ਟਾਈਮ ਮੈਗਜ਼ੀਨ 'ਤੇ ਸਮ੍ਰਿਤੀ ਮੰਧਾਨਾ ! 100 ਖਿਡਾਰੀਆਂ ਦੀ ਲਿਸਟ 'ਚ ਇਕਲੌਤੀ ਭਾਰਤੀ

ਸਪੋਰਟਸ ਡੈਸਕ- ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਨੂੰ ਇਸ ਸਾਲ ਟਾਈਮ ਮੈਗਜ਼ੀਨ ਦੇ ਖੇਡਾਂ ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਵਿੱਚੋਂ ਇੱਕ ਚੁਣਿਆ ਗਿਆ ਹੈ। ਉਹ ਇਸ ਸੂਚੀ ਵਿੱਚ ਸ਼ਾਮਲ ਹੋਣ ਵਾਲੀ ਇਕਲੌਤੀ ਭਾਰਤੀ ਹੈ। ਟਾਈਮ ਮੈਗਜ਼ੀਨ ਦੀ 2026 ਦੀ ਖੇਡਾਂ ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਵਿੱਚ ਐਥਲੀਟ, ਕੋਚ, ਸਮਰਥਕ ਅਤੇ ਨਿਵੇਸ਼ਕ ਸ਼ਾਮਲ ਹਨ ਜਿਨ੍ਹਾਂ ਨੇ ਖੇਡਾਂ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ।

ਇਸ ਸੂਚੀ ਵਿੱਚ ਅਮਰੀਕੀ ਬਾਸਕਟਬਾਲ ਦੇ ਮਹਾਨ ਖਿਡਾਰੀ ਲੇਬਰੋਨ ਜੇਮਜ਼, ਫੁੱਟਬਾਲ ਸਟਾਰ ਲਿਓਨਲ ਮੇਸੀ, ਕ੍ਰਿਸਟੀਆਨੋ ਰੋਨਾਲਡੋ, ਚੀਨੀ-ਅਮਰੀਕੀ ਸਕੀਅਰ ਆਈਲੀਨ ਗੁ, ਟੈਨਿਸ ਸਟਾਰ ਕਾਰਲੋਸ ਅਲਕਾਰਜ਼, ਬਾਸਕਟਬਾਲ ਖਿਡਾਰੀ ਵਿਕਟਰ ਵੇਮਬਾਨਯਾਮਾ, ਮਹਾਨ ਗੋਲਫਰ ਰੋਰੀ ਮੈਕਿਲਰੋਏ ਅਤੇ ਦੱਖਣੀ ਅਫ਼ਰੀਕੀ ਕ੍ਰਿਕਟ ਕਪਤਾਨ ਤੇਂਬਾ ਬਾਵੁਮਾ ਵਰਗੇ ਖੇਡ ਸੁਪਰਸਟਾਰ ਸ਼ਾਮਲ ਹਨ।

STORY | Smriti Mandhana only Indian among TIME magazine's 100 most influential sportspersons

Cricketer Smriti Mandhana has been named by TIME magazine among this year’s 100 most influential people in sports, the only Indian to be featured on the list.

TIME’s list of the 100… pic.twitter.com/rQE5KIQFXe

— Press Trust of India (@PTI_News) June 16, 2026

ਭਾਰਤੀ ਮਹਿਲਾ ਰਾਸ਼ਟਰੀ ਟੀਮ ਦੀ ਉਪ-ਕਪਤਾਨ 29 ਸਾਲਾ ਮੰਧਾਨਾ ਇਸ ਵਿਸ਼ੇਸ਼ ਕਲੱਬ ਦਾ ਹਿੱਸਾ ਹੈ। ਟਾਈਮ ਮੈਗਜ਼ੀਨ ਨੇ ਮੰਧਾਨਾ ਬਾਰੇ ਕਿਹਾ, 'ਮੰਧਾਨਾ ਘਰੇਲੂ ਵਨਡੇ ਵਿੱਚ ਦੋਹਰਾ ਸੈਂਕੜਾ ਲਗਾਉਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਖਿਡਾਰਨ ਹੈ, ਉਹ ਤਿੰਨੋਂ ਅੰਤਰਰਾਸ਼ਟਰੀ ਫਾਰਮੈਟਾਂ ਵਿੱਚ ਸੈਂਕੜਾ ਲਗਾਉਣ ਵਾਲੀ ਪਹਿਲੀ ਮਹਿਲਾ ਖਿਡਾਰਨ ਹੈ ਅਤੇ 17 ਸੈਂਕੜਿਆਂ ਦੇ ਨਾਲ, ਉਹ ਅੰਤਰਰਾਸ਼ਟਰੀ ਮਹਿਲਾ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਸੈਂਕੜਿਆਂ ਦਾ ਸਾਂਝਾ ਰਿਕਾਰਡ ਧਾਰਕ ਹੈ।'