ਆਸਟ੍ਰੀਆ ਦੇ ਮੁੱਖ ਗੈਸ ਪਾਈਪ ਲਾਈਨ ਹੱਬ 'ਚ ਧਮਾਕਾ, 1 ਦੀ ਮੌਤ
12/12/2017 4:15:10 PM
ਵਿਏਨਾ(ਭਾਸ਼ਾ)— ਯੂਰੋਪ ਦੇ ਸਭ ਤੋਂ ਵੱਡੇ ਗੈਸ ਪਾਈਪ ਲਾਇਨਾਂ ਦੇ ਹੱਬ ਵਿਚੋਂ ਇਕ ਆਸਟਰੀਆ ਦੇ ਮੁੱਖ ਗੈਸ ਪਾਈਪ ਲਾਈਨ ਹੱਬ ਵਿਚ ਅੱਜ ਭਾਵ ਮੰਗਲਵਾਰ ਨੂੰ ਧਮਾਕਾ ਹੋ ਗਿਆ। ਇਸ ਧਮਾਕੇ ਦੀ ਵਜ੍ਹਾ ਨਾਲ 1 ਦੀ ਮੌਤ ਹੋ ਗਈ ਅਤੇ 18 ਜ਼ਖਮੀ ਹੋ ਗਏ ਹਨ। ਸੰਕਟਕਾਲੀਨ ਸੇਵਾ ਏਜੰਸੀ ਨੇ ਇਹ ਜਾਣਕਾਰੀ ਦਿੱਤੀ।
ਇਹ ਘਟਨਾ ਪੂਰਬੀ ਵਿਏਨਾ ਦੇ ਬੋਮਗਾਰਟੇਨ ਵਿਚ ਸਥਿਤ ਆਸਟਰੀਆ ਦੇ ਮੁੱਖ ਗੈਸ ਪਾਈਪ ਲਾਈਨ ਹੱਬ ਵਿਚ ਹੋਈ। ਰੂਸ, ਨਾਰਵੇ ਜਾਂ ਕਿਤੋਂ ਹੋਰ ਆਯਾਤ ਹੋਣ ਵਾਲੇ ਗੈਸ ਦਾ ਇਹ ਆਸਟਰੀਆ ਦਾ ਸਭ ਤੋਂ ਵੱਡਾ ਭੰਡਾਰ ਅਤੇ ਵੰਡ ਹੱਬ ਹੈ। ਪੁਲਸ ਬੁਲਾਰੇ ਐਡਮੰਡ ਟਰੇਗਸੀਜ ਨੇ ਦੱਸਿਆ, ''ਸਵੇਰੇ 8 ਵੱਜ ਕੇ 45 ਮਿੰਟ ਉੱਤੇ ਇਹ ਧਮਾਕਾ ਹੋਇਆ, ਜਿਸ ਤੋਂ ਬਾਅਦ ਅੱਗ ਲੱਗ ਗਈ। ਧਮਾਕੇ ਦੇ ਕਾਰਨਾਂ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ ਹੈ।'' ਬੁਲਾਰੇ ਨੇ ਦੱਸਿਆ ਕਿ ਸਥਿਤੀ ਕਾਬੂ ਵਿਚ ਹੈ। 1 ਵਿਅਕਤੀ ਗੰਭੀਰ ਰੂਪ ਨਾਲ ਜ਼ਖਮੀ ਹੈ। ਥੋੜ੍ਹੇ ਰੂਪ ਤੋਂ ਜ਼ਖਮੀ ਹੋਣ ਵਾਲੇ ਲੋਕਾਂ ਦੀ ਗਿਣਤੀ 60 ਦੱਸੀ ਗਈ ਹੈ। ਉਥੇ ਹੀ, ਰੈਡਕਰਾਸ ਦੀ ਔਰਤ ਬੁਲਾਰਨ ਸੋਨਜਾ ਕੇਨਲਰ ਨੇ ਆਸਟਰੀਅਨ ਪ੍ਰੈਸ ਏਜੰਸੀ ਨੂੰ ਦੱਸਿਆ ਹੈ ਕਿ 1 ਵਿਅਕਤੀ ਦੀ ਮੌਤ ਹੋ ਗਈ ਅਤੇ 18 ਵਿਅਕਤੀ ਜ਼ਖਮੀ ਹੋ ਗਏ ਹਨ। ਪੁਲਸ ਨੇ ਸੋਸ਼ਲ ਮੀਡੀਆ ਉੱਤੇ ਲੋਕਾਂ ਨੂੰ ਬੋਮਗਾਰਟੇਨ ਖੇਤਰ ਵੱਲ ਜਾਣ ਤੋਂ ਪਰਹੇਜ ਕਰਨ ਨੂੰ ਕਿਹਾ ਹੈ। ਇਹ ਖੇਤਰ ਸਲੋਵਾਕਿਆ ਨਾਲ ਲੱਗਦੀ ਹੋਈ ਆਸਟਰੀਆ ਦੀ ਪੂਰਬੀ ਸਰਹੱਦ ਦੇ ਨਜ਼ਦੀਕ ਹੈ।
