ਧੋਨੀ ਲਈ ਇਸ ਕੈਰੇਬਿਅਨ ਸੀਰੀਜ਼ ਦੇ ਮਾਇਨੇ ਬਹੁਤ ਖਾਸ: ਸੌਰਵ ਗਾਂਗੁਲੀ

ਨਵੀਂ ਦਿੱਲੀ— ਵੈਸਟਇੰਡੀਜ਼ ਖਿਲਾਫ ਸੀਰੀਜ਼ ਦੇ ਪਹਿਲੇ ਮੁਕਾਬਲੇ 'ਚ ਤਾਂ ਚਾਹੇ ਹੀ ਕੋਹਲੀ-ਰੋਹਿਤ ਦੀ ਸ਼ਾਨਦਾਰ ਬੱਲੇਬਾਜ਼ੀ ਨੇ ਬਾਕੀ ਬੱਲੇਬਾਜ਼ਾਂ ਦੀ ਪਰੀਖਿਆ ਨਹੀਂ ਹੋਣ ਦਿੱਤੀ ਪਰ ਇਨ੍ਹਾਂ ਬੱਲੇਬਾਜ਼ਾਂ 'ਚੋਂ ਇਕ ਧੋਨੀ ਦੇ ਲਈ ਸੀਰੀਜ਼ ਬਹੁਤ ਖਾਸ ਹੈ। ਭਾਰਤ ਦੇ ਸਾਬਕਾ ਕਪਤਾਨ ਸੌਰਭ ਗਾਂਗੁਲੀ ਨੇ ਖਰਾਬ ਫਾਰਮ ਨਾਲ ਜੂਝ ਰਹੇ ਮਹਿੰਦਰ ਸਿੰਘ ਧੋਨੀ ਦਾ ਬਚਾਅ ਕਰਦੇ ਹੋਏ ਕਿਹਾ ਕਿ ਅਗਲੇ ਸਾਲ ਹੋਣ ਵਾਲੇ ਵਿਸ਼ਵ ਕੱਪ ਤੋਂ ਪਹਿਲਾਂ ਵੈਸਟਇੰਡੀਜ਼ ਖਿਲਾਫ ਮੌਜੂਦਾ ਸੀਰੀਜ਼ ਉਨ੍ਹਾਂ ਲਈ ਕਾਫੀ ਅਹਿਮ ਹੋਵੇਗੀ। ਵਨ ਡੇ ਕ੍ਰਿਕਟ ਦੇ ਬਾਦਸ਼ਾਹ ਰਹੇ ਧੋਨੀ ਪਿਛਲੇ ਕੁਝ ਸਮੇਂ ਤੋਂ ਖਰਾਬ ਫਾਰਮ ਨਾਲ ਜੂਝ ਰਹੇ ਹਨ, ਵੈਸਟਇੰਡੀਜ਼ ਖਿਲਾਫ ਪੰਜ ਮੈਚਾਂ ਦੀ ਮੌਜੂਦਾ ਸੀਰੀਜ਼ ਸਮੇਤ ਭਾਰਤ ਨੂੰ ਅਗਲੇ ਸਾਲ ਹੋਣ ਵਾਲੇ ਵਿਸ਼ਵ ਕੱਪ ਤੋਂ ਪਹਿਲਾਂ 18 ਵਨ ਡੇ ਖੇਡਣੇ ਹਨ। ਦਿੱਲੀ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਨੂੰ ਟੀਮ ਪ੍ਰਬੰਧਨ ਨੇ ਟੀਮ 'ਚ ਸ਼ਾਮਲ ਕੀਤਾ ਹੈ।

ਗਾਂਗੁਲੀ ਨੇ ਕਿਹਾ, ਮੈਨੂੰ ਨਹੀਂ ਪਤਾ ਕੀ ਟੀਮ ਸੰਯੋਜਨ ਕਿਉਂ ਹੋਵੇਗਾ ਪਰ ਮੈਨੂੰ ਯਕੀਨ ਹੈ ਕਿ ਧੋਨੀ ਵਿਸ਼ਵ ਕੱਪ 'ਚ ਚੰਗਾ ਪ੍ਰਦਰਸ਼ਨ ਕਰੇਗਾ, ਵੈਸਟਇੰਡੀਜ਼ ਖਿਲਾਫ ਇਹ ਸੀਰੀਜ਼ ਉਸਦੇ ਲਈ ਵੱਡੀ ਹੋਵੇਗੀ।' ਏਸ਼ੀਆ ਕੱਪ 'ਚ ਧੋਨੀ ਨੇ ਚਾਰ ਪਾਰੀਆਂ 'ਚ 19.25 ਦੀ ਔਸਤ ਨਾਲ 77 ਦੌੜਾਂ ਬਣਾਈਆਂ। ਇਸ ਸਾਲ 'ਚ ਉਹ 10 ਪਾਰੀਆਂ 'ਚ 28.12 ਦੀ ਔਸਤ ਤੋਂ ਹੀ ਦੌੜਾਂ ਬਣਾ ਸਕੇ ਹੈ, ਇੰਗਲੈਂਡ 'ਚ ਉਹ 20 ਵਨ ਡੇ 'ਚ ਇਕ ਵੀ ਸੈਂਕੜਾ ਨਹੀਂ ਲਗਾ ਸਕੇ ਹਨ। ਗਾਂਗੁਲੀ ਨੇ ਕਿਹਾ,' ਉਸਦਾ ਕੁਲ ਰਿਕਾਰਡ ਚੰਗਾ ਹੈ ਦੇਖਣਾ ਹੋਵੇਗਾ ਕਿ ਵਿਸ਼ਵ ਕੱਪ ਤੋਂ ਪਹਿਲਾਂ ਪ੍ਰਦਰਸ਼ਨ ਕਿੱਦਾ ਦਾ ਰਹਿੰਦਾ ਹੈ ਇਹੀ ਵਜ੍ਹਾ ਹੈ ਕਿ ਪੰਤ ਨੂੰ ਮੌਕਾ ਦਿੱਤਾ ਗਿਆ ਹੈ।'