ਕਿਰਗਿਸਤਾਨ ਅਤੇ ਹੰਗਰੀ ਜਾਣਗੇ ਵਿਨੇਸ਼ ਫੋਗਾਟ ਅਤੇ ਬਜਰੰਗ ਪੂਨੀਆ

ਨਵੀਂ ਦਿੱਲੀ- ਪਹਿਲਵਾਨ ਅਤੇ ਟਾਰਗੇਟ ਓਲੰਪਿਕ ਪੋਡੀਅਮ ਸਕੀਮ (ਟਾਪਸ) ਅਥਲੀਟ ਵਿਨੇਸ਼ ਫੋਗਾਟ ਅਤੇ ਬਜਰੰਗ ਪੂਨੀਆ ਅੰਤਰਰਾਸ਼ਟਰੀ ਸਿਖਲਾਈ ਕੈਂਪਾਂ ਲਈ ਕਿਰਗਿਸਤਾਨ ਅਤੇ ਹੰਗਰੀ ਜਾਣਗੇ। ਖੇਡ ਮੰਤਰਾਲੇ ਦੇ ਬੁਲਾਰੇ ਨੇ ਵੀਰਵਾਰ ਨੂੰ ਕਿਹਾ ਕਿ ਦੋਵਾਂ ਨੇ ਆਪਣੇ ਪ੍ਰਸਤਾਵ ਯੁਵਾ ਮਾਮਲੇ ਅਤੇ ਖੇਡ ਮੰਤਰਾਲੇ (MYAS) ਦੀ ਟਾਪਸ ਟੀਮ ਨੂੰ ਭੇਜੇ ਅਤੇ ਉਨ੍ਹਾਂ ਦੀ ਬੇਨਤੀ ਦੇ 24 ਘੰਟਿਆਂ ਦੇ ਅੰਦਰ ਇਸ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ।

ਇਹ ਵੀ ਪੜ੍ਹੋ: ਸਹਿਵਾਗ ਨੇ ਯਾਦਗਾਰ ਪਾਰੀ 'ਚ ਵਰਤੋਂ ਕੀਤੇ ਬੱਲੇ ਦੀ ਤਸਵੀਰ ਕੀਤੀ ਸ਼ੇਅਰ, ਲਿਖਿਆ- 293 ਵਾਲਾ ਖੋਹ ਗਿਆ
ਓਲੰਪਿਕ ਤਮਗਾ ਜੇਤੂ ਬਜਰੰਗ ਪੂਨੀਆ 36 ਦਿਨਾਂ ਦੇ ਸਿਖਲਾਈ ਕੈਂਪ ਲਈ ਕਿਰਗਿਸਤਾਨ ਦੇ ਇਸਿਕ-ਕੁਲ ਦੀ ਯਾਤਰਾ ਕਰਨਗੇ, ਜਦੋਂ ਕਿ ਵਿਸ਼ਵ ਚੈਂਪੀਅਨਸ਼ਿਪ ਤਮਗਾ ਜੇਤੂ ਵਿਨੇਸ਼ ਫੋਗਾਟ ਇੱਕ ਹਫ਼ਤੇ ਦੀ ਸਿਖਲਾਈ ਲਈ ਪਹਿਲਾਂ ਕਿਰਗਿਸਤਾਨ ਦੇ ਬਿਸ਼ਕੇਕ ਅਤੇ ਫਿਰ 18 ਦਿਨਾਂ ਦੇ ਸਿਖਲਾਈ ਕੈਂਪ ਲਈ ਟਾਟਾ, ਹੰਗਰੀ ਜਾਵੇਗੀ। 
ਵਿਨੇਸ਼ ਦੇ ਨਾਲ ਫਿਜ਼ੀਓਥੈਰੇਪਿਸਟ ਅਸ਼ਵਨੀ ਜੀਵਨ ਪਾਟਿਲ, ਸਪਾਰਿੰਗ ਪਾਰਟਨਰ ਸੰਗੀਤਾ ਫੋਗਾਟ ਅਤੇ ਕੋਚ ਸੁਦੇਸ਼, ਬਜਰੰਗ ਦੇ ਨਾਲ ਕੋਚ ਸੁਜੀਤ ਮਾਨ, ਫਿਜ਼ੀਓਥੈਰੇਪਿਸਟ ਅਨੁਜ ਗੁਪਤਾ, ਸਪੈਰਿੰਗ ਪਾਰਟਨਰ ਜਤਿੰਦਰ ਅਤੇ ਤਾਕਤ ਅਤੇ ਕੰਡੀਸ਼ਨਿੰਗ ਮਾਹਰ ਕਾਜ਼ੀ ਹਸਨ ਹੋਣਗੇ।

ਇਹ ਵੀ ਪੜ੍ਹੋ: ਵਿੰਡੀਜ਼ ਦੌਰੇ ਤੋਂ ਪਹਿਲਾਂ ਟੀਮ ਇੰਡੀਆ ਦੇ ਸਾਥੀਆਂ ਨੂੰ ਮਿਲੇ ਰਿਸ਼ਭ ਪੰਤ, ਸਾਂਝੀਆਂ ਕੀਤੀਆਂ ਤਸਵੀਰਾਂ
ਵਿਨੇਸ਼, ਬਜਰੰਗ ਤੋਂ ਇਲਾਵਾ ਸੰਗੀਤਾ ਫੋਗਾਟ ਅਤੇ ਜਤਿੰਦਰ ਦੀ ਸਿਖਲਾਈ ਦੌਰਾਨ ਵੱਖ-ਵੱਖ ਖਰਚੇ ਸਰਕਾਰ ਭਰੇਗੀ। ਇਸ ਤੋਂ ਇਲਾਵਾ, ਪਹਿਲਵਾਨਾਂ ਦੇ ਨਾਲ ਆਉਣ ਵਾਲੇ ਹੋਰ ਸਹਾਇਕ ਸਟਾਫ ਦਾ ਖਰਚਾ ਓਲੰਪਿਕ ਗੋਲਡ ਕੁਐਸਟ (ਓਜੀਕਿਊ) ਦੁਆਰਾ ਚੁੱਕਿਆ ਜਾਵੇਗਾ। ਵਿਨੇਸ਼ ਅਤੇ ਬਜਰੰਗ ਜੁਲਾਈ ਦੇ ਪਹਿਲੇ ਹਫ਼ਤੇ 'ਚ ਰਵਾਨਾ ਹੋਣ ਵਾਲੇ ਹਨ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।