ਓਲੰਪਿਕ ਚੈਂਪੀਅਨ Ledecky ਨੇ ਸਿਰ 'ਤੇ ਦੁੱਧ ਦਾ ਗਿਲਾਸ ਰੱਖ ਕੀਤੀ ਤੈਰਾਕੀ

ਨਵੀਂ ਦਿੱਲੀ- ਸੰਯੁਕਤ ਰਾਜ ਅਮਰੀਕਾ ਦੀ ਚੈਂਪੀਅਨ ਤੈਰਾਕ ਕੇਟੀ ਲੇਡੇਕੀ ਨੇ ਚੁਣੌਤੀਪੂਰਨ ਕੰਮ ਨੂੰ ਪੂਰਾ ਕਰ ਸਭ ਨੂੰ ਹੈਰਾਨ ਕਰ ਦਿੱਤਾ। ਦਰਅਸਲ ਕੇਟੀ ਨੇ ਦੁੱਧ ਦਾ ਗਿਲਾਸ ਸਿਰ 'ਤੇ ਰੱਖ ਕੇ ਇਕ ਪੂਲ ਪਾਰ ਕਰਨਾ ਸੀ। ਕੇਟੀ ਨੇ ਇਸਦੀ ਇਕ ਵੀਡੀਓ ਟਵਿੱਟਰ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀ। ਕੇਟੀ ਨੇ ਸ਼ਾਨਦਾਰ ਸਵੀਮਿੰਗ ਪੂਲ ਨੂੰ ਪਾਰ ਕੀਤਾ ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਉਸਦੀ ਖੂਬ ਸ਼ਲਾਘਾ ਹੋਈ।
6 ਫੁੱਟ ਦੀ ਸੁਪਰਸਟਾਰ ਨੇ ਪੰਜ ਓਲੰਪਿਕ ਸੋਨ ਤਮਗੇ ਤੇ 15 ਵਿਸ਼ਵ ਚੈਂਪੀਅਨਸ਼ਿਪ ਸੋਨ ਤਮਗੇ ਜਿੱਤੇ ਹਨ, ਜੋ ਇਕ ਮਹਿਲਾ ਤੈਰਾਕ ਦੇ ਲਈ ਇਤਿਹਾਸ 'ਚ ਸਭ ਤੋਂ ਜ਼ਿਆਦਾ ਹੈ। ਹਾਲਾਂਕਿ, ਲੇਡੇਕੀ ਨੇ ਵੀਡੀਓ ਦੇ ਨਾਲ ਕੁਝ ਇਮੋਜੀ ਸ਼ੇਅਰ ਕਰ ਲਿਖਿਆ- ਸ਼ਾਇਦ : ਮੇਰੇ ਕਰੀਅਰ ਦੀ ਸਭ ਤੋਂ ਵਧੀਆ ਤੈਰਾਕੀ 'ਚੋਂ ਇਕ! ਤੁਸੀਂ ਇਕ ਬੂੰਦ ਸੁੱਟੇ ਬਿਨਾ ਕੀ ਕਰ ਸਕਦੇ ਹੋ?

Possibly one of the best swims of my career! (~open for debate~)
What can you do without spilling a drop?! Check out the #gotmilkchallenge on TikTok. #gotmilk #ad pic.twitter.com/F05UzvaqCo

— Katie Ledecky (@katieledecky) August 3, 2020

ਵੀਡੀਓ ਤੋਂ ਪਤਾ ਚੱਲਦਾ ਹੈ ਕਿ ਵਿਸ਼ਵ ਰਿਕਾਰਡ ਬ੍ਰੇਕਰ ਕੇਟੀ ਲੇਡੇਕੀ ਕਿਵੇਂ ਇਕ ਸਨੋਰਕਲ ਦੇ ਨਾਲ ਜੋੜ ਕੇ ਗਿਲਾਸ ਨੂੰ ਸਿਰ 'ਤੇ ਰੱਖਦੀ ਹੈ। ਇਸ ਤੋਂ ਬਾਅਦ ਉਹ ਧਿਆਨ ਨਾਲ ਸਵੀਮਿੰਗ ਪੂਲ 'ਚ ਉਤਰਦੀ ਹੈ। ਕਈ ਪ੍ਰਸ਼ੰਸਕਾਂ ਨੇ ਕਰਤਬ ਨੂੰ ਪ੍ਰਭਾਵਸ਼ਾਲੀ ਤੇ ਹੈਰਾਨੀਜਨਕ ਕਿਹਾ। ਕੁਝ ਨੇ ਲਿਖਿਆ- ਪ੍ਰਭਾਵਸ਼ਾਲੀ, ਹਾਂ। ਪਰ ਕੀ ਤੁਸੀਂ ਆਪਣੇ ਸਿਰ 'ਤੇ ਇਕ ਗਿਲਾਸ ਪਾਣੀ ਦੇ ਨਾਲ ਚੌਕਲੇਟ ਦੁੱਧ ਨਾਲ ਭਰੇ ਪੂਲ 'ਚ ਤੈਰ ਸਕਦੇ ਹੋ? ਇਕ ਨੇ ਲਿਖਿਆ- ਇਹ ਨਿਸ਼ਚਿਤ ਰੂਪ ਨਾਲ ਇਕ ਓਲੰਪਿਕ ਖੇਡ ਬਣ ਜਾਣਾ ਚਾਹੀਦਾ।