ਇਕ ਵਾਰ ਫ਼ਿਰ ਚੌਕੇ-ਛੱਕੇ ਵਰ੍ਹਾਉਣਗੇ ਯੁਵਰਾਜ ਸਿੰਘ! WCL ''ਚ ਦਿਖੇਗਾ ਜਲਵਾ
Monday, Aug 17, 2026 - 02:12 PM (IST)
ਨਵੀਂ ਦਿੱਲੀ- ਸਾਬਕਾ ਆਸਟ੍ਰੇਲੀਆਈ ਓਪਨਰ ਡੇਵਿਡ ਵਾਰਨਰ, ਯੁਵਰਾਜ ਸਿੰਘ, ਡਵੇਨ ਬ੍ਰਾਵੋ ਅਤੇ ਏਬੀ ਡਿਵਿਲੀਅਰਜ਼ ਵਰਗੇ ਮਹਾਨ ਖਿਡਾਰੀ 3 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੇ ਵਿਸ਼ਵ ਚੈਂਪੀਅਨਸ਼ਿਪ ਆਫ਼ ਲੈਜੈਂਡਜ਼ (ਡਬਲਯੂ.ਸੀ.ਐਲ.) ਦੇ ਤੀਜੇ ਸੀਜ਼ਨ ਵਿੱਚ ਖੇਡਣਗੇ। ਇਹ ਟੂਰਨਾਮੈਂਟ 3 ਤੋਂ 18 ਅਕਤੂਬਰ ਤੱਕ ਖੇਡਿਆ ਜਾਵੇਗਾ, ਹਾਲਾਂਕਿ ਸਥਾਨ ਦਾ ਐਲਾਨ ਅਜੇ ਨਹੀਂ ਕੀਤਾ ਗਿਆ ਹੈ।
ਡਬਲਯੂ.ਸੀ.ਐਲ. ਦੇ ਪਹਿਲੇ ਸੀਜ਼ਨ ਵਿੱਚ, ਭਾਰਤੀ ਚੈਂਪੀਅਨਾਂ ਨੇ ਪਾਕਿਸਤਾਨੀ ਚੈਂਪੀਅਨਾਂ ਨੂੰ ਹਰਾਇਆ ਸੀ। ਦੂਜੇ ਸੀਜ਼ਨ ਵਿੱਚ, ਦੱਖਣੀ ਅਫਰੀਕਾ ਦੇ ਚੈਂਪੀਅਨਾਂ ਨੇ ਪਾਕਿਸਤਾਨੀ ਚੈਂਪੀਅਨਾਂ ਨੂੰ ਹਰਾ ਕੇ ਖਿਤਾਬ ਜਿੱਤਿਆ ਸੀ। ਪ੍ਰਬੰਧਕਾਂ ਨੇ ਇੱਥੇ ਜਾਰੀ ਇੱਕ ਰਿਲੀਜ਼ ਵਿੱਚ ਕਿਹਾ, "ਕੁਝ ਵੱਡੇ ਖਿਡਾਰੀਆਂ ਦੇ ਡਬਲਯੂ.ਸੀ.ਐਲ. ਦੇ ਤੀਜੇ ਸੀਜ਼ਨ ਵਿੱਚ ਹਿੱਸਾ ਲੈਣ ਦੀ ਉਮੀਦ ਹੈ। ਇਨ੍ਹਾਂ ਖਿਡਾਰੀਆਂ ਵਿੱਚ ਯੁਵਰਾਜ ਸਿੰਘ, ਏਬੀ ਡਿਵਿਲੀਅਰਜ਼, ਡਵੇਨ ਬ੍ਰਾਵੋ, ਸ਼ਾਹਿਦ ਅਫਰੀਦੀ, ਮੋਇਨ ਅਲੀ, ਡੇਵਿਡ ਵਾਰਨਰ ਅਤੇ ਮਹਿਮੂਦੁੱਲਾ ਰਿਆਦ ਸ਼ਾਮਲ ਹਨ।"
