WPL 2026 Auction: ਪਿਤਾ ਕਰਦੇ ਸਨ ਕ੍ਰਿਕਟ ਦਾ ਵਿਰੋਧ, ਹੁਣ ਧੀ ਬਣੀ ਕਰੋੜਪਤੀ

ਸਪੋਰਟਸ ਡੈਸਕ- ਨਵੀਂ ਦਿੱਲੀ ਵਿੱਚ ਹੋਈ ਮਹਿਲਾ ਪ੍ਰੀਮੀਅਰ ਲੀਗ ਦੀ ਮੈਗਾ ਨਿਲਾਮੀ ਵਿੱਚ ਕਈ ਖਿਡਾਰੀਆਂ ਨੂੰ 1 ਕਰੋੜ ਰੁਪਏ ਜਾਂ ਇਸ ਤੋਂ ਵੱਧ ਦੀ ਰਕਮ ਮਿਲੀ। ਇਨ੍ਹਾਂ ਖਿਡਾਰੀਆਂ ਵਿੱਚ ਇੱਕ ਆਲਰਾਊਂਡਰ ਅਜਿਹੀ ਵੀ ਸੀ ਜਿਸਦੇ ਪਿਤਾ ਨੇ ਕਦੇ ਉਸਦੇ ਕ੍ਰਿਕਟ ਖੇਡਣ ਦਾ ਵਿਰੋਧ ਕੀਤਾ ਸੀ ਪਰ ਹੁਣ ਉਹ ਮਹਿਲਾ ਪ੍ਰੀਮੀਅਰ ਲੀਗ ਦੀ ਮੈਗਾ ਨਿਲਾਮੀ ਵਿੱਚ ਕਰੋੜਪਤੀ ਬਣ ਗਈ ਹੈ। ਅਸੀਂ ਵੈਸਟ ਇੰਡੀਜ਼ ਦੀ ਵਿਸਫੋਟਕ ਆਲਰਾਊਂਡਰ ਚੈਨੇਲ ਹੈਨਰੀ ਬਾਰੇ ਗੱਲ ਕਰ ਰਹੇ ਹਾਂ, ਜਿਸਨੂੰ ਦਿੱਲੀ ਕੈਪੀਟਲਜ਼ ਨੇ 1.3 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ।

ਚੇਨੇਲ ਹੈਨਰੀ ਦੀ ਕਹਾਣੀ

ਚੇਨੇਲ ਹੈਨਰੀ ਦਾ ਜਨਮ 17 ਅਗਸਤ, 1995 ਨੂੰ ਜਮੈਕਾ ਵਿੱਚ ਹੋਇਆ ਸੀ। ਇਹ 30 ਸਾਲਾ ਖਿਡਾਰਨ ਆਪਣੀ ਮੱਧਮ ਗਤੀ ਦੀ ਗੇਂਦਬਾਜ਼ੀ ਅਤੇ ਹੇਠਲੇ ਕ੍ਰਮ ਵਿੱਚ ਵਿਸਫੋਟਕ ਬੱਲੇਬਾਜ਼ੀ ਲਈ ਜਾਣੀ ਜਾਂਦੀ ਹੈ। ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਉਸਦੀ ਬੱਲੇਬਾਜ਼ੀ ਔਸਤ 15.35 ਹੈ ਅਤੇ ਉਸਦੇ ਨਾਮ 22 ਵਿਕਟਾਂ ਹਨ। ਪਿਛਲੇ ਸੀਜ਼ਨ ਵਿੱਚ ਉਸਨੇ ਮਹਿਲਾ ਪ੍ਰੀਮੀਅਰ ਲੀਗ ਵਿੱਚ ਯੂਪੀ ਵਾਰੀਅਰਜ਼ ਲਈ ਖੇਡਿਆ ਸੀ ਜਿਸ ਵਿਚ ਉਸਨੇ 7 ਮੈਚਾਂ ਵਿੱਚ 196 ਤੋਂ ਵੱਧ ਦੀ ਸਟ੍ਰਾਈਕ ਰੇਟ ਨਾਲ 163 ਦੌੜਾਂ ਬਣਾਈਆਂ ਅਤੇ 6 ਵਿਕਟਾਂ ਵੀ ਲਈਆਂ ਸਨ।

ਚੈਨੇਲ ਹੈਨਰੀ ਬਾਰੇ ਖਾਸ ਗੱਲ ਇਹ ਹੈ ਕਿ ਉਸਦੇ ਪਿਤਾ ਭਾਵੇਂ ਕ੍ਰਿਕਟ ਪ੍ਰਸ਼ੰਸਕ ਸਨ ਪਰ ਮਹਿਲਾ ਕ੍ਰਿਕਟ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੇ ਸਨ। ਸ਼ੁਰੂ ਵਿੱਚ ਉਹ ਆਪਣੀ ਧੀ ਦੇ ਕ੍ਰਿਕਟ ਖੇਡਣ ਦਾ ਵਿਰੋਧ ਕਰਦੇ ਸਨ। ਉਹ ਚਾਹੁੰਦੇ ਸਨ ਕਿ ਉਹ ਇੱਕ ਐਥਲੀਟ ਬਣੇ ਪਰ ਚੈਨੇਲ ਕ੍ਰਿਕਟ ਨੂੰ ਪਿਆਰ ਕਰਦੇ ਸਨ। ਚੈਨੇਲ ਨੇ ਆਪਣੇ ਪਿਤਾ ਨੂੰ ਗਲਤ ਸਾਬਤ ਕੀਤਾ ਅਤੇ ਅੱਜ, ਉਹ ਮਹਿਲਾ ਪ੍ਰੀਮੀਅਰ ਲੀਗ ਵਿੱਚ ਇੰਨੀ ਵੱਡੀ ਕੀਮਤ 'ਤੇ ਵਿਕੀ ਹੈ।

ਇਨ੍ਹਾਂ ਖਿਡਾਰੀਆਂ 'ਤੇ ਵੀ ਵਰ੍ਹਿਆ ਪੈਸਾ

ਚੈਨਲ ਹੈਨਰੀ ਤੋਂ ਇਲਾਵਾ, ਮਹਿਲਾ ਪ੍ਰੀਮੀਅਰ ਲੀਗ ਨਿਲਾਮੀ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਖਿਡਾਰਨ ਦੀਪਤੀ ਸ਼ਰਮਾ ਰਹੀ। ਇਸ ਆਲਰਾਊਂਡਰ ਨੂੰ ਯੂਪੀ ਵਾਰੀਅਰਜ਼ ਨੇ 3.2 ਕਰੋੜ ਰੁਪਏ ਵਿੱਚ ਖਰੀਦਿਆ। ਅਮੇਲੀਆ ਕੇਰ ਨੂੰ ਮੁੰਬਈ ਇੰਡੀਅਨਜ਼ ਨੇ 3 ਕਰੋੜ ਰੁਪਏ ਵਿੱਚ ਖਰੀਦਿਆ। ਸੋਫੀ ਡੇਵਾਈਨ ਨੂੰ ਗੁਜਰਾਤ ਟਾਈਟਨਜ਼ ਨੇ 2 ਕਰੋੜ ਰੁਪਏ ਵਿੱਚ ਖਰੀਦਿਆ। ਮੇਗ ਲੈਨਿੰਗ ਯੂਪੀ ਵਾਰੀਅਰਜ਼ ਟੀਮ ਵਿੱਚ 1.9 ਕਰੋੜ ਰੁਪਏ ਵਿੱਚ ਸ਼ਾਮਲ ਹੋਈ।