ਸਪਤਕ ਤਲਵਾਰ ਨੇ ਸਕਾਟਿਸ਼ ਚੈਲੰਜ ਵਿੱਚ ਕੱਟ ਕੀਤਾ ਹਾਸਲ

ਰੌਕਸਬਰਗ (ਸਕਾਟਲੈਂਡ)- ਭਾਰਤੀ ਗੋਲਫਰ ਸਪਤਕ ਤਲਵਾਰ ਨੇ ਫਾਰਮਫੂਡਸ ਸਕਾਟਿਸ਼ ਚੈਲੰਜ ਦੇ ਦੂਜੇ ਦੌਰ ਵਿੱਚ ਇੱਕ ਓਵਰ 72 ਦੇ ਕਾਰਡ ਨਾਲ ਕੱਟ ਹਾਸਲ ਕੀਤਾ। ਉਸਨੇ ਆਰ ਐਂਡ ਏ ਦੁਆਰਾ ਸਮਰਥਤ ਟੂਰਨਾਮੈਂਟ ਦੇ ਸ਼ੁਰੂਆਤੀ ਦੌਰ ਵਿੱਚ 66 ਦਾ ਸਕੋਰ ਬਣਾਇਆ ਸੀ, ਜਿਸ ਨਾਲ ਉਸ ਦਾ ਕੁੱਲ ਸਕੋਰ ਚਾਰ ਅੰਡਰ ਹੈ। ਉਹ 37ਵੇਂ ਸਥਾਨ 'ਤੇ ਹੈ। 

ਤਲਵਾਰ ਦੂਜੇ ਦੌਰ ਦੇ ਪਹਿਲੇ ਨੌਂ ਹੋਲ ਵਿੱਚ ਤਿੰਨ ਬਰਡੀ ਬਣਾਉਣ ਤੋਂ ਬਾਅਦ ਚੰਗੀ ਸਥਿਤੀ ਵਿੱਚ ਸੀ ਪਰ ਉਸਨੇ 11ਵੇਂ ਹੋਲ ਵਿੱਚ ਇੱਕ ਬੋਗੀ ਅਤੇ 16ਵੇਂ ਹੋਲ ਵਿੱਚ ਇੱਕ ਟ੍ਰਿਪਲ ਬੋਗੀ ਬਣਾਈ। ਸਪੇਨ ਦੇ ਕੁਇਮ ਵਿਡਾਲ ਨੇ ਦੂਜੇ ਦੌਰ ਵਿੱਚ ਛੇ ਅੰਡਰ 65 ਦਾ ਸਕੋਰ ਬਣਾਇਆ ਅਤੇ ਸਿਖਰ 'ਤੇ ਦੋ-ਸਟ੍ਰੋਕ ਦੀ ਲੀਡ ਹਾਸਲ ਕੀਤੀ।