਪਰ ਇਸ ਬਾਰੇ ''ਚ ਟੈਲੀਕਾਮ ਕੰਪਨੀਆਂ ਦਾ ਕਹਿਣਾ ਹੈ ਕਿ ਇਸ ਤੋਂ ਸਾਨੂੰ ਘਾਟੇ ਦਾ ਸਾਮਣਾ ਕਰਨਾ ਪੈ ਰਿਹਾ ਹੈ ਜਿਸ ਕਾਰਨ ਨੈੱਟਵਰਕ ਕੰਪਨੀਆਂ ਇਸ ਫੀਚਰ ''ਤੇ ਲਗਾਮ ਲਗਾਉਣ ਦੀ ਤਿਆਰੀ ਕਰ ਰਹੀਆਂ ਹਨ।
ਵੋਡਾਫੋਨ ਅਤੇ ਏਅਰਟੈੱਲ ਵਰਗੀਆਂ ਕੰਪਨੀਆਂ ਵਾਟਸਐਪ ਦੇ ਵਾਇਸ ਕਾਲਿੰਗ ਫੀਚਰ ਨੂੰ ਬੰਦ ਕਰਨਾ ਚਾਹੁੰਦੀਆਂ ਹਨ ਜਿਸ ਲਈ ਇਨਾਂ ਕੰਪਨੀਆਂ ਨੇ ਟੈਲੀਕੰਮਿਊਨਿਕੇਸ਼ਨ ਡਿਪਾਰਟਮੈਂਟ (ਡੀ. ਓ. ਟੀ) ਨਾਲ ਵੀ ਗੱਲ ਕੀਤੀ ਹੈ। ਇਸ ਦੇ ਨਾਲ ਹੀ ਇਸ ਫੀਚਰ ਨੂੰ ਬੰਦ ਕਰਨ ਲਈ ਇਹ ਹਵਾਲਾ ਦਿੱਤਾ ਗਿਆ ਹੈ ਕਿ ਲੋਕ ਵਾਟਸਐਪ ''ਤੇ ਵਾਇਸ ਕਾਲਿੰਗ ਦਾ ਜ਼ਿਆਦਾ ਇਸਤੇਮਾਲ ਕਰ ਰਹੇ ਹਨ ਜਿਸ ਦੇ ਨਾਲ ਸਾਨੂੰ ਨੁਕਸਾਨ ਹੋ ਰਿਹਾ ਹੈ।
ਟੈਲੀਕਾਮ ਆਪ੍ਰੇਟਰਸ ਐਸੋਸਿਏਸ਼ਨ ਆਫ ਇੰਡੀਆ ਨੇ ਵੀ ਪੱਤਰ ਲਿੱਖ ਕੇ ਇਸ ਤਰ੍ਹਾਂ ਦੀ ਹੀ ਸ਼ਿਕਾਇਤ ਕੀਤੀ। ਇਸ ''ਚ ਏਅਰਟੈੱਲ ਭਾਰਤੀ, ਆਈਡਿਆ, ਵੋਡਾਫੋਨ ਵਰਗੀ ਕੰਪਨੀਆਂ ਸ਼ਾਮਿਲ ਹਨ। ਇਕ ਪਾਸੇ ਇਨਾਂ ਕੰਪਨੀਆਂ ਦੀ ਗੱਲ ਠੀਕ ਹਨ ਪਰ ਦੂੱਜੇ ਪਾਸੇ ਡੀ. ਓ. ਟੀ ਦਾ ਇਸ ਬਾਰੇ ''ਚ ਕਹਿਣਾ ਹੈ ਕਿ ਜੇਕਰ ਅਜਿਹਾ ਕੀਤਾ ਜਾਂਦਾ ਹੈ ਤਾਂ ਨੈੱਟ ਨਿਊਟਰੈਲਿਟੀ (ਇੰਟਰਨੈੱਟ ਦੀ ਆਜ਼ਾਦੀ) ਦੇ ਨਿਯਮਾਂ ਦਾ ਉਲੰਘਨ ਹੋਵੇਗਾ ਜਿਸ ਕਾਰਨ ਅਜਿਹਾ ਨਹੀਂ ਕੀਤਾ ਜਾ ਸਕਦਾ।
