ਦਿਵਿਆਂਗ ਖਿਡਾਰੀਆਂ ਲਈ ਅਜੇ ਤਕ ਨਹੀਂ ਹੋਇਆ ਕਮੇਟੀ ਦਾ ਗਠਨ

ਮੁੰਬਈ– ਭਾਰਤੀ ਦਿਵਿਆਂਗ ਕ੍ਰਿਕਟ ਸੰਘ (ਪੀ. ਸੀ ਸੀ. ਆਈ.) ਇਸ ਗੱਲ ਨੂੰ ਲੈ ਕੇ ਨਿਰਾਸ਼ ਹੈ ਕਿ ਵਾਰ-ਵਾਰ ਅਪੀਲ ਦੇ ਬਾਵਜੂਦ ਬੀ. ਸੀ. ਸੀ. ਆਈ. ਨੇ ਅਜੇ ਤਕ ਉਸ ਨੂੰ ਆਪਣੇ ਸਾਏ ਹੇਠ ਨਹੀਂ ਲਿਆ ਹੈ। ਸੰਘ ਨੇ ਇਕ ਬਿਆਨ ਵਿਚ ਕਿਹਾ,''ਜਦੋਂ ਸੌਰਭ ਗਾਂਗੁਲੀ ਬੀ. ਸੀ. ਸੀ. ਆਈ. ਮੁਖੀ ਬਣਿਆ ਸੀ ਤਾਂ ਕਈਆਂ ਨੂੰ ਉਮੀਦਾਂ ਬੱਝੀਆਂ ਸਨ। ਦਿਵਿਆਂਗ ਕ੍ਰਿਕਟਰਾਂ ਨੂੰ ਕਾਫੀ ਉਮੀਦਾਂ ਸਨ ਕਿ ਕੋਈ ਉਨ੍ਹਾਂ ਦੇ ਮਾਸਲੇ 'ਤੇ ਧਿਆਨ ਦੇਵੇਗਾ ਤੇ ਉਨ੍ਹਾਂ ਦੀ ਜ਼ਿੰਦਗੀ ਬਦਲ ਜਾਵੇਗੀ।''
ਇਸ ਵਿਚ ਕਿਹਾ ਗਿਆ, ''ਦਿਵਿਆਂਗ ਕ੍ਰਿਕਟਰਾਂ ਤੇ ਦਾਦਾ (ਗਾਂਗੁਲੀ) ਵਿਚਾਲੇ ਮੀਟਿੰਗ ਤੋਂ ਬਾਅਦ ਉਮੀਦਾਂ ਹੋਰ ਵਧ ਗਈਆਂ ਸਨ ਪਰ ਅਜੇ ਤਕ ਕੁਝ ਨਹੀਂ ਹੋਇਆ ਹੈ। ਆਸ਼ਾ ਹੁਣ ਨਿਰਾਸ਼ਾ ਵਿਚ ਬਦਲ ਗਈ ਹੈ।'' ਸੰਘ ਨੇ ਕਿਹਾ ਕਿ ਭਾਰਤ ਵਿਚ ਦਿਵਿਆਂਗ ਕ੍ਰਿਕਟਰਾਂ ਨੂੰ ਪਛਾਣ ਨਹੀਂ ਮਿਲੀ ਹੈ।