ਟੀ20 ਵਿਸ਼ਵ ਕੱਪ 2021 ਲਈ ਸੋਮਵਾਰ ਨੂੰ ਹੋਵੇਗਾ ਪਾਕਿ ਟੀਮ ਦਾ ਐਲਾਨ
Sunday, Sep 05, 2021 - 07:59 PM (IST)
ਨਵੀਂ ਦਿੱਲੀ- ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ. ਸੀ. ਬੀ.) ਨੇ ਪੁਸ਼ਟੀ ਕੀਤੀ ਕਿ ਪਾਕਿਸਤਾਨ ਦੀ ਟੀ-20 ਵਿਸ਼ਵ ਕੱਪ ਟੀਮ ਦਾ ਐਲਾਨ ਸੋਮਵਾਰ 6 ਸਤੰਬਰ ਨੂੰ ਹੋਵੇਗਾ। ਬੋਰਡ ਨੇ ਇਕ ਬਿਆਨ ਵਿਚ ਕਿਹਾ ਕਿ ਨਿਊਜ਼ੀਲੈਂਡ ਅਤੇ ਇੰਗਲੈਂਡ ਦੇ ਵਿਰੁੱਧ ਆਗਾਮੀ ਘਰੇਲੂ ਸੀਰੀਜ਼ ਦੇ ਲਈ ਪਾਕਿਸਤਾਨ ਦੀ ਪੁਰਸ਼ ਟੀ-20 ਟੀਮ ਅਤੇ ਆਈ. ਸੀ. ਸੀ. ਪੁਰਸ਼ ਟੀ-20 ਵਿਸ਼ਵ ਕੱਪ 2021 ਦਾ ਐਲਾਨ ਸੋਮਵਾਰ ਨੂੰ ਗਦਾਫੀ ਸਟੇਡੀਅਮ ਦੇ ਫਾਰ ਐਂਡ ਵਿਚ ਕੀਤਾ ਜਾਵੇਗਾ।
ਟੂਰਨਾਮੈਂਟ ਦੀ ਸ਼ੁਰੂਆਤ 17 ਅਕਤੂਬਰ ਨੂੰ ਮੇਜ਼ਬਾਨ ਓਮਾਨ ਅਤੇ ਪਾਪੁਆ ਨਿਊ ਗਿਨੀ ਦੇ ਵਿਚਾਲੇ ਰਾਊਡ 1 ਗਰੁੱਪ ਬੀ ਦੇ ਮੁਕਾਬਲੇ ਨਾਲ ਹੋਵੇਗੀ, ਜਿਸ ਵਿਚ ਗਰੁੱਪ ਬੀ ਦੀਆਂ ਹੋਰ ਟੀਮਾਂ ਸਕਾਟਲੈਂਡ ਤੇ ਬੰਗਲਾਦੇਸ਼ ਸ਼ਾਮ ਦੇ ਮੈਚ ਵਿਚ ਭਿੜੇਗੀ। ਆਇਰਲੈਂਡ, ਨੀਦਰਲੈਂਡ, ਸ਼੍ਰੀਲੰਕਾ ਅਤੇ ਨਾਮੀਬੀਆ- ਗਰੁੱਪ ਏ ਵਿਚ ਹਨ ਜੋ ਅਗਲੇ ਦਿਨ ਆਬੂ ਧਾਬੀ ਵਿਚ ਖੇਡਣਗੇ। ਰਾਊਂਡ 1 ਮੈਚ 22 ਅਕਤੂਬਰ ਤੱਕ ਚੱਲੇਗਾ। ਹੋਰ ਗਰੁੱਪ ਵਿਚ ਚੋਟੀ ਦੀਆਂ 2 ਟੀਮਾਂ ਸੁਪਰ 12 ਦੇ ਲਈ ਅੱਗੇ ਵਧਣਗੀਆਂ। ਟੂਰਨਾਮੈਂਟ ਦਾ ਪੜਾਅ 23 ਅਕਤੂਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਟੂਰਨਾਮੈਂਟ ਦਾ ਦੂਜਾ ਦੌਰ- ਸੁਪਰ 12 ਪੜਾਅ- 23 ਅਕਤੂਬਰ ਨੂੰ ਆਬੂ ਧਾਬੀ ਵਿਚ ਸ਼ੁਰੂ ਹੋਵੇਗ, ਜਿਸ ਵਿਚ ਆਸਟਰੇਲੀਆ ਅਤੇ ਦੱਖਣੀ ਅਫਰੀਕਾ ਦੇ ਵਿਚ ਗਰੁੱਪ 1 ਮੁਕਾਬਲਾ ਹੋਵੇਗਾ। ਇਸ ਤੋਂ ਬਾਅਦ ਦੁਬਈ ਵਿਚ ਇੰਗਲੈਂਡ ਅਤੇ ਵੈਸਟਇੰਡੀਜ਼ ਦੇ ਵਿਚ ਸ਼ਾਮ ਨੂੰ ਮੁਕਾਬਲਾ ਹੋਵੇਗਾ।
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
