ਪ੍ਰਮੋਦ ਭਗਤ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਜਾਪਾਨ ਬੈਡਮਿੰਟਨ ਟੂਰਨਾਮੈਂਟ 'ਚ ਜਿੱਤਿਆ ਸੋਨ ਤਮਗਾ

ਨਵੀਂ ਦਿੱਲੀ, (ਭਾਸ਼ਾ)– ਪੈਰਾ ਏਸ਼ੀਆਈ ਖੇਡਾਂ ਦੇ ਸੋਨ ਤਮਗਾ ਜੇਤੂ ਪ੍ਰਮੋਦ ਭਗਤ ਨੇ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦੇ ਹੋਏ ਟੋਕੀਓ ਵਿਚ ਹਾਲ ਵਿਚ ਖਤਮ ਹੋਏ ਹੁਲਿਕ ਦਾਈਹਾਤਸੂ ਜਾਪਾਨ ਪੈਰਾ ਬੈਡਮਿੰਟਨ ਟੂਰਨਾਮੈਂਟ ਦੇ ਐੱਸ. ਐੱਸ.3 ਸਿੰਗਲਜ਼ ਵਰਗ ਵਿਚ ਸੋਨ ਤਮਗਾ ਜਿੱਤਿਆ। ਭਗਤ ਨੇ ਫਾਈਨਲ ਵਿਚ ਹਮਵਤਨ ਮਨੋਜ ਸਰਕਾਰ ਨੂੰ 38 ਮਿੰਟ ਵਿਚ 21-16, 21-19 ਨਾਲ ਹਰਾਇਆ। 

ਇਹ ਵੀ ਪੜ੍ਹੋ : ਵਰਿੰਦਰ ਸਹਿਵਾਗ ਹਨ ਦੁਨੀਆ ਦੇ ਇਕਲੌਤੇ ਬੱਲੇਬਾਜ਼ ਜਿਨ੍ਹਾਂ ਦੇ ਨਾਂ ਹੈ ਦੋਹਰਾ ਤੇ ਤੀਹਰਾ ਸੈਂਕੜਿਆਂ ਦਾ ਰਿਕਾਰਡ

ਮਿਕਸਡ ਡਬਲਜ਼ ਵਿਚ ਭਗਤ ਤੇ ਮਨੀਸ਼ਾ ਰਾਮਦਾਸ ਨੂੰ ਯੈਂਗ ਜਿਆਨਯੂਆਨ ਤੇ ਯੈਂਗ ਕਿਊ ਸ਼ਿਆ ਦੀ ਚੀਨ ਦੀ ਜੋੜੀ ਵਿਰੁੱਧ ਹਾਰ ਝੱਲਣੀ ਪਈ ਜਦਕਿ ਸੁਕਾਂਤ ਕਦਮ ਨੂੰ ਸਿੰਗਲਜ਼ ਐੱਸ. ਐੱਲ. 4 ਵਰਗ ਦੇ ਸੈਮੀਫਾਈਨਲ ਵਿਚ ਮਲੇਸ਼ੀਆ ਦੇ ਮੁਹੰਮਦ ਅਮੀਨ ਬੁਰਹਾਨੂਦੀਨ ਵਿਰੁੱਧ ਹਾਰ ਦੇ ਕਾਰਨ ਕਾਂਸੀ ਤਮਗੇ ਨਾਲ ਸਬਰ ਕਰਨਾ ਪਿਆ। ਇਸ ਵਰਗ ਦੇ ਸੈਮੀਫਾਈਨਲ ਵਿਚ ਹਾਰ ਤੋਂ ਬਾਅਦ ਭਾਰਤ ਦੇ ਤਰੁਣ ਨੂੰ ਵੀ ਕਾਂਸੀ ਤਮਗਾ ਮਿਲਿਆ।

ਇਹ ਵੀ ਪੜ੍ਹੋ : CWC 23 : ਲੀਗ ਪੱਧਰ 'ਤੇ ਬੱਲੇਬਾਜ਼ੀ 'ਚ ਵਿਰਾਟ ਤੇ ਗੇਂਦਬਾਜ਼ੀ 'ਚ ਜ਼ਾਂਪਾ ਰਹੇ ਸਰਵਸ੍ਰੇਸ਼ਠ

ਨੇਹਾਲ ਗੁਪਤਾ ਤੇ ਨਵੀਨ ਸ਼ਿਵਕੁਮਾਰ ਨੇ ਪੁਰਸ਼ ਡਬਲਜ਼ ਐੱਸ. ਐੱਲ. 3-ਐੱਸ. ਐੱਲ. 4 ਵਰਗ ਵਿਚ ਦੀਪ ਰੰਜਨ ਬਿਸੋਯੀ ਤੇ ਮਨੋਜ ਸਰਕਾਰ ਦੀ ਹਮਵਤਨ ਜੋੜੀ ਨੂੰ ਫਾਈਨਲ ਵਿਚ 21-19, 18-21, 21-17 ਨਾਲ ਹਰਾ ਕੇ ਸੋਨ ਤਮਗਾ ਜਿੱਤਿਆ। ਮਨੀਸ਼ਾ ਜੋਸ਼ੀ ਨੇ ਮਹਿਲਾ ਐੱਸ. ਐੱਲ. 3 ਵਰਗ ਵਿਚ ਕਾਂਸੀ ਤਮਗਾ ਜਿੱਤਿਆ ਜਦਕਿ ਹਾਰਦਿਕ ਮੱਕੜ ਤੇ ਆਰ. ਰਘੂਪਤੀ ਨੇ ਪੁਰਸ਼ ਡਬਲਜ਼ ਐੱਸ. ਯੂ. 5 ਵਰਗ ਵਿਚ ਕਾਂਸੀ ਤਮਗਾ ਆਪਣੇ ਨਾਂ ਕੀਤਾ। ਤੁਲਸੀਮੈਤੀ ਨੇ ਮਹਿਲਾ ਐੱਸ. ਯੂ. 5 ਵਰਗ ਵਿਚ ਚਾਂਦੀ ਜਦਕਿ ਮਨੀਸ਼ਾ ਰਾਮਦਾਸ ਨੇ ਕਾਂਸੀ ਤਮਗਾ ਜਿੱਤਿਆ। ਮਾਨਸੀ ਜੋਸ਼ੀ ਤੇ ਤੁਲਸੀਮੈਤੀ ਦੀ ਜੋੜੀ ਨੇ ਵੀ ਮਹਿਲਾ ਡਬਲਜ਼ ਐੱਸ. ਐੱਲ.-3 ਐੱਸ. ਯੂ. 5 ਵਰਗ ਵਿਚ ਸੋਨ ਤਮਗਾ ਜਿੱਤਿਆ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ