IPL 2026 'ਚ ਨਹੀ ਖੇਡਣਗੇ ਇਹ 4 ਧਾਕੜ ਖਿਡਾਰੀ, ਆਕਸ਼ਨ ਤੋਂ ਪਹਿਲਾਂ ਆਈ ਹੈਰਾਨ ਕਰਨ ਵਾਲੀ ਅਪਡੇਟ
Tuesday, Dec 02, 2025 - 12:34 PM (IST)
ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੇ 19ਵੇਂ ਸੀਜ਼ਨ ਯਾਨੀ IPL 2026 ਦੀ ਨਿਲਾਮੀ ਤੋਂ ਪਹਿਲਾਂ ਕ੍ਰਿਕਟ ਜਗਤ ਨੂੰ ਇੱਕ ਵੱਡਾ ਝਟਕਾ ਲੱਗਾ ਹੈ। 16 ਦਸੰਬਰ ਨੂੰ ਅਬੂ ਧਾਬੀ ਵਿੱਚ ਹੋਣ ਵਾਲੀ ਮਿੰਨੀ ਆਕਸ਼ਨ ਲਈ ਕੁੱਲ 1355 ਖਿਡਾਰੀਆਂ ਨੇ ਆਪਣਾ ਨਾਮ ਰਜਿਸਟਰ ਕਰਵਾਇਆ ਹੈ। ਪਰ ਇਸ ਸਭ ਦੇ ਵਿਚਕਾਰ, 4 ਵੱਡੇ ਸੁਪਰਸਟਾਰ ਖਿਡਾਰੀ ਇਸ ਵਾਰ IPL ਵਿੱਚ ਖੇਡਦੇ ਨਜ਼ਰ ਨਹੀਂ ਆਉਣਗੇ।
ਕਿਹੜੇ 4 ਖਿਡਾਰੀ ਹੋਏ ਬਾਹਰ ਅਤੇ ਕਿਉਂ?
ਚਾਰ ਵੱਡੇ ਨਾਮ ਜਿਨ੍ਹਾਂ ਨੇ IPL 2026 ਵਿੱਚ ਨਾ ਖੇਡਣ ਦਾ ਫੈਸਲਾ ਲਿਆ ਹੈ, ਉਹ ਹੇਠ ਲਿਖੇ ਅਨੁਸਾਰ ਹਨ:
1. ਗਲੇਨ ਮੈਕਸਵੈੱਲ : ਆਸਟ੍ਰੇਲੀਆ ਦੇ ਇਸ ਧਾਕੜ ਆਲਰਾਊਂਡਰ ਦਾ ਨਾਮ IPL 2026 ਆਕਸ਼ਨ ਲਈ ਰਜਿਸਟਰਡ ਖਿਡਾਰੀਆਂ ਦੀ ਸੂਚੀ ਵਿੱਚੋਂ ਗਾਇਬ ਹੈ। ਇਸ ਫੈਸਲੇ ਤੋਂ ਬਾਅਦ ਉਨ੍ਹਾਂ ਦੇ IPL ਤੋਂ ਸੰਨਿਆਸ ਲੈਣ ਦੀਆਂ ਅਟਕਲਾਂ ਲੱਗ ਰਹੀਆਂ ਹਨ। ਮੈਕਸਵੈੱਲ ਨੇ ਇਸ ਤੋਂ ਪਹਿਲਾਂ 141 IPL ਮੈਚਾਂ ਵਿੱਚ 2819 ਦੌੜਾਂ ਬਣਾਈਆਂ ਅਤੇ 41 ਵਿਕਟਾਂ ਲਈਆਂ ਹਨ।
2. ਫਾਫ ਡੂ ਪਲੇਸਿਸ : ਦੱਖਣੀ ਅਫਰੀਕਾ ਦੇ ਇਸ ਦਿੱਗਜ ਬੱਲੇਬਾਜ਼ ਨੇ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਇੱਕ ਭਾਵੁਕ ਪੋਸਟ ਰਾਹੀਂ IPL ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਫਾਫ ਨੇ IPL ਦੀ ਬਜਾਏ ਪਾਕਿਸਤਾਨ ਸੁਪਰ ਲੀਗ (PSL) ਵਿੱਚ ਖੇਡਣ ਦਾ ਫੈਸਲਾ ਕੀਤਾ ਹੈ।
3. ਮੋਇਨ ਅਲੀ : ਇੰਗਲੈਂਡ ਦੇ ਆਲਰਾਊਂਡਰ ਮੋਇਨ ਅਲੀ ਨੇ ਵੀ IPL 2026 ਦੀ ਬਜਾਏ PSL ਵਿੱਚ ਖੇਡਣ ਦਾ ਫੈਸਲਾ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
4. ਆਂਦਰੇ ਰਸਲ : ਵੈਸਟਇੰਡੀਜ਼ ਦੇ ਧਾਕੜ ਆਲਰਾਊਂਡਰ ਆਂਦਰੇ ਰਸਲ ਨੇ ਵੀ ਹਾਲ ਹੀ ਵਿੱਚ ਸੰਨਿਆਸ ਦਾ ਐਲਾਨ ਕੀਤਾ। ਉਹ ਹੁਣ ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਲਈ ‘ਪਾਵਰ ਕੋਚ’ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ।
