ਟੀਮ ਦੇ ਪ੍ਰਦਰਸ਼ਨ ਤੋਂ ਸੰਤੁਸ਼ਟ ਹਾਂ : ਫਿੰਚ

ਕੈਨਬਰਾ-  ਆਸਟਰੇਲੀਆਈ ਕਪਤਾਨ ਆਰੋਨ ਫਿੰਚ ਸੀਨੀਅਰ ਖਿਡਾਰੀ ਜਿਵੇਂ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਤੇ ਤੇਜ਼ ਗੇਂਦਬਾਜ਼ ਮਿਸ਼ੇਲ ਸਟਾਰਕ ਤੇ ਪੈਟ ਕਮਿੰਸ ਦੀ ਜੋੜੀ ਦੀ ਗੈਰ-ਹਾਜ਼ਰੀ ਵਿਚ ਆਪਣੀ ਟੀਮ ਦੇ ਪ੍ਰਦਰਸ਼ਨ ਤੋਂ ਸੰਤੁਸ਼ਟ ਸੀ। ਉਸ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਅਸੀਂ ਚੰਗੀ ਤਰ੍ਹਾਂ ਸਾਹਮਣਾ ਕੀਤਾ। ਹਾਰਦਿਕ ਤੇ ਜਡੇਜਾ ਵਿਚਾਲੇ ਚੰਗੀ ਸਾਂਝੇਦਾਰੀ ਰਹੀ। ਜੇਕਰ ਇਨ੍ਹਾਂ ਵਿਚੋਂ ਕਿਸੇ ਇਕ ਦੀ ਵਿਕਟ ਹਾਸਲ ਕਰ ਲਈ ਹੁੰਦੀ ਤਾਂ ਸਾਨੂੰ ਵੱਧ ਤੋਂ ਵੱਧ 240 ਦੌੜਾਂ ਦਾ ਟੀਚੇ ਦਾ ਿਪੱਛਾ ਕਰਨਾ ਪੈਂਦਾ।

ਉਸ ਨੂੰ ਭਰੋਸਾ ਹੈ ਕਿ ਸਟਾਰਕ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋਣ ਵਾਲੀ ਟੀ-20 ਲੜੀ ਲਈ ਫਿੱਟ ਹੋਵੇਗਾ। ਉਸ ਨੇ ਿਕਹਾ,''ਉਮੀਦ ਹੈ ਕਿ ਉਹ (ਸਟਾਰਕ) ਟੀ-20 ਕੌਮਾਂਤਰੀ ਮੈਚਾਂ ਲਈ ਤਿਆਰ ਹੋਵੇਗਾ। ਉਸ ਨੂੰ ਸਿਰਫ ਹਲਕੀ ਜਿਹੀ ਝਰੀਟ ਸੀ।'' ਸਟਾਰਕ ਜ਼ਖਮੀ ਹੋਣ ਦੇ ਚੱਲਦੇ ਤੀਜੇ ਵਨ ਡੇ ਮੁਕਾਬਲੇ 'ਚ ਨਹੀਂ ਖੇਡੇ ਸਨ ਤੇ ਉਸਦੀ ਜਗ੍ਹਾ 'ਤੇ ਸੀਨ ਅਬੋਟ ਨੂੰ ਮੌਕਾ ਦਿੱਤਾ ਗਿਆ ਸੀ। ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਸ਼ੁੱਕਰਵਾਰ (4 ਦਸੰਬਰ) ਨੂੰ ਕੈਨਬਰਾ 'ਚ ਖੇਡਿਆ ਜਾਵੇਗਾ।