ਹੈਦਰਾਬਾਦ ਟੀ-20 'ਚ ਵਿੰਡੀਜ਼ ਖਿਲਾਫ ਦੇਖਣ ਨੂੰ ਮਿਲੀ ਭਾਰਤ ਦੀ ਸੁਸਤ ਫਿਲਡਿੰਗ, ਛੱਡੇ ਕਈ ਕੈਚ

ਸਪੋਰਟਸ ਡੈਸਕ— ਹੈਦਰਾਬਾਦ 'ਚ ਭਲੇ ਹੀ ਟੀਮ ਇੰਡੀਆ ਨੇ ਵਿੰਡੀਜ਼ ਨੂੰ ਆਸਾਨੀ ਨਾਲ ਪਹਿਲੇ ਟੀ-20 ਮੁਕਾਬਲੇ 'ਚ ਹਰਾ ਦਿੱਤਾ ਹੋਵੇ ਪਰ ਜਦੋਂ ਵਿੰਡੀਜ਼ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰ ਰਹੀ ਸੀ ਤਾਂ ਭਾਰਤ ਲਈ ਕੁਝ ਵੀ ਚੰਗਾ ਨਹੀਂ ਜਾ ਰਿਹਾ ਸੀ। ਵਿੰਡੀਜ਼ ਵਲੋਂ ਪਹਿਲਾਂ ਏਵਿਨ ਲੁਈਸ ਨੇ ਅਤੇ ਬਾਅਦ 'ਚ ਹੇਟਮਾਇਰ ਨੇ ਟੀਮ ਇੰਡੀਆ ਦੇ ਗੇਂਦਬਾਜ਼ਾਂ ਦੀ ਨੂੰ ਰੱਜ ਕੇ ਕਲਾਸ ਲਈ। ਮੈਚ 'ਚ ਭਾਰਤੀ ਟੀਮ ਨੇ ਕਾਫ਼ੀ ਖਰਾਬ ਫੀਲਡਿੰਗ ਕੀਤੀ। ਭਾਰਤ ਨੇ 5 ਕੈਚ ਛੱਡਣ ਦੇ ਨਾਲ ਹੀ ਮਿਸਫੀਲ‍ਡ ਕੀਤੀ ਅਤੇ ਦੌੜਾਂ ਜਾਣ ਦਿੱਤੀਆਂ। ਵਿੰਡੀਜ਼ ਬੱਲੇਬਾਜ਼ਾਂ ਨੇ ਖ਼ਰਾਬ ਫੀਲਡਿੰਗ ਦਾ ਪੂਰਾ ਫਾਇਦਾ ਚੁੱਕਿਆ ਅਤੇ 207 ਦੌੜਾਂ ਦਾ ਵੱਡਾ ਸ‍ਕੋਰ ਖੜਾ ਕੀਤਾ। ਚੰਗੇ ਫੀਲ‍ਡਰਸ 'ਚ ਸ਼ਾਮਲ ਰੋਹਿਤ, ਕੋਹਲੀ ਅਤੇ ਵਾਸ਼ੀਂਗਟਨ ਸੁੰਦਰ ਨੇ ਸ਼ਿਮਰੋਨ ਹੇਟਮਾਇਰ, ਕਾਇਰਨ ਪੋਲਾਰਡ ਅਤੇ ਜੇਸਨ ਹੋਲ‍ਡਰ ਦੇ ਕੈਚ ਛੱਡੇ।

ਦੀਪਕ ਚਾਹਰ ਦੀਆਂ ਗੇਂਦਾਂ 'ਤੇ ਛੁੱਟੇ ਲਗਾਤਾਰ 3 ਕੈਚ
ਖ਼ਰਾਬ ਕੈਚਿੰਗ ਦਾ ਸਭ ਤੋਂ ਜ਼ਿਆਦਾ ਨੁਕਸਾਨ ਦੀਪਕ ਚਾਹਰ ਨੂੰ ਹੋਇਆ, ਜਿਸ ਦੀਆਂ ਗੇਂਦਾਂ 'ਤੇ ਲਗਾਤਾਰ 3 ਕੈਚ ਛੁੱਟੇ। ਵਿੰਡੀਜ਼ ਟੀਮ ਦੇ 17ਵੇਂ ਓਵਰ 'ਚ ਵਾਸ਼ੀਂਗਟਨ ਸੁੰਦਰ ਅਤੇ ਰੋਹਿਤ ਸ਼ਰਮਾ ਨੇ ਕੈਚ ਛੱਡੇ। ਇਨਾਂ ਗਲਤੀਆਂ ਦਾ ਫਾਇਦਾ ਚੁੱਕਦੇ ਹੋਏ ਕਪਤਾਨ ਪੋਲਾਰਡ ਨੇ ਲਗਾਤਾਰ 2 ਛੱਕ‍ੇ ਲਗਾਏ। ਗੇਂਦ ਰੋਕਣ ਦੇ ਦੌਰਾਨ ਵੀ ਭਾਰਤੀ ਫੀਲਡਰ ਸੁਸ‍ਤ ਨਜ਼ਰ ਆਏ। ਕਈ ਮੌਕਿਆਂ 'ਤੇ ਲਾਪਰਵਾਹ ਕੋਸ਼ਿਸ਼ਾਂ ਦੇ ਚੱਲਦੇ ਵਾਧੂ ਦੌੜਾਂ ਚੱਲੀ ਗਈਆਂ।
17ਵੇਂ ਓਵਰ 'ਚ ਸੁੰਦਰ ਨੇ ਛੱਡਿਆ ਕੈਚ
17ਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ ਸ਼ਿਮਰੋਨ ਹੇਟਮਾਇਰ ਨੇ ਇਕ ਲੰਬੀ ਸ਼ਾਟ ਲਾਇਆ। ਗੇਂਦ ਲਾਂ‍ਗ ਆਨ ਉਪਰੋਂ ਵਾਸ਼ੀਂਗਟਨ ਸੁੰਦਰ ਦੇ ਕੋਲ ਗਈ ਪਰ ਉਹ ਇਸ ਨੂੰ ਫੜ ਨਹੀਂ ਸਕਿਆ ਅਤੇ ਕੈਚ ਛੱਡ ਦਿੱਤਾ। ਗੇਂਦ ਚੌਕੇ ਲਈ ਜਾ ਰਹੀ ਸੀ ਪਰ ਲਾਂ‍ਗ ਆਫ ਤੋਂ ਭੱਜ ਕੇ ਆਏ ਰੋਹਿਤ ਨੇ ਜ਼ਬਰਦਸ‍ਤ ਫੀਲਡਿੰਗ ਕਰਦੇ ਹੋਏ ਗੇਂਦ ਨੂੰ ਸਮੇਂ ਤੇ ਰੋਕ ਦਿੱਤੀ।
ਰੋਹਿਤ ਵੀ ਨਹੀਂ ਫੜ ਸਕਿਆ ਗੇਂਦ
ਇਸ ਤੋਂ ਬਾਅਦ ਅਗਲੀ ਗੇਂਦ 'ਤੇ ਪੋਲਾਰਡ ਨੇ ਵੱਡਾ ਸ਼ਾਟ ਲਗਾਇਆ। ਗੇਂਦ ਇਸ ਵਾਰ ਲਾਂ‍ਗ ਆਨ 'ਤੇ ਰੋਹਿਤ ਦੇ ਕੋਲ ਗਈ। ਰੋਹਿਤ ਨੇ ਇਕ ਹੱਥ ਨਾਲ ਇਸ ਨੂੰ ਫੜ ਲਿਆ ਪਰ ਉਹ ਕਾਬੂ ਨਹੀਂ ਰੱਖ ਸਕਿਆ ਅਤੇ ਗੇਂਦ ਨੂੰ ਮੈਦਾਨ 'ਚ ਹੀ ਸੁੱਟ ਦਿੱਤੀ। ਅਜਿਹੇ 'ਚ ਉਸ ਨੇ ਟੀਮ ਲਈ ਘੱਟ ਤੋਂ ਘੱਟ 2 ਦੌੜਾਂ ਬਚਾਈਆਂ ਪਰ ਇਹ ਦੂਜੀ ਗੇਂਦ ਸੀ ਜਦੋਂ ਭਾਰਤੀ ਫੀਲ‍ਡਰ ਕੈਚ ਨਹੀਂ ਫੜ ਸਕੇ। ਦੀਪਕ ਚਾਹਰ ਦੀ ਤੀਜੀ ਗੇਂਦ 'ਤੇ ਵੀ ਵਿਕਟ ਲੈਣ ਦਾ ਮੌਕਾ ਬਣਾ ਸੀ। ਬਾਂਉਡਰੀ 'ਤੇ ਖੜੇ ਰੋਹਿਤ ਸ਼ਰਮਾ ਦੇ ਕੋਲ ਗੇਂਦ ਗਈ ਪਰ ਉਹ ਸੁਸ‍ਤ ਨਜ਼ਰ ਆਏ ਅਤੇ ਗੇਂਦ ਉਨ੍ਹਾਂ ਦੇ ਹੱਥ ਨਾਲ ਲੱਗ ਕੇ ਛੱਕੇ ਲਈ ਚੱਲੀ ਗਈ। ਇਸ ਤਰ੍ਹਾਂ ਨਾਲ ਭਾਰਤ ਨੇ ਲਗਾਤਾਰ 3 ਮੌਕੇ ਗਵਾਏ।
ਚਾਹਲ ਦੇ ਓਵਰ 'ਚ ਸੁੰਦਰ ਦੀ ਗਲਤੀ
ਇਸ ਤੋਂ ਪਹਿਲਾਂ ਯੁਜਵੇਂਦਰ ਚਾਹਲ ਦੇ ਓਵਰ 'ਚ ਵਾਸ਼ੀਂਗਟਨ ਸੁੰਦਰ ਕੈਚ ਲੈਣ ਦੀ ਠੀਕ ਪੋਜੀਸ਼ਨ 'ਚ ਨਹੀਂ ਆ ਪਾਏ ਅਤੇ ਆਸਾਨ ਜਿਹਾ ਕੈਚ ਛੁੱਟ ਗਿਆ। ਚਾਹਲ ਦੀ ਗੇਂਦ ਨੂੰ ਸ਼ਿਮਰੋਨ ਹੇਟਮਾਇਰ ਨੇ ਸ‍ਵੀਪ ਕਰਨਾ ਦੀ ਕੋਸ਼ਿਸ਼ ਕੀਤੀ ਪਰ ਬੱਲੇ ਦਾ ਊਪਰੀ ਕਿਨਾਰਾ ਲੈ ਕੇ ਗੇਂਦ ਹਵਾ 'ਚ ਚੱਲੀ ਗਈ। ਇੱਥੇ ਸ਼ਾਰਟ ਲੈੱਗ 'ਤੇ ਖੜੇ ਸੁੰਦਰ ਫਿਸਲ ਗਏ ਅਤੇ ਗੇਂਦ ਉਨ੍ਹਾਂ ਦੇ ਅੱਗੇ ਡਿੱਗ ਗਈ।

ਕੋਹਲੀ ਨੇ ਵੀ ਛੱਡਿਆ ਕੈਚ
ਉਥੇ ਹੀ ਵਿਰਾਟ ਕੋਹਲੀ ਵੈਸ‍ਟਇੰਡੀਜ ਦੀ ਪਾਰੀ ਦੇ ਆਖਰੀ ਓਵਰ 'ਚ ਭੁਵਨੇਸ਼‍ਵਰ ਕੁਮਾਰ ਦੀ ਗੇਂਦ 'ਤੇ ਕੈਚ ਛੱਡ ਬੈਠੇ। ਜੇਸਨ ਹੋਲ‍ਡਰ ਨੇ ਵੱਡਾ ਸ਼ਾਟ ਲਗਾਇਆ ਸੀ ਪਰ ਵਿਰਾਟ ਕੋਹਲੀ ਨੇ ਇਕ ਹੱਥ ਨਾਲ ਗੇਂਦ ਨੂੰ ਇਕ ਹੱਥ ਨਾਲ ਫੜਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਅਜਿਹਾ ਨਹੀਂ ਕਰ ਸਕੇ ਅਤੇ ਗੇਂਦ ਚੌਕੇ ਲਈ ਚੱਲੀ ਗਈ।