ਇਸ 'ਘੜੀ' ਦੇ ਦੀਵਾਨੇ ਹੋਏ ਲੋਕ: ਯੂਰਪ ਤੋਂ ਅਮਰੀਕਾ ਤੱਕ ਮਚਿਆ ਹੰਗਾਮਾ, ਭੀੜ 'ਤੇ ਪੁਲਸ ਨੇ ਛੱਡੀ ਅੱਥਰੂ ਗੈਸ

ਬਿਜ਼ਨੈੱਸ ਡੈਸਕ : ਦੁਨੀਆ ਭਰ ਵਿੱਚ ਕੁਝ ਚੀਜ਼ਾਂ ਸਿਰਫ਼ ਵਰਤੋਂ ਲਈ ਨਹੀਂ ਸਗੋਂ ਸਟੇਟਸ ਸਿੰਬਲ ਅਤੇ ਮੁਨਾਫ਼ੇ ਦਾ ਜ਼ਰੀਆ ਬਣ ਜਾਂਦੀਆਂ ਹਨ। ਅਜਿਹਾ ਹੀ ਕੁਝ ਸਵਿਸ ਬ੍ਰਾਂਡ Swatch ਅਤੇ ਲਗਜ਼ਰੀ ਵਾਚਮੇਕਰ Audemars Piguet ਦੀ ਸਾਂਝੇਦਾਰੀ ਵਿੱਚ ਲਾਂਚ ਹੋਈ ਲਿਮਟਿਡ ਐਡੀਸ਼ਨ “Royal Pop” ਘੜੀ ਨੂੰ ਲੈ ਕੇ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਘੜੀ ਨੂੰ ਖਰੀਦਣ ਲਈ ਯੂਰਪ ਤੋਂ ਲੈ ਕੇ ਅਮਰੀਕਾ ਤੱਕ ਲੋਕਾਂ ਵਿੱਚ ਭਾਰੀ ਉਤਸ਼ਾਹ ਅਤੇ ਹੰਗਾਮਾ ਦੇਖਿਆ ਗਿਆ। ਹਾਲਾਤ ਇੰਨੇ ਵਿਗੜ ਗਏ ਕਿ ਪੁਲਸ ਨੂੰ ਅੱਥਰੂ ਗੈਸ ਦੇ ਗੋਲੇ ਛੱਡਣੇ ਪਏ ਅਤੇ ਕਈ ਸ਼ਹਿਰਾਂ ਵਿੱਚ ਸਟੋਰ ਤੱਕ ਬੰਦ ਕਰਨੇ ਪਏ।

ਇਹ ਵੀ ਪੜ੍ਹੋ :    ਪਿਆਜ਼ ਕਿਸਾਨਾਂ ਲਈ ਵੱਡੀ ਰਾਹਤ, ਕੇਂਦਰ ਸਰਕਾਰ ਨੇ ਤੈਅ ਕੀਤਾ ਖਰੀਦ ਮੁੱਲ

ਕਿਉਂ ਪਿਆ ਇੰਨਾ ਰੌਲਾ? 

ਆਮ ਤੌਰ 'ਤੇ Audemars Piguet ਦੀਆਂ ਘੜੀਆਂ ਦੀ ਕੀਮਤ ਲੱਖਾਂ-ਕਰੋੜਾਂ ਰੁਪਏ ਹੁੰਦੀ ਹੈ, ਪਰ ਇਸ “Royal Pop” ਮਾਡਲ ਨੂੰ ਕੰਪਨੀ ਨੇ ਸਿਰਫ਼ 400 ਤੋਂ 420 ਡਾਲਰ (ਲਗਭਗ 40 ਹਜ਼ਾਰ ਰੁਪਏ) ਦੀ ਕੀਮਤ 'ਤੇ ਲਾਂਚ ਕੀਤਾ ਹੈ। ਲੋਕਾਂ ਨੂੰ ਉਮੀਦ ਹੈ ਕਿ ਘੱਟ ਸਟਾਕ ਹੋਣ ਕਾਰਨ ਇਸ ਘੜੀ ਦੀ ਰੀਸੇਲ ਵੈਲਿਊ (ਮੁੜ ਵਿਕਰੀ ਕੀਮਤ) ਬਹੁਤ ਜ਼ਿਆਦਾ ਹੋਵੇਗੀ। ਨਿਊਯਾਰਕ ਵਿੱਚ ਇੱਕ ਖਰੀਦਦਾਰ ਨੇ ਦਾਅਵਾ ਕੀਤਾ ਕਿ ਉਸਨੇ 5 ਦਿਨ ਲਾਈਨ ਵਿੱਚ ਲੱਗ ਕੇ ਘੜੀ ਖਰੀਦੀ ਅਤੇ ਤੁਰੰਤ ਉਸਨੂੰ 4,000 ਡਾਲਰ (ਲਗਭਗ 10 ਗੁਣਾ ਵੱਧ ਕੀਮਤ) ਵਿੱਚ ਵੇਚ ਦਿੱਤਾ।

Cops pulled out the pepper spray at the @swatch x @audemarspiguet drop in Long Island 📷

📷: @gg.chang (via IG) pic.twitter.com/fK0vprS9d5

— Complex Style (@ComplexStyle) May 16, 2026

ਇਹ ਵੀ ਪੜ੍ਹੋ :  ਨਵੇਂ ਰਿਕਾਰਡ ਬਣਾਉਣ ਦੀ ਤਿਆਰੀ 'ਚ ਸੋਨਾ, ਜਾਣੋ ਕਿੱਥੋਂ ਤੱਕ ਪਹੁੰਚ ਸਕਦੇ ਹਨ ਭਾਅ

ਬ੍ਰਿਟੇਨ ਅਤੇ ਪੈਰਿਸ ਵਿੱਚ ਪੁਲਸ ਨੂੰ ਕਰਨੀ ਪਈ ਸਖ਼ਤੀ 

ਬ੍ਰਿਟੇਨ ਦੇ ਮੈਨਚੈਸਟਰ, ਬਰਮਿੰਘਮ ਅਤੇ ਲੰਡਨ ਵਰਗੇ ਸ਼ਹਿਰਾਂ ਵਿੱਚ ਲੋਕ 5-5 ਦਿਨਾਂ ਤੋਂ ਸੜਕਾਂ 'ਤੇ ਲਾਈਨਾਂ ਲਗਾ ਕੇ ਬੈਠੇ ਸਨ। ਲੰਡਨ ਦੇ ਵੈਸਟਫੀਲਡ ਸ਼ਾਪਿੰਗ ਸੈਂਟਰ ਵਿੱਚ ਭੀੜ ਨੂੰ ਕਾਬੂ ਕਰਨ ਲਈ ਪੁਲਸ ਨੂੰ ਡੌਗ ਸਕੁਐਡ ਤਾਇਨਾਤ ਕਰਨਾ ਪਿਆ। ਫਰਾਂਸ ਦੀ ਰਾਜਧਾਨੀ ਪੈਰਿਸ ਵਿੱਚ ਸਥਿਤੀ ਹੋਰ ਵੀ ਖ਼ਰਾਬ ਹੋ ਗਈ, ਜਿੱਥੇ 300 ਤੋਂ ਵੱਧ ਲੋਕਾਂ ਦੀ ਭੀੜ ਨੂੰ ਖਿੰਡਾਉਣ ਲਈ ਪੁਲਸ ਨੇ ਅੱਥਰੂ ਗੈਸ ਦੀ ਵਰਤੋਂ ਕੀਤੀ। ਇਸ ਦੌਰਾਨ ਸਟੋਰ ਦੇ ਸੁਰੱਖਿਆ ਗੇਟ ਅਤੇ ਸ਼ਟਰ ਵੀ ਟੁੱਟ ਗਏ।

ਇਹ ਵੀ ਪੜ੍ਹੋ : ਮੂਧੇ ਮੂੰਹ ਡਿੱਗੇ Gold-Silver ਦੇ ਭਾਅ, 21,600 ਰੁਪਏ ਟੁੱਟੀ ਚਾਂਦੀ, ਜਾਣੋ ਕੀਮਤੀ ਧਾਤਾਂ ਦੇ ਰੇਟ

ਨਿਊਯਾਰਕ ਵਿੱਚ 'ਕੰਸਰਟ' ਵਰਗਾ ਮਾਹੌਲ 

ਅਮਰੀਕਾ ਦੇ ਨਿਊਯਾਰਕ ਸਥਿਤ ਟਾਈਮਜ਼ ਸਕੁਏਅਰ ਸਟੋਰ 'ਤੇ ਵੀ ਹਜ਼ਾਰਾਂ ਦੀ ਭੀੜ ਇਕੱਠੀ ਹੋ ਗਈ। ਖਰੀਦਦਾਰਾਂ ਅਨੁਸਾਰ ਉੱਥੇ ਹਾਲਾਤ ਕਿਸੇ ਵੱਡੇ ਮਿਊਜ਼ਿਕ ਕੰਸਰਟ ਵਰਗੇ ਸਨ, ਜਿੱਥੇ ਲੋਕ ਇੱਕ-ਦੂਜੇ ਨੂੰ ਧੱਕੇ ਮਾਰ ਕੇ ਅੱਗੇ ਵਧਣ ਦੀ ਕੋਸ਼ਿਸ਼ ਕਰ ਰਹੇ ਸਨ। ਕਈ ਥਾਵਾਂ 'ਤੇ ਪੁਲਸ ਨੇ ਭੀੜ ਨੂੰ ਕਾਬੂ ਕਰਨ ਲਈ ਪੇਪਰ ਸਪਰੇਅ (ਮਿਰਚ ਸਪਰੇਅ) ਦੀ ਵਰਤੋਂ ਵੀ ਕੀਤੀ।

ਸੋਸ਼ਲ ਮੀਡੀਆ 'ਤੇ 'ਨਵਾਂ ਕ੍ਰਿਪਟੋ ਕ੍ਰੇਜ਼' 

ਮਾਹਿਰਾਂ ਦਾ ਮੰਨਣਾ ਹੈ ਕਿ ਲਿਮਟਿਡ ਐਡੀਸ਼ਨ ਚੀਜ਼ਾਂ ਦਾ ਵਧ ਰਿਹਾ ਰੀਸੇਲ ਮਾਰਕੀਟ ਲੋਕਾਂ ਨੂੰ ਜੋਖਮ ਲੈਣ ਲਈ ਮਜਬੂਰ ਕਰ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਘੜੀ ਦੇ ਵੀਡੀਓ ਲੱਖਾਂ ਵਾਰ ਦੇਖੇ ਜਾ ਚੁੱਕੇ ਹਨ। ਕੁਝ ਯੂਜ਼ਰਸ ਨੇ ਇਸ ਪਾਗਲਪਨ ਦੀ ਤੁਲਨਾ 'ਕ੍ਰਿਪਟੋ ਕਰੰਸੀ' ਦੇ ਕ੍ਰੇਜ਼ ਨਾਲ ਕੀਤੀ ਹੈ, ਜਿੱਥੇ ਲੋਕ ਸਿਰਫ਼ ਮੁਨਾਫ਼ੇ ਲਈ ਨਿਵੇਸ਼ ਕਰ ਰਹੇ ਹਨ।

ਇਹ ਵੀ ਪੜ੍ਹੋ :  EPFO ਦਾ ਕਰੋੜਾਂ ਕਰਮਚਾਰੀਆਂ ਨੂੰ ਵੱਡਾ ਤੋਹਫ਼ਾ: ਹੁਣ ਕਿਸੇ ਵੀ ਸਮੇਂ ਕਢਵਾ ਸਕੋਗੇ PF ਦੇ ਪੈਸੇ, ਜਾਣੋ ਨਵਾਂ ਸਿਸਟਮ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt