ਵਿਨੇਸ਼ ਫੋਗਾਟ ਨੂੰ ਸਪੇਨ ਦੌਰੇ ਲਈ ਸ਼ੈਂਗੇਨ ਵੀਜ਼ਾ ਮਿਲਿਆ
07/03/2024 9:24:37 PM
ਨਵੀਂ ਦਿੱਲੀ, (ਭਾਸ਼ਾ) ਵਿਸ਼ਵ ਚੈਂਪੀਅਨਸ਼ਿਪ ਦੀ ਕਾਂਸੀ ਤਮਗਾ ਜੇਤੂ ਪਹਿਲਵਾਨ ਵਿਨੇਸ਼ ਫੋਗਾਟ ਨੂੰ ਸਪੇਨ ਜਾਣ ਲਈ ਸਰਕਾਰ ਦੀ ਮਦਦ ਨਾਲ ਬੁੱਧਵਾਰ ਨੂੰ ਸ਼ੈਂਗੇਨ ਵੀਜ਼ਾ ਮਿਲ ਗਿਆ। ਫੋਗਾਟ ਸਪੇਨ ਗ੍ਰਾਂ ਪ੍ਰੀ 2024 ਵਿੱਚ ਹਿੱਸਾ ਲੈਣ ਵਾਲੀ ਹੈ।
ਉਸ ਨੇ ਬੁੱਧਵਾਰ ਰਾਤ ਨੂੰ ਰਵਾਨਾ ਹੋਣਾ ਹੈ ਪਰ ਅੱਜ ਸਵੇਰ ਤੱਕ ਵੀਜ਼ਾ ਨਹੀਂ ਮਿਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਖੇਡ ਮੰਤਰੀ ਮਨਸੁਖ ਮਾਂਡਵੀਆ ਅਤੇ ਵਿਦੇਸ਼ ਮੰਤਰਾਲੇ ਤੋਂ ਮਦਦ ਮੰਗੀ। ਤਿੰਨ ਘੰਟੇ ਬਾਅਦ ਫੋਗਾਟ ਨੇ ਦੱਸਿਆ ਕਿ ਉਸ ਨੂੰ ਸ਼ੈਂਗੇਨ ਵੀਜ਼ਾ ਮਿਲ ਗਿਆ ਹੈ। ਉਨ੍ਹਾਂ ਇਸ ਲਈ ਸਰਕਾਰ ਦਾ ਧੰਨਵਾਦ ਵੀ ਕੀਤਾ। ਸਪੇਨ ਵਿੱਚ ਅਭਿਆਸ ਅਤੇ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਤੋਂ ਬਾਅਦ, ਫੋਗਾਟ ਪੈਰਿਸ ਓਲੰਪਿਕ ਦੀ ਤਿਆਰੀ ਲਈ ਫਰਾਂਸ ਵਿੱਚ 20 ਦਿਨਾਂ ਤੱਕ ਅਭਿਆਸ ਕਰੇਗੀ ।
