ਸਿੰਗਾਪੁਰ ਓਪਨ : ਸੈਮੀਫਾਈਨਲ ''ਚ ਹਾਰ ਨਾਲ ਤ੍ਰਿਸਾ ਅਤੇ ਗਾਇਤਰੀ ਦਾ ਸਫਰ ਖ਼ਤਮ

ਸਿੰਗਾਪੁਰ, (ਭਾਸ਼ਾ) ਸਿੰਗਾਪੁਰ ਓਪਨ ਵਿਚ ਭਾਰਤ ਦੀ ਤ੍ਰਿਸਾ ਜੌਲੀ ਅਤੇ ਗਾਇਤਰੀ ਗੋਪੀਚੰਦ ਦੀ ਜੋੜੀ ਦਾ ਸਿੰਗਾਪੁਰ ਓਪਨ 'ਚ ਸੁਨਿਹਰੀ ਸਫਰ ਸ਼ਨੀਵਾਰ ਨੂੰ ਇੱਥੇ ਸੈਮੀਫਾਈਨਲ 'ਚ ਵਿਸ਼ਵ ਦੇ ਚੌਥੇ ਸਥਾਨ 'ਤੇ ਰਹਿਣ ਵਾਲੀ ਨਾਮੀ ਮਾਤਸੁਯਾਮਾ ਅਤੇ ਚਿਹਰੂ ਸ਼ਿਦਾ ਦੀ ਦੁਨੀਆ ਦੀ ਚੌਥੀ ਨੰਬਰ ਦੀ ਜੋੜੀ ਨਾਲ ਸਿੱਧੇ ਗੇਮ 'ਚ ਹਾਰ ਨਾਲ ਖ਼ਤਮ ਹੋ ਗਿਆ। ਇਸ ਹਾਰ ਨਾਲ BWF ਵਰਲਡ ਟੂਰ ਸੁਪਰ 750 'ਚ ਭਾਰਤ ਦੀ ਮੁਹਿੰਮ ਵੀ ਖਤਮ ਹੋ ਗਈ। ਗੈਰ ਦਰਜਾ ਪ੍ਰਾਪਤ ਭਾਰਤੀ ਜੋੜੀ ਦੀ ਨਜ਼ਰ ਚੋਟੀ ਦੇ 10 ਖਿਡਾਰੀਆਂ 'ਤੇ ਜਿੱਤ ਦੀ ਹੈਟ੍ਰਿਕ ਲਗਾਉਣ 'ਤੇ ਸੀ ਪਰ ਅਜਿਹਾ ਨਹੀਂ ਹੋ ਸਕਿਆ। 

ਰਾਸ਼ਟਰਮੰਡਲ ਖੇਡਾਂ ਦੀ ਕਾਂਸੀ ਤਮਗਾ ਜੇਤੂ ਤ੍ਰਿਸਾ ਅਤੇ ਗਾਇਤਰੀ ਦੀ ਜੋੜੀ 47 ਮਿੰਟਾਂ ਵਿੱਚ 23-21, 21-11 ਨਾਲ ਜਿੱਤਣ ਵਾਲੀ ਜਾਪਾਨੀ ਖਿਡਾਰਨਾਂ ਦੇ ਸਾਹਮਣੇ ਟਿਕ ਨਹੀਂ ਸਕੀ। ਜਾਪਾਨੀ ਜੋੜੀ ਨੇ ਇਸ ਤਰ੍ਹਾਂ ਫਰਵਰੀ ਵਿਚ ਏਸ਼ੀਆ ਟੀਮ ਚੈਂਪੀਅਨਸ਼ਿਪ ਵਿਚ ਤ੍ਰਿਸਾ ਅਤੇ ਗਾਇਤਰੀ ਤੋਂ ਸੈਮੀਫਾਈਨਲ ਵਿਚ ਹਾਰ ਦਾ ਬਦਲਾ ਲਿਆ। ਭਾਰਤੀ ਜੋੜੀ ਵਿਰੁੱਧ ਜਾਪਾਨੀ ਜੋੜੀ ਦਾ ਜਿੱਤ ਦਾ ਰਿਕਾਰਡ ਹੁਣ 3-1 ਨਾਲ ਹੋ ਗਿਆ ਹੈ। ਤ੍ਰਿਸਾ ਅਤੇ ਗਾਇਤਰੀ ਨੇ ਇਸ ਤੋਂ ਪਹਿਲਾਂ ਪ੍ਰੀ-ਕੁਆਰਟਰ ਵਿੱਚ ਵਿਸ਼ਵ ਦੀ ਦੂਜੇ ਨੰਬਰ ਦੀ ਜੋੜੀ ਬਾਏਕ ਹਾ ਨਾ ਅਤੇ ਲੀ ਸੋ ਹੀ ਨੂੰ ਹਰਾਇਆ ਸੀ ਅਤੇ ਕੁਆਰਟਰ ਫਾਈਨਲ ਵਿੱਚ ਵਿਸ਼ਵ ਦੀ ਛੇਵੇਂ ਨੰਬਰ ਦੀ ਜੋੜੀ ਕਿਮ ਸੋ ਯੋਂਗ ਅਤੇ ਕੋਂਗ ਹੀ ਯੰਗ ਨੂੰ ਹਰਾਇਆ ਸੀ।