ਦ੍ਰਾਵਿੜ ਨਹੀਂ ਸਚਿਨ ਨੂੰ ਦੀਵਾਰ ਮੰਨਦਾ ਹੈ ਦੱਖਣੀ ਅਫਰੀਕਾ ਦਾ ਇਹ ਤੂਫਾਨੀ ਗੇਂਦਬਾਜ਼

ਸਪੋਰਟਸ ਡੈਸਕ : ਸਾਬਕਾ ਭਾਰਤੀ ਕ੍ਰਿਕਟਰ ਰਾਹੁਲ ਦ੍ਰਾਵਿੜ ਨੂੰ ‘ਦਿ ਵਾਲ’ ਕਿਹਾ ਜਾਂਦਾ ਹੈ ਪਰ ਦੱਖਣੀ ਅਫਰੀਕਾ ਦੇ ਤੂਫਾਨੀ ਗੇਂਦਬਾਜ਼ ਡੇਲ ਸਟੇਨ ਦਾ ਇਸ ਬਾਰੇ ਵਿਚ ਕੁਝ ਹੋਰ ਹੀ ਮੰਨਣਾ ਹੈ। ਦਰਅਸਲ, ਸਟੇਨ ਇਕ ਸਵਾਲ ਦੇ ਜਵਾਬ ਵਿਚ ਦ੍ਰਾਵਿੜ ਨੂੰ ਜ਼ਬਰਦਸਤ ਬੱਲੇਬਾਜ਼ ਜਦਕਿ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੂੰ ਦੀਵਾਰ ਕਿਹਾ ਹੈ। 

ਕੋਰੋਨਾ ਵਾਇਰਸ ਕਾਰਨ ਘਰ ਵਿਚ ਲਾਕਡਾਊਨ ਹੋਏ ਖਿਡਾਰੀ ਆਪਣੇ ਫੈਂਸ ਨਾਲ ਗੱਲਬਾਤ ਕਰਨ ਦੇ ਲਈ ਸੋਸ਼ਲ ਮੀਡੀਆ ’ਤੇ ਸਵਾਲ ਜਵਾਬ ਸੈਸ਼ਨ ਦਾ ਸਹਾਰਾ ਲੈ ਰਹੇ ਹਨ। ਡੇਲ ਸਟੇਨ ਨੇ ਵੀ ਸਵਾਲ-ਜਵਾਬ ਦਾ ਸੈਸ਼ਨ ਰੱਖਿਆ ਸੀ। ਇਸ ਦੌਰਾਨ ਜਦੋਂ ਉਸ ਤੋਂ ਸਭ ਤੋਂ ਬਿਹਤਰੀਨ ਬੱਲੇਬਾਜ਼ ਦੇ ਬਾਰੇ ਵਿਚ ਪੁੱਛਿਆ ਗਿਆ ਤਾਂ ਇਸ ’ਤੇ ਉਸ ਨੇ 5 ਖਿਡਾਰੀਆਂ ਦਾ ਨਾਂ ਲਿਆ। ਇਸ ਦੌਰਾਨ ਉਸ ਨੇ ਰਿਕੀ ਪੋਂਟਿੰਗ ਨੂੰ ਸ਼ਾਨਦਾਰ ਬੱਲੇਬਾਜ਼, ਸਚਿਨ, ਨੂੰ ਦੀਵਾਰਸ ਅਤੇ ਰਾਹੁਲ ਦ੍ਰਾਵਿੜ, ਕ੍ਰਿਸ ਗੇਲ ਅਤੇ ਕੇਵਿਨ ਪੀਟਰਸਨ ਨੂੰ ਜ਼ਬਰਦਸਤ ਬੱਲੇਬਾਜ਼ ਦੱਸਿਆ।

ਇਸ ਦੌਰਾਨ ਇਕ ਭਾਰਤੀ ਯੂਜ਼ਰ ਨੇ ਸਟੇਨ ਤੋਂ ਸਪਾਟ ਫਿਕਸਿੰਗ ਨੂੰ ਲੈ ਕੇ ਸਵਾਲ ਕਰਦਿਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਅਤੇ ਸਿੱਧਾ ਪੁੱਛ ਲਿਆ ਕਿ ਉਹ ਸਪਾਟ ਫਿਕਸਿੰਗ ਦੇ ਲਈ ਕਿੰਨੇ ਪੈਸੇ ਲੈਂਦੇ ਹਨ। ਇਸ ’ਤੇ ਸਟੇਨ ਵੀ ਗੁੱਸੇ ਵਿਚ ਆ ਗਏ ਅਤੇ ਯੂਜ਼ਰ ਨੂੰ ਬਲਾਕ ਕਰ ਦਿੱਤਾ। ਉਸ ਨੇ ਕੁਮੈਂਟ ਵਿਚ ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਬਲਾਕਡ ਪੋਸ ਲਿਖਿਆ।