ਚੀਨ ਦੀ ਬਜਾਏ ਦੁਬਈ ''ਚ ਹੋ ਸਕਦੇ ਹਨ ਵਿਸ਼ਵ ਕੱਪ ਫੁੱਟਬਾਲ ਦੇ ਕੁਆਲੀਫਾਇਰਸ ਮੈਚ

ਸਪੋਰਟਸ ਡੈਸਕ- ਕੋਰੋਨਾ ਦੇ ਮੱਦੇਨਜ਼ਰ ਚੀਨ 'ਚ ਲਗਾਈਆਂ ਗਈਆਂ ਸਖ਼ਤ ਪਾਬੰਦੀਆਂ ਕਾਰਨ ਪੂਰਬੀ ਸ਼ਹਿਰ ਸੁਜੋਓ 'ਚ ਇਸ ਹਫ਼ਤੇ ਹੋਣ ਵਾਲੇ ਵਿਸ਼ਵ ਕੱਪ ਫੁੱਟਬਾਲ ਦੇ ਕੁਆਲੀਫਾਇੰਗ ਮੈਚਾਂ ਨੂੰ ਦੁਬਈ (ਯੂਏਈ) 'ਚ ਕਰਵਾਇਆ ਜਾ ਸਕਦਾ ਹੈ। ਚੀਨੀ ਫੁੱਟਬਾਲ ਸੰਘ ਨੇ ਕਿਹਾ ਕਿ ਮਾਲਦੀਵ ਅਤੇ ਸੀਰੀਆ 'ਚ ਇਨਫੈਕਸ਼ਨ ਦੇ ਮਾਮਲੇ ਵਧਣ ਤੋਂ ਬਾਅਦ ਇਨ੍ਹਾਂ ਦੋਵਾਂ ਦੇਸ਼ਾਂ ਦੀਆਂ ਕੌਮੀ ਟੀਮਾਂ ਨੂੰ ਚੀਨ ਪਹੁੰਚਣ 'ਤੇ ਸਖ਼ਤ ਇਕਾਂਤਵਾਸ 'ਚੋ ਲੰਘਣਾ ਪਵੇਗਾ ਅਤੇ ਉਹ ਪਹਿਲਾਂ ਤੈਅ ਪ੍ਰਰੋਗਰਾਮ ਮੁਤਾਬਕ ਨਹੀਂ ਖੇਡ ਸਕਦੇ। ਏਸ਼ੀਆਈ ਫੁੱਟਬਾਲ ਕਨਫੈੱਡਰੇਸ਼ਨ ਨੇ ਵੀ ਬਾਅਦ 'ਚ ਪੁਸ਼ਟੀ ਕੀਤੀ ਕਿ ਇਹ ਮੈਚ ਕਿਸੇ ਦੂਸਰੀ ਜਗ੍ਹਾ 'ਤੇ ਹੋਣਗੇ ਪਰ ਉਸ ਨੇ ਸਥਾਨ ਦਾ ਜ਼ਿਕਰ ਨਹੀਂ ਕੀਤਾ।