ਇੰਗਲੈਂਡ ਨੂੰ ਲੱਗਾ ਝਟਕਾ, ਸਟਾਰ ਖਿਡਾਰੀ ਹੋਇਆ ਟੀਮ ਤੋਂ ਬਾਹਰ

ਮਾਨਚੈਸਟਰ- ਇੰਗਲੈਂਡ ਦੇ ਸਟਾਰ ਆਲਰਾਊਂਡਰ ਬੇਨ ਸਟੋਕਸ ਪਰਿਵਾਰਕ ਕਾਰਨਾਂ ਦੇ ਕਾਰਨ ਪਾਕਿਸਤਾਨ ਵਿਰੁੱਧ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਬਚੇ ਹੋਏ 2 ਮੈਚ ਨਹੀਂ ਖੇਡ ਸਕਣਗੇ। ਇੰਗਲੈਂਡ ਐਂਡ ਵੇਲਸ ਕ੍ਰਿਕਟ ਬੋਰਡ (ਈ. ਸੀ. ਬੀ.) ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਈ. ਸੀ. ਬੀ. ਨੇ ਹਾਲਾਂਕਿ ਉਸਦੇ ਹਟਣ ਦਾ ਠੀਕ ਕਾਰਨ ਨਹੀਂ ਦੱਸਿਆ।

ਈ. ਸੀ. ਬੀ. ਨੇ ਇਕ ਬਿਆਨ 'ਚ ਕਿਹਾ ਕਿ ਸਟੋਕਸ ਇਸ ਹਫਤੇ ਦੇ ਆਖਰ 'ਚ ਨਿਊਜ਼ੀਲੈਂਡ ਜਾਵੇਗਾ। ਉਹ ਪਾਕਿਸਤਾਨ ਦੇ ਵਿਰੁੱਧ 13 ਅਗਸਤ ਤੇ 21 ਅਗਸਤ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋਣ ਵਾਲੇ ਇੰਗਲੈਂਡ ਦੇ 2 ਟੈਸਟ ਮੈਚਾਂ 'ਚ ਨਹੀਂ ਖੇਡ ਸਕਣਗੇ। ਬਿਆਨ ਦੇ ਅਨੁਸਾਰ ਇੰਗਲੈਂਡ ਐਂਡ ਵੇਲਸ ਕ੍ਰਿਕਟ ਬੋਰਡ ਸਟੋਕਸ ਦੇ ਪਰਿਵਾਰ ਦੇ ਨਾਲ-ਨਾਲ ਮੀਡੀਆ ਤੋਂ ਅਪੀਲ ਕਰਦਾ ਹੈ ਕਿ ਉਹ ਇਸ ਸਮੇਂ ਪਰਿਵਾਰ ਦੀ ਨਿਜਤਾ ਦਾ ਸਨਮਾਨ ਕਰੇ। ਮੇਜ਼ਬਾਨ ਇੰਗਲੈਂਡ ਨੇ ਸ਼ੁਰੂਆਤੀ ਟੈਸਟ ਤਿੰਨ ਵਿਕਟ ਨਾਲ ਜਿੱਤ ਕੇ ਤਿੰਨ ਮੈਚਾਂ ਦੀ ਸੀਰੀਜ਼ 'ਚ 1-0 ਨਾਲ ਬੜ੍ਹਤ ਹਾਸਲ ਕਰ ਲਈ ਹੈ।