ਟਿਆਫੋ, ਮੇਦਵੇਦੇਵ ਇੰਡੀਅਨ ਵੇਲਜ਼ ''ਚ ਸੈਮੀਫਾਈਨਲ ਵਿੱਚ ਪਹੁੰਚੇ, ਗਾਫ ਹਾਰੀ

ਇੰਡੀਅਨ ਵੇਲਜ਼ : ਫਰਾਂਸਿਸ ਟਿਆਫੋ ਨੇ 10ਵਾਂ ਦਰਜਾ ਪ੍ਰਾਪਤ ਕੈਮਰੂਨ ਨੋਰੀ ਨੂੰ 6-4, 6-4 ਨਾਲ ਹਰਾ ਕੇ ਬੀਐਨਪੀ ਪਰਿਬਾਸ ਓਪਨ ਦੇ ਸੈਮੀਫਾਈਨਲ ਵਿੱਚ ਥਾਂ ਬਣਾ ਲਈ ਹੈ। 14ਵਾਂ ਦਰਜਾ ਪ੍ਰਾਪਤ ਅਮਰੀਕਾ ਦਾ ਇਹ ਖਿਡਾਰੀ ਪਹਿਲੀ ਵਾਰ ਕਿਸੇ ਮਾਸਟਰਜ਼ 1000 ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿੱਚ ਪਹੁੰਚਿਆ ਹੈ।

ਉਨ੍ਹਾਂ ਨੇ ਕੁਆਰਟਰ ਫਾਈਨਲ ਮੈਚ ਵਿੱਚ 2021 ਦੇ ਚੈਂਪੀਅਨਜ਼ ਦੀ ਅੱਠ ਮੈਚਾਂ ਦੀ ਜਿੱਤ ਦੀ ਲੜੀ ਨੂੰ ਖਤਮ ਕੀਤਾ। ਆਖ਼ਰੀ ਚਾਰ ਵਿੱਚ ਉਸ ਨੂੰ ਪੰਜਵੇਂ ਦਰਜੇ ਦੇ ਖਿਡਾਰੀ ਦਾਨਿਲ ਮੇਦਵੇਦੇਵ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ। ਰੂਸੀ ਖਿਡਾਰੀ ਨੇ ਅਲੇਜੈਂਡਰੋ ਡੇਵਿਡੋਵਿਚ ਫੋਕੀਨਾ ਨੂੰ 6-3, 7-5 ਨਾਲ ਹਰਾ ਕੇ ਲਗਾਤਾਰ 18ਵੀਂ ਜਿੱਤ ਦਰਜ ਕੀਤੀ। ਮਹਿਲਾ ਵਰਗ ਵਿੱਚ ਦੂਜਾ ਦਰਜਾ ਪ੍ਰਾਪਤ ਆਰਿਨਾ ਸਬਲੇਨਕਾ ਨੇ ਛੇਵਾਂ ਦਰਜਾ ਪ੍ਰਾਪਤ ਕੋਕੋ ਗਾਫ ਨੂੰ ਆਖਰੀ ਸੱਤ ਗੇਮਾਂ 'ਚ 6-4, 6-0 ਨਾਲ ਹਰਾਇਆ।