ਕੋਹਲੀ ਤੇ ਧੋਨੀ ਤੋਂ ਵੀ ਅਮੀਰ ਹੈ ਇਹ ਕ੍ਰਿਕਟਰ, ਮਾਧੁਰੀ ਦੀਕਸ਼ਿਤ ਨਾਲ ਸੀ ਸੰਬਧ

ਨਵੀਂ ਦਿੱਲੀ-ਸਿਰਫ਼ ਸਚਿਨ ਤੇਂਦੁਲਕਰ, ਵਿਰਾਟ ਕੋਹਲੀ ਜਾਂ ਮਹਿੰਦਰ ਸਿੰਘ ਧੋਨੀ ਹੀ ਨਹੀਂ ਸਗੋਂ ਸਾਬਕਾ ਕ੍ਰਿਕਟਰ ਅਜੇ ਜਡੇਜਾ ਵੀ ਸਭ ਤੋਂ ਅਮੀਰ ਭਾਰਤੀ ਕ੍ਰਿਕਟਰਾਂ ਦੀ ਸੂਚੀ ਵਿੱਚ ਆਉਂਦੇ ਹਨ। ਤੁਹਾਨੂੰ ਅਜੇ ਜਡੇਜਾ ਦੀ ਕਮਾਈ ਬਾਰੇ ਜਾਣ ਕੇ ਵੀ ਹੈਰਾਨੀ ਹੋਵੇਗੀ। ਜਿਨ੍ਹਾਂ ਦੀ ਕੁੱਲ ਜਾਇਦਾਦ ਲਗਭਗ 1400 ਕਰੋੜ ਰੁਪਏ ਹੈ। ਅਜੇ ਜਡੇਜਾ ਜਾਮਨਗਰ ਦੇ ਤਖਤ 'ਤੇ ਬੈਠੇ ਹਨ। 12 ਅਕਤੂਬਰ 2024 ਨੂੰ ਜਾਮਨਗਰ ਤਖਤ ਦੇ ਮਹਾਰਾਜਾ ਸ਼ਤਰੂਸ਼ਲ ਸਿੰਘਜੀ ਜਡੇਜਾ ਨੇ ਅਜੇ ਜਡੇਜਾ ਨੂੰ ਆਪਣਾ ਉੱਤਰਾਧਿਕਾਰੀ ਐਲਾਨਿਆ। ਜਿਸ ਤੋਂ ਬਾਅਦ ਸਾਰੀ ਜਾਇਦਾਦ ਅਜੇ ਦੇ ਨਾਮ 'ਤੇ ਤਬਦੀਲ ਹੋ ਗਈ ਅਤੇ ਉਨ੍ਹਾਂ ਦੀ ਕਮਾਈ ਵਿੱਚ ਭਾਰੀ ਵਾਧਾ ਹੋਇਆ। ਉਹ ਕਈ ਕ੍ਰਿਕਟ ਟੀਮਾਂ ਨਾਲ ਵੀ ਕੰਮ ਕਰਦੇ ਹਨ। ਉਹ 2023 ਦੇ ਵਿਸ਼ਵ ਕੱਪ ਵਿੱਚ ਅਫਗਾਨਿਸਤਾਨ ਕ੍ਰਿਕਟ ਟੀਮ ਦੇ ਸਹਾਇਕ ਕੋਚ ਬਣੇ। ਟੀਮ ਨੇ ਉਨ੍ਹਾਂ ਦੀ ਕੋਚਿੰਗ ਹੇਠ ਵਧੀਆ ਪ੍ਰਦਰਸ਼ਨ ਕੀਤਾ।

ਮਾਧੁਰੀ ਦੀਕਸ਼ਿਤ ਨਾਲ ਇੱਕ ਅਧੂਰੀ ਪ੍ਰੇਮ ਕਹਾਣੀ ਤੋਂ ਬਾਅਦ, ਅਜੇ ਜਡੇਜਾ ਨੇ ਮਸ਼ਹੂਰ ਸਿਆਸਤਦਾਨ ਜਯਾ ਜੇਤਲੀ ਦੀ ਧੀ ਅਦਿਤੀ ਜੇਤਲੀ ਨਾਲ ਵਿਆਹ ਕਰਵਾ ਲਿਆ। ਅਜੇ ਜਡੇਜਾ ਅਤੇ ਅਦਿਤੀ ਦੇ ਦੋ ਬੱਚੇ ਹਨ। ਏਮਾਨ ਅਤੇ ਅਮੀਰਾ। ਅਜੇ ਜਡੇਜਾ ਇਸ ਸਮੇਂ ਕ੍ਰਿਕਟ ਕੁਮੈਂਟਰੀ ਅਤੇ ਮਾਹਰ ਪੈਨਲ ਵਿੱਚ ਸ਼ਾਮਲ ਹਨ। ਅਜੈ ਦੇ ਪਰਿਵਾਰ ਨੂੰ ਮਾਧੁਰੀ ਨਾਲ ਉਸਦੇ ਰਿਸ਼ਤੇ ਦੀ ਮਨਜ਼ੂਰੀ ਨਹੀਂ ਸੀ ਕਿਉਂਕਿ ਦੋਵੇਂ ਵੱਖ-ਵੱਖ ਜਾਤਾਂ ਨਾਲ ਸਬੰਧਤ ਸਨ। ਇਸੇ ਕਰਕੇ ਦੋਵੇਂ ਵਿਆਹ ਨਹੀਂ ਕਰਵਾ ਸਕੇ।