ਲਖਨਊ ਦੇ ਮੈਂਟਰ ਦੇ ਰੂਪ ''ਚ IPL ''ਚ ਵਾਪਸੀ ਕਰ ਸਕਦੇ ਹਨ ਜ਼ਹੀਰ ਖਾਨ

ਨਵੀਂ ਦਿੱਲੀ- ਸਾਬਕਾ ਭਾਰਤੀ ਤੇਜ਼ ਗੇਂਦਬਾਜ਼ ਜ਼ਹੀਰ ਖਾਨ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਦੇ ਅਗਲੇ ਸੀਜ਼ਨ ਵਿਚ ਲਖਨਊ ਸੁਪਰ ਜਾਇੰਟਸ ਦੇ ਮੈਂਟਰ ਵਜੋਂ ਟੂਰਨਾਮੈਂਟ ਵਿਚ ਵਾਪਸੀ ਕਰ ਸਕਦੇ ਹਨ। ਇਹ 45 ਸਾਲਾ ਕ੍ਰਿਕਟਰ ਇਸ ਤੋਂ ਪਹਿਲਾਂ ਮੁੰਬਈ ਇੰਡੀਅਨਜ਼ ਵਿੱਚ ਗਲੋਬਲ ਡਿਵੈਲਪਮੈਂਟ ਦਾ ਮੁਖੀ ਸੀ। ਉਹ 2018 ਤੋਂ 2022 ਤੱਕ ਇਸੇ ਫਰੈਂਚਾਇਜ਼ੀ ਵਿੱਚ ਕ੍ਰਿਕਟ ਦੇ ਡਾਇਰੈਕਟਰ ਦੇ ਅਹੁਦੇ 'ਤੇ ਵੀ ਰਹੇ।
ਜ਼ਹੀਰ ਖਾਨ ਪਹਿਲੇ 10 ਸੀਜ਼ਨਾਂ ਵਿੱਚ ਇੱਕ ਕ੍ਰਿਕਟਰ ਦੇ ਰੂਪ ਵਿੱਚ ਆਈਪੀਐੱਲ ਨਾਲ ਜੁੜੇ ਹੋਏ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਤਿੰਨ ਟੀਮਾਂ ਮੁੰਬਈ ਇੰਡੀਅਨਜ਼, ਰਾਇਲ ਚੈਲੰਜਰਜ਼ ਬੰਗਲੌਰ ਅਤੇ ਦਿੱਲੀ ਡੇਅਰਡੇਵੀਲਜ਼ (ਹੁਣ ਦਿੱਲੀ ਕੈਪੀਟਲਜ਼) ਲਈ ਕੁੱਲ 100 ਮੈਚ ਖੇਡੇ ਜਿਸ ਵਿੱਚ ਉਨ੍ਹਾਂ ਨੇ 7.59 ਦੀ ਆਰਥਿਕ ਦਰ ਨਾਲ 102 ਵਿਕਟਾਂ ਲਈਆਂ।
ਈਐੱਸਪੀਐੱਨ ਕ੍ਰਿਕਇੰਫੋ ਦੀ ਰਿਪੋਰਟ ਦੇ ਅਨੁਸਾਰ, “ਜ਼ਹੀਰ ਖਾਨ ਲਖਨਊ ਸੁਪਰ ਜਾਇੰਟਸ (ਐੱਲਐੱਸਜੀ) ਦੇ ਮੈਂਟਰ ਦੇ ਅਹੁਦੇ ਲਈ ਫਰੈਂਚਾਇਜ਼ੀ ਨਾਲ ਗੱਲਬਾਤ ਚੱਲ ਰਹੀ ਹੈ। ਇਹ ਫ੍ਰੈਂਚਾਇਜ਼ੀ ਗੌਤਮ ਗੰਭੀਰ ਦੇ ਜਾਣ ਤੋਂ ਬਾਅਦ ਆਪਣੇ ਕੋਚਿੰਗ ਸਟਾਫ 'ਚ ਟੀ-20 ਕ੍ਰਿਕਟ ਦੀ ਚੰਗੀ ਤਰ੍ਹਾਂ ਜਾਣੂ ਸਾਬਕਾ ਭਾਰਤੀ ਕ੍ਰਿਕਟਰ ਨੂੰ ਸ਼ਾਮਲ ਕਰਨਾ ਚਾਹੁੰਦੀ ਹੈ।
ਗੰਭੀਰ ਦੀ ਅਗਵਾਈ 'ਚ ਲਖਨਊ ਦੀ ਟੀਮ 2022 ਅਤੇ 2023 'ਚ ਦੋ ਵਾਰ ਪਲੇਆਫ 'ਚ ਪਹੁੰਚੀ ਸੀ। ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਗੰਭੀਰ 2023 ਦੇ ਅਖੀਰ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਵਿੱਚ ਸ਼ਾਮਲ ਹੋਏ ਅਤੇ ਇਸ ਸਾਲ ਫ੍ਰੈਂਚਾਈਜ਼ੀ ਚੈਂਪੀਅਨ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਭਾਰਤੀ ਟੀਮ ਦਾ ਮੁੱਖ ਕੋਚ ਨਿਯੁਕਤ ਕੀਤਾ ਗਿਆ।
ਲਖਨਊ ਨੂੰ ਆਪਣੇ ਗੇਂਦਬਾਜ਼ੀ ਕੋਚ ਮੋਰਨੇ ਮੋਰਕਲ ਦੀਆਂ ਸੇਵਾਵਾਂ ਵੀ ਨਹੀਂ ਮਿਲਣਗੀਆਂ। ਦੱਖਣੀ ਅਫਰੀਕਾ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਗੰਭੀਰ ਦੇ ਸਹਿਯੋਗੀ ਸਟਾਫ 'ਚ ਭਾਰਤੀ ਪੁਰਸ਼ ਟੀਮ 'ਚ ਵੀ ਇਸੇ ਭੂਮਿਕਾ 'ਚ ਸ਼ਾਮਲ ਹੋਏ ਹਨ। ਪੰਜਾਬ ਕਿੰਗਜ਼ ਨੂੰ ਭਾਰਤੀ ਕੋਚ ਦੀ ਤਲਾਸ਼ ਹੈ ਇਸ ਦੌਰਾਨ ਪੰਜਾਬ ਕਿੰਗਜ਼ ਟ੍ਰੇਵਰ ਬੇਲਿਸ ਦੀ ਥਾਂ ਕਿਸੇ ਭਾਰਤੀ ਖਿਡਾਰੀ ਨੂੰ ਮੁੱਖ ਕੋਚ ਨਿਯੁਕਤ ਕਰਨ ਲਈ ਉਤਸੁਕ ਹੈ।
ਰਿਪੋਰਟਾਂ ਦੇ ਅਨੁਸਾਰ, ਪੰਜਾਬ ਵੀਵੀਐੱਸ ਲਕਸ਼ਮਣ ਨੂੰ ਮੁੱਖ ਕੋਚ ਵਜੋਂ ਨਿਯੁਕਤ ਕਰਨਾ ਚਾਹੁੰਦਾ ਸੀ ਪਰ ਅਜਿਹਾ ਸੰਭਵ ਨਹੀਂ ਹੈ ਕਿਉਂਕਿ ਸਾਬਕਾ ਭਾਰਤੀ ਬੱਲੇਬਾਜ਼ ਨੇ ਬੀਸੀਸੀਆਈ ਦੀ ਰਾਸ਼ਟਰੀ ਕ੍ਰਿਕਟ ਅਕੈਡਮੀ ਦੇ ਮੁਖੀ ਵਜੋਂ ਆਪਣਾ ਕਾਰਜਕਾਲ ਵਧਾ ਦਿੱਤਾ ਹੈ।