ਅਯੁੱਧਿਆ ਵਿਵਾਦ ਦੇ ਫੈਸਲੇ ਨੂੰ ਲੈ ਕੇ ਇੰਦੌਰ ਟੈਸਟ 'ਚ ਖਿਡਾਰੀਆਂ ਦੀ ਵਧਾਈ ਜਾਵੇਗੀ ਸੁਰੱਖਿਆ

ਸਪੋਰਸਟ ਡੈਸਕ— ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦੀ ਸ਼ੁਰੂਆਤ 3 ਨਵੰਬਰ ਐਤਵਾਰ ਤੋਂ ਹੋ ਰਹੀ ਹੈ। ਇਸ ਸੀਰੀਜ਼ ਤੋਂ ਬਾਅਦ ਬੰਗਲਾਦੇਸ਼ ਨੂੰ ਭਾਰਤ ਖਿਲਾਫ ਟੈਸਟ ਸੀਰੀਜ਼ 'ਚ ਦੋ ਟੈਸਟ ਖੇਡਣੇ ਹੋਣਗੇ। ਪਹਿਲਾ ਟੈਸਟ ਇੰਦੌਰ ਦੇ ਹੋਲਕਰ ਕ੍ਰਿਕਟ ਸਟੇਡੀਅਮ 'ਚ 14-18 ਨਵੰਬਰ ਵਿਚਾਲੇ ਖੇਡਿਆ ਜਾਵੇਗਾ। ਇਹ ਉਹ ਸਮਾਂ ਹੋਵੇਗਾ ਜਦ ਸੁਪਰੀਮ ਕੋਰਟ ਅਯੁੱਧਿਆ ਰਾਮ ਮੰਦਿਰ 'ਤੇ ਫੈਸਲਾ ਸੁੱਣਾ ਸਕਦੀ ਹੈ। ਅਯੁੱਧਿਆ ਵਿਵਾਦ ਦੇ ਕੇਸ 'ਚ ਸੁਪਰੀਮ ਕੋਰਟ ਦੇ ਸੰਭਾਵਿਕ ਫੈਸਲੇ ਦੇ ਮੱਦੇਨਜ਼ਰ ਪੁਲਸ ਨੂੰ ਇਸ ਟੈਸਟ ਮੈਚ ਨੂੰ ਸੁਰੱਖਿਆ ਦੇਣ ਲਈ ਲੋੜੀਂਦੀ ਫੋਰਸ ਜੁਟਾਉਣ ਤੋਂ ਇਲਾਵਾ ਜ਼ਿਆਦਾ ਮਸ਼ਕਤ ਕਰਨੀ ਪਵੇਗੀ।
ਇੰਦੌਰ ਰੇਂਜ ਤੋਂ ਇਲਾਵਾ ਪੁਲਸ ਮਹਾਨਿਦੇਸ਼ਕ (ਏ. ਡੀ. ਜੀ) ਵਰੁਣ ਕਪੂਰ ਨੇ ਵੀਰਵਾਰ ਨੂੰ ਦੱਸਿਆ, ਅਯੁੱਧਿਆ ਵਿਵਾਦ 'ਚ ਸੁਪਰੀਮ ਕੋਰਟ ਦਾ ਫੈਸਲਾ ਆਉਣ ਦੀ ਸੰਭਾਵਨਾ ਕਾਰਨ ਇੱਥੇ ਭਾਰਤ-ਬੰਗਲਾਦੇਸ਼ ਟੈਸਟ ਮੈਚ ਦਾ ਪ੍ਰਬੰਧ ਸੰਵੇਦਨਸ਼ੀਲ ਸਮੇਂ ਤੇ ਹੋਵੇਗਾ। ਇਸ ਦੇ ਬਾਵਜੂਦ ਅਸੀਂ ਇਸ ਮੁਕਾਬਲੇ ਲਈ ਲੋੜੀਂਦੀ ਪੁਲਸ ਫੋਰਸ ਜੁਟਾਉਂਦੇ ਹੋਏ ਸੁਰੱਖਿਆ ਦੇ ਪੁੱਖਤਾ ਇੰਤਜ਼ਾਮ ਕਰਾਂਗੇ। ਉਨ੍ਹਾਂ ਨੇ ਦੱਸਿਆ ਕਿ ਅਯੁੱਧਿਆ ਵਿਵਾਦ ਦੇ ਸੰਭਾਵਿਕ ਫੈਸਲੇ ਦੇ ਮੱਦੇਨਜ਼ਰ ਇੰਦੌਰ ਰੇਂਜ ਦੇ ਅੱਠ ਜ਼ਿਲਿਆਂ 'ਚ ਤੈਨਾਤ ਕੀਤੀ ਜਾਣ ਵਾਲੀ ਪੁਲਸ ਫੋਰਸ ਦੀ ਜਰੂਰਤ ਨੂੰ ਲੈ ਕੇ ਸਮਿਖਿਅਕ ਕੀਤੀ ਜਾ ਰਹੀ ਹੈ। ਇਹ ਰੇਂਜ ਕਾਨੂੰਨ-ਵਿਵਸਥਾ ਦੇ ਲਿਹਾਜ਼ ਨਾਲ ਸੂਬੇ ਦੇ ਸਭ ਤੋਂ ਸੰਵੇਦਨਸ਼ੀਲ ਇਲਾਕੀਆਂ 'ਚ ਗਿਣੀ ਜਾਂਦੀ ਹੈ।

ਕਪੂਰ ਨੇ ਕਿਹਾ, ਸਾਨੂੰ ਪੂਰਾ ਵਿਸ਼ਵਾਸ ਹੈ ਕਿ ਅਯੁੱਧਿਆ ਵਿਵਾਦ ਦੇ ਸੰਭਾਵਿਕ ਫੈਸਲੇ ਤੋਂ ਪਹਿਲਾਂ ਸਾਨੂੰ ਆਪਣੀ ਜਰੂਰਤਾਂ ਦੇ ਮੁਤਾਬਕ ਪੁਲਸ ਹੈਡਕੁਆਟਰ ਤੋਂ ਲੋੜੀਂਦੀ ਫੋਰਸ ਮਿਲ ਜਾਵੇਗੀ। ਏ. ਡੀ. ਜੀ ਨੇ ਦੱਸਿਆ ਕਿ ਅਯੁੱਧਿਆ ਵਿਵਾਦ ਦੇ ਸੰਭਾਵਿਕ ਫੈਸਲੇ ਨੂੰ ਵੇਖਦੇ ਹੋਏ ਪੁਲਿਸ ਦੀ ਸੋਸ਼ਲ ਮੀਡੀਆ 'ਤੇ ਵੀ ਪਹਿਲੀ ਨਜ਼ਰ ਬਣੀ ਹੋਈ ਹੈ। ਉਨ੍ਹਾਂ ਨੇ ਸਾਵਧਾਨ ਕੀਤਾ ਕਿ ਸੋਸ਼ਲ ਮੀਡੀਆ ਰਾਹੀਂ ਫਿਰਕੂ ਮਾਹੌਲ ਖ਼ਰਾਬ ਕਰਨ ਵਾਲੀ ਚੀਜਾਂ ਫੈਲਾਉਣ ਵਾਲੇ ਲੋਕਾਂ ਖਿਲਾਫ ਸਖ਼ਤ ਕਾਨੂੰਨੀ ਕਦਮ ਚੁੱਕੇ ਜਾਣਗੇ।