ਸ਼ਾਹਿਦ ਅਫਰੀਦੀ ਦਾ ਵਿਵਾਦਤ ਬਿਆਨ : ਬੇਟੀ ਨੂੰ ਆਰਤੀ ਕਰਦੇ ਦੇਖ ਤੋੜ ਦਿੱਤਾ ਸੀ ਟੀ.ਵੀ. (ਵੀਡੀਓ)
12/28/2019 6:52:05 PM
ਸਪੋਰਟਸ ਡੈਸਕ— ਪਾਕਿਸਤਾਨੀ ਤੇਜ਼ ਗੇਂਦਬਾਜ਼ ਸ਼ੋਇਬ ਅਖਤਰ ਵਲੋਂ ਹਿੰਦੂ ਖਿਡਾਰੀ ਦਾਨੇਸ਼ ਕਨੇਰੀਆ ਨਾਲ ਪੱਖਪਾਤ ਦਾ ਮੁੱਦਾ ਚੁੱਕਣ ਤੋਂ ਬਾਅਦ ਚੱਲ ਰਹੇ ਵਿਵਾਦ 'ਚ ਸਾਬਕਾ ਕ੍ਰਿਕਟਰ ਸ਼ਾਹਿਦ ਅਫਰੀਦੀ ਦੇ ਇਕ ਬਿਆਨ ਨੇ ਅੱਗ 'ਚ ਘਿਓ ਪਾਉਣ ਵਾਲਾ ਕੰਮ ਕਰ ਦਿੱਤਾ ਹੈ। ਦਰਅਸਲ, ਅਫਰੀਦੀ ਦੀ ਇਕ ਚੈਟ ਸ਼ੋਅ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੈ ਜਿਸ 'ਚ ਉਹ ਦੱਸ ਰਿਹਾ ਹੈ ਕਿ ਜਦੋਂ ਉਸ ਨੇ ਆਪਣੀ ਬੇਟੀ ਨੂੰ ਟੀ.ਵੀ. ਦੇ ਸਾਹਮਣੇ ਆਰਤੀ ਕਰਦਿਆਂ ਦੇਖਿਆ ਤਾਂ ਉਸ ਨੂੰ ਬਹੁਤ ਗੁੱਸਾ ਆਇਆ ਸੀ। ਇਸ ਗ਼ੁੱਸੇ 'ਚ ਉਸ ਨੇ ਟੀ. ਵੀ. ਤੋੜ ਦਿੱਤਾ ਸੀ।
ਚੈਟ ਸ਼ੋਅ ਦੌਰਾਨ ਮਹਿਲਾ ਐਂਕਰ ਨੇ ਅਫਰੀਦੀ ਤੋਂ ਪੁੱਛਿਆ ਸੀ ਕਿ ਕੀ ਕਦੇ ਉਨ੍ਹਾਂ ਨੇ ਗ਼ੁੱਸੇ 'ਚ ਟੀ. ਵੀ ਤੋੜਿਆ ਹੈ ? ਤਾਂ ਇਸ 'ਤੇ ਅਫਰੀਦੀ ਨੇ ਕਿਹਾ ਕਿ 'ਹਾਂ', ਇਕ ਵਾਰ ਤੋੜਿਆ ਸੀ। ਮੈਂ ਘਰ ਪਹੁੰਚਿਆ ਸੀ ਅਤੇ ਉਦੋਂ ਕਮਰੇ 'ਚ ਜਾ ਕੇ ਵੇਖਿਆ ਤਾਂ ਮੇਰੀ ਬੇਟੀ ਹੱਥ 'ਚ ਥਾਲੀ ਲੈ ਕੇ ਘੁੰਮਾ ਰਹੀ ਸੀ। ਪਤਾ ਨਹੀਂ ਕੀ ਕਰਦੇ ਹਨ ਥਾਲੀ ਲੈ ਇਵੇਂ ਇਵੇਂ... . . ਮੈਨੂੰ ਇਹ ਵੇਖ ਕੇ ਬਹੁਤ ਗੁੱਸਾ ਆਇਆ ਅਤੇ ਮੈਂ ਬਾਂਹ ਮਾਰ ਕੇ ਟੀ. ਵੀ. ਦੀਵਾਰ 'ਚ ਵਾੜ ਦਿੱਤਾ ਸੀ। ਅਫਰੀਦੀ ਦੀ ਇਸ ਗੱਲ 'ਤੇ ਸਟੂਡੀਓ 'ਚ ਬੈਠੇ ਲੋਕ ਖੂਬ ਤਾੜੀਆਂ ਮਾਰਦੇ ਹਨ।
This is reality of secularism in Pakistan, TVs are broken for showing Hindu rituals & people applaud it pic.twitter.com/PXKcs5wcyf
— Amit Kumar Sindhi 🇮🇳 (@AMIT_GUJJU) December 28, 2019
ਦੱਸ ਦੇਈਏ ਕਿ ਅਜੇ ਕੁਝ ਦਿਨ ਪਹਿਲਾਂ ਹੀ ਸ਼ੋਇਬ ਅਖਤਰ ਨੇ ਕਿਹਾ ਸੀ ਕਿ ਪਾਕਿਸਤਾਨ ਕ੍ਰਿਕਟ ਟੀਮ 'ਚ ਗੈਰ ਮੁਸਲਮਾਨ ਖਿਡਾਰੀਆਂ ਦੇ ਨਾਲ ਪੱਖਪਾਤ ਹੁੰਦਾ ਸੀ। ਉਨ੍ਹਾਂ ਨੇ ਕਿਹਾ ਕਿ ਕਨੇਰੀਆ ਨੂੰ ਲੋਕ ਕਹਿੰਦੇ ਸਨ ਕਿ ਤੂੰ ਹਿੰਦੂ ਹੈ, ਸਾਡੇ ਨਾਲ ਖਾਣਾ ਕਿਉਂ ਖਾਂਦਾ ਹੈ। ਅਖਤਰ ਦੇ ਇਸ ਬਿਆਨ ਤੋਂ ਬਾਅਦ ਦਿਨੇਸ਼ ਕਨੇਰੀਆ ਵੀ ਅੱਗੇ ਆ ਗਏ ਸਨ। ਉਸ ਨੇ ਵੀ ਅਖਤਰ ਦੇ ਬਿਆਨਾਂ ਨੂੰ ਸਹੀ ਦੱਸਿਆ ਸੀ।