ਸਮਿਥ ਨੇ ਬੁਮਰਾਹ ਦੀਆਂ ਤਾਰੀਫ਼ਾਂ ਦੇ ਬੰਨ੍ਹੇ ਪੁਲ, ਸਾਰੇ ਫਾਰਮੈਟਾਂ ''ਚ ਦੱਸਿਆ ਸਰਬੋਤਮ ਤੇਜ਼ ਗੇਂਦਬਾਜ਼

ਨਵੀਂ ਦਿੱਲੀ : ਆਸਟ੍ਰੇਲੀਆ ਦੇ ਤਜਰਬੇਕਾਰ ਬੱਲੇਬਾਜ਼ ਸਟੀਵ ਸਮਿਥ ਨੇ ਬਾਰਡਰ-ਗਾਵਸਕਰ ਟਰਾਫੀ ਤੋਂ ਪਹਿਲਾਂ ਜਸਪ੍ਰੀਤ ਬੁਮਰਾਹ ਦੀ ਤਾਰੀਫ਼ ਕੀਤੀ ਹੈ ਅਤੇ ਉਸ ਨੂੰ ਸਾਰੇ ਫਾਰਮੈਟਾਂ 'ਚ ਸਰਬੋਤਮ ਤੇਜ਼ ਗੇਂਦਬਾਜ਼ ਦੱਸਿਆ ਹੈ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ 22 ਨਵੰਬਰ ਤੋਂ ਪਰਥ 'ਚ ਸ਼ੁਰੂ ਹੋਵੇਗੀ। ਭਾਰਤ ਨੇ ਆਸਟ੍ਰੇਲੀਆ ਵਿਚ ਪਿਛਲੀਆਂ ਦੋ ਸੀਰੀਜ਼ ਜਿੱਤੀਆਂ ਹਨ। ਜੇਕਰ ਭਾਰਤ ਨੇ ਲਗਾਤਾਰ ਤਿੰਨ ਸੀਰੀਜ਼ ਜਿੱਤਣੀਆਂ ਹਨ ਤਾਂ ਬੁਮਰਾਹ ਦੇ ਅਸਧਾਰਨ ਹੁਨਰ 'ਤੇ ਆਸਟ੍ਰੇਲੀਆ 'ਚ ਬਹੁਤ ਜ਼ਿਆਦਾ ਭਰੋਸਾ ਕੀਤਾ ਜਾਵੇਗਾ।

ਸਮਿਥ ਨੇ ਸਟਾਰ ਸਪੋਰਟਸ ਨੂੰ ਦੱਸਿਆ, ''ਉਹ ਇਕ ਮਹਾਨ ਗੇਂਦਬਾਜ਼ ਹੈ, ਚਾਹੇ ਮੈਂ ਉਸ ਦਾ ਸਾਹਮਣਾ ਨਵੀਂ ਗੇਂਦ ਨਾਲ ਕਰਾਂ, ਥੋੜ੍ਹੀ ਪੁਰਾਣੀ ਗੇਂਦ ਨਾਲ ਜਾਂ ਪੁਰਾਣੀ ਗੇਂਦ ਨਾਲ। ਉਸ ਕੋਲ ਹਰ ਤਰ੍ਹਾਂ ਦੇ ਹੁਨਰ ਹਨ। ਉਹ ਇਕ ਮਹਾਨ ਗੇਂਦਬਾਜ਼ ਹੈ, ਤਿੰਨਾਂ ਫਾਰਮੈਟਾਂ ਵਿਚ ਸਭ ਤੋਂ ਵਧੀਆ ਤੇਜ਼ ਗੇਂਦਬਾਜ਼ ਹੈ। ਇਹ ਹਮੇਸ਼ਾ ਇਕ ਚੁਣੌਤੀ ਰਹੇਗੀ।

35 ਸਾਲਾ ਬੁਮਰਾਹ ਨੇ ਪਿਛਲੀਆਂ ਕੁਝ ਸੀਰੀਜ਼ਾਂ 'ਚ ਆਸਟ੍ਰੇਲੀਆ ਲਈ ਓਪਨਿੰਗ ਕੀਤੀ ਹੈ ਅਤੇ ਉਸ ਤੋਂ ਭਾਰਤ ਖਿਲਾਫ ਵੀ ਅਜਿਹਾ ਹੀ ਕਰਨ ਦੀ ਉਮੀਦ ਹੈ। 109 ਟੈਸਟ ਮੈਚ ਖੇਡ ਚੁੱਕੇ ਸਮਿਥ ਹੁਣ ਤੱਕ 9685 ਦੌੜਾਂ ਬਣਾ ਚੁੱਕੇ ਇਸ ਹਾਈ-ਪ੍ਰੋਫਾਈਲ ਸੀਰੀਜ਼ 'ਚ 10,000 ਦੌੜਾਂ ਦਾ ਅੰਕੜਾ ਪਾਰ ਕਰ ਸਕਦੇ ਹਨ। ਦੂਜੇ ਪਾਸੇ ਬੁਮਰਾਹ ਨੇ ਜਨਵਰੀ 2018 ਵਿਚ ਟੈਸਟ ਡੈਬਿਊ ਕਰਨ ਤੋਂ ਬਾਅਦ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 37 ਮੈਚਾਂ ਵਿਚ 20.51 ਦੀ ਔਸਤ ਨਾਲ 164 ਵਿਕਟਾਂ ਲਈਆਂ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8