ਇੰਗਲੈਂਡ ''ਚ ਟੀਮ ਇੰਡੀਆ ਨੂੰ ਲੱਗਿਆ ਵੱਡਾ ਝਟਕਾ, ਸਟਾਰ ਬੱਲੇਬਾਜ਼ ਟੀਮ ਤੋਂ ਬਾਹਰ

ਸਪੋਰਟਸ ਡੈਸਕ - ਭਾਰਤ ਅਤੇ ਇੰਗਲੈਂਡ ਦੀਆਂ ਮਹਿਲਾ ਟੀਮਾਂ ਵਿਚਾਲੇ ਲੰਡਨ ਦੇ ਇਤਿਹਾਸਕ ਲਾਰਡਸ ਮੈਦਾਨ 'ਤੇ ਹੋਣ ਵਾਲੇ ਟੈਸਟ ਮੈਚ ਤੋਂ ਪਹਿਲਾਂ ਭਾਰਤੀ ਟੀਮ ਵਿੱਚ ਇੱਕ ਵੱਡਾ ਬਦਲਾਅ ਦੇਖਣ ਨੂੰ ਮਿਲਿਆ ਹੈ। ਕ੍ਰਿਕਟ ਦਾ ਮੱਕਾ ਕਹੇ ਜਾਣ ਵਾਲੇ ਲਾਰਡਸ ਦੇ ਮੈਦਾਨ 'ਤੇ ਪਹਿਲੀ ਵਾਰ ਕੋਈ ਮਹਿਲਾ ਟੈਸਟ ਮੈਚ ਖੇਡਿਆ ਜਾਣਾ ਹੈ, ਜੋ ਕਿ 10 ਤੋਂ 13 ਜੁਲਾਈ ਤੱਕ ਚੱਲੇਗਾ।

ਭਾਰਤੀ ਮਹਿਲਾ ਟੀਮ ਦੇ ਹੈੱਡ ਕੋਚ ਅਮੋਲ ਮਜੂਮਦਾਰ ਨੇ ਪ੍ਰੈੱਸ ਕਾਨਫਰੰਸ ਦੌਰਾਨ ਜਾਣਕਾਰੀ ਦਿੱਤੀ ਕਿ ਟੀਮ ਦੀ ਸਟਾਰ ਖਿਡਾਰੀ ਪ੍ਰਤਿਕਾ ਰਾਵਲ ਇਸ ਇਤਿਹਾਸਕ ਟੈਸਟ ਮੈਚ ਤੋਂ ਪੂਰੀ ਤਰ੍ਹਾਂ ਬਾਹਰ ਹੋ ਗਈ ਹੈ। ਉਸਦੀ ਜਗ੍ਹਾ ਤਜਰਬੇਕਾਰ ਬੱਲੇਬਾਜ਼ ਪ੍ਰਿਆ ਪੂਨੀਆ ਨੂੰ ਰਿਪਲੇਸਮੈਂਟ ਵਜੋਂ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਜੋ ਹਾਲ ਹੀ ਵਿੱਚ ਇੰਡੀਆ-ਏ ਟੀਮ ਦੇ ਨਾਲ ਇੰਗਲੈਂਡ ਦੌਰੇ 'ਤੇ ਸੀ।

ਭਾਰਤ ਅਤੇ ਇੰਗਲੈਂਡ ਦੀਆਂ ਮਹਿਲਾ ਟੀਮਾਂ ਵਿਚਾਲੇ ਹੁਣ ਤੱਕ ਕੁੱਲ 14 ਟੈਸਟ ਮੈਚ ਖੇਡੇ ਗਏ ਹਨ। ਇਹਨਾਂ ਵਿੱਚੋਂ ਭਾਰਤ ਨੇ 3 ਮੈਚ ਜਿੱਤੇ ਹਨ, ਜਦੋਂ ਕਿ ਸਿਰਫ 1 ਮੈਚ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ ਅਤੇ 10 ਮੈਚ ਡਰਾਅ ਰਹੇ ਹਨ। ਭਾਰਤ ਨੇ ਇੰਗਲੈਂਡ ਦੀ ਧਰਤੀ 'ਤੇ ਆਪਣੀ ਆਖਰੀ ਟੈਸਟ ਜਿੱਤ ਸਾਲ 2014 ਵਿੱਚ ਦਰਜ ਕੀਤੀ ਸੀ।

ਦੋਵਾਂ ਟੀਮਾਂ ਦੇ ਸਕੁਐਡ:
ਭਾਰਤੀ ਟੀਮ: ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ (ਉਪ-ਕਪਤਾਨ), ਸ਼ੈਫਾਲੀ ਵਰਮਾ, ਜੇਮਿਮਾ ਰੋਡ੍ਰਿਗਸ, ਪ੍ਰਿਆ ਪੂਨੀਆ, ਦੀਪਤੀ ਸ਼ਰਮਾ, ਰਿਚਾ ਘੋਸ਼ (ਵਿਕਟਕੀਪਰ), ਸ਼੍ਰੀ ਚਰਣੀ, ਯਾਸਤਿਕਾ ਭਾਟੀਆ (ਵਿਕਟਕੀਪਰ), ਨੰਦਿਨੀ ਸ਼ਰਮਾ, ਹਰਲੀਨ ਦਿਓਲ, ਰੇਣੁਕਾ ਠਾਕੁਰ, ਕ੍ਰਾਂਤੀ ਗੌੜ, ਸਾਇਲੀ ਸਤਘਰੇ ਅਤੇ ਸਨੇਹ ਰਾਣਾ।

ਇੰਗਲੈਂਡ ਦੀ ਟੀਮ: ਨੈਟ ਸਿਵਰ-ਬਰੰਟ (ਕਪਤਾਨ), ਟੈਮੀ ਬਿਊਮੋਂਟ, ਲੌਰੇਨ ਬੇਲ, ਮਾਇਆ ਬਾਊਚਰ, ਐਲਿਸ ਕੈਪਸੀ, ਟਿਲੀ ਕਾਰਟੀਨ-ਕੋਲਮੈਨ, ਸੋਫੀ ਐਕਲੇਸਟੋਨ, ਲੌਰੇਨ ਫਾਈਲਰ, ਐਮੀ ਜੋਨਸ, ਹੀਥਰ ਨਾਈਟ, ਐਮਾ ਲੈਂਬ, ਗ੍ਰੇਸ ਪੌਟਸ, ਐਲੀ ਥ੍ਰੇਲਕੇਲਡ, ਮੈਡੀ ਵਿਲੀਅਰਜ਼ ਅਤੇ ਇਸੀ ਵੋਂਗ।