ਸਾਤਵਿਕ, ਚਿਰਾਗ, ਲਕਸ਼ਯ ਡੈਨਮਾਰਕ ਓਪਨ ਦੇ ਦੂਜੇ ਦੌਰ ਵਿੱਚ

ਓਡੈਂਸੇ- ਭਾਰਤੀ ਬੈਡਮਿੰਟਨ ਖਿਡਾਰੀ ਸਾਤਵਿਕਸਾਈਰਾਜ ਰੈਂਕੀਰੈਡੀ ਅਤੇ ਚਿਰਾਗ ਸ਼ੈੱਟੀ ਨੇ ਸਕਾਟਲੈਂਡ ਦੇ ਕ੍ਰਿਸਟੋਫਰ ਗ੍ਰਿਮਲੇ ਅਤੇ ਮੈਥਿਊ ਗ੍ਰਿਮਲੇ ਨੂੰ ਇੱਕ ਰੋਮਾਂਚਕ ਮੈਚ ਵਿੱਚ ਹਰਾ ਕੇ ਪੁਰਸ਼ ਡਬਲਜ਼ ਡੈਨਮਾਰਕ ਓਪਨ ਸੁਪਰ 750 ਟੂਰਨਾਮੈਂਟ ਦੇ ਦੂਜੇ ਦੌਰ ਵਿੱਚ ਪ੍ਰਵੇਸ਼ ਕੀਤਾ। ਹਾਂਗਕਾਂਗ ਓਪਨ ਅਤੇ ਚਾਈਨਾ ਮਾਸਟਰਜ਼ ਦੇ ਫਾਈਨਲਿਸਟ ਸਾਤਵਿਕ ਅਤੇ ਚਿਰਾਗ ਨੇ 17:21, 21:11, 21:17 ਨਾਲ ਜਿੱਤ ਦਰਜ ਕੀਤੀ। ਚਿਰਾਗ ਅਤੇ ਸਾਤਵਿਕ ਹੁਣ ਚੀਨੀ ਤਾਈਪੇ ਦੇ ਲੀ ਜ਼ੇ ਹੂਈ ਅਤੇ ਯਾਂਗ ਪੋ ਸੁਆਨ ਦਾ ਸਾਹਮਣਾ ਕਰਨਗੇ। 

ਪੁਰਸ਼ ਸਿੰਗਲਜ਼ ਵਿੱਚ, ਲਕਸ਼ਯ ਸੇਨ ਨੇ ਆਇਰਲੈਂਡ ਦੇ ਨਗੁਏਨ ਨੂੰ 10:21, 21:8, 21:18 ਨਾਲ ਹਰਾਇਆ। ਮਿਕਸਡ ਡਬਲਜ਼ ਵਿੱਚ, ਭਾਰਤ ਦੇ ਮੋਹਿਤ ਜਗਲਾਨ ਅਤੇ ਲਕਸ਼ਿਤਾ ਜਗਲਾਨ ਇੰਡੋਨੇਸ਼ੀਆ ਦੇ ਅਦਨਾਨ ਮੌਲਾਨਾ ਅਤੇ ਇੰਦਾਹ ਕਾਹਿਆ ਸਾਰੀ ਜਮੀਲ ਤੋਂ 21:14, 21. 11 ਨਾਲ ਹਾਰ ਗਏ।