ਰਾਜੀਵ ਰਾਮ ਅਤੇ ਜੋ ਸੈਲੀਸਬਰੀ ਦੀ ਜੋੜੀ ਨੇ ਜਿੱਤਿਆ ਪੁਰਸ਼ ਡਬਲਜ਼ ਦਾ ਖਿਤਾਬ

ਸਪੋਰਟਸ ਡੈਸਕ- ਰਾਜੀਵ ਰਾਮ ਅਤੇ ਜੋ ਸੈਲੀਸਬਰੀ ਦੀਆਂ 11ਵਾਂ ਦਰਜਾ ਪ੍ਰਾਪਤ ਜੋੜੀ ਨੇ ਐਤਵਾਰ ਨੂੰ ਇੱਥੇ ਮੈਕਸ ਪੁਰਸੇਲ ਅਤੇ ਲਿਊਕ ਸੇਵਿਲੇ ਦੀ ਵਾਇਲਡ ਕਾਰਡ ਨਾਲ ਐਂਟਰੀ ਪਾਉਣ ਵਾਲੀ ਜੋੜੀ ਨੂੰ 6-4, 6-2 ਨਾਲ ਹਰਾ ਕੇ ਆਸਟਰੇਲੀਆਈ ਓਪਨ ਦੇ ਪੁਰਸ਼ ਡਬਲਜ਼ ਦਾ ਖਿਤਾਬ ਜਿੱਤਿਆ। ਅਮਰੀਕਾ ਦੇ ਰਾਮ ਅਤੇ ਬ੍ਰਿਟੇਨ ਦੇ ਸੈਲੀਸਬਰੀ ਨੇ ਅਪਨੇ ਹੁਨਰ ਅਤੇ ਅਨੁਭਵ ਦਾ ਚੰਗਾ ਇਸਤੇਮਾਲ ਕੀਤਾ। ਉਸ ਤੋਂ ਪਹਿਲਾਂ ਸੈੱਟ ਦੇ 7ਵੀਂ ਗੇਮ 'ਚ ਬ੍ਰੇਕ ਪੁਵਾਇੰਟ ਲਿਆ, ਜਦ ਕਿ ਦੂਜੇ ਸੈੱਟ 'ਚ ਦੋ ਬ੍ਰੇਕ ਪੁਵਾਇੰਟ ਲੈ ਕੇ ਸਿੱਧੇ ਸੈੱਟਾਂ 'ਚ ਜਿੱਤ ਦਰਜ ਕੀਤੀ। ਉਨ੍ਹਾਂ ਨੇ ਸਰਵਿਸ 'ਤੇ ਸਿਰਫ ਸੱਤ ਅੰਕ ਗੁਆਏ ਅਤੇ ਆਪਣੀ ਵਿਰੋਧੀ ਜੋੜੀ ਨੂੰ ਇਕ ਵਾਰ ਵੀ ਬ੍ਰੇਕ ਪੁਵਾਇੰਟ ਲੈਣ ਦੀ ਹਾਲਤ 'ਚ ਨਹੀਂ ਪੁੱਜਣ ਦਿੱਤਾ।