ਨੀਤੂ ਡੇਵਿਡ ਬਣੀ Hall of Fame ਦੀ ਦੂਜੀ ਭਾਰਤੀ ਮਹਿਲਾ, ਕੁੱਕ ਅਤੇ ਡਿਵਿਲੀਅਰਸ ਨਾਲ ਮਿਲੀ ਖ਼ਾਸ ਜਗ੍ਹਾ

ਸਪੋਰਟਸ ਡੈਸਕ : ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ ਨੇ ਵਿਸ਼ੇਸ਼ ਸਨਮਾਨ ਦਾ ਐਲਾਨ ਕੀਤਾ ਹੈ। ਇਹ ਸਨਮਾਨ ਕ੍ਰਿਕਟਰਾਂ ਨੂੰ ਦਿੱਤਾ ਜਾਣਾ ਹੈ। ਇਨ੍ਹਾਂ 'ਚ ਭਾਰਤ ਦੀ ਨੀਤੂ ਡੇਵਿਡ, ਇੰਗਲੈਂਡ ਦੇ ਸਾਬਕਾ ਕਪਤਾਨ ਐਲਿਸਟੇਅਰ ਕੁੱਕ ਅਤੇ ਦੱਖਣੀ ਅਫਰੀਕਾ ਦੇ ਏਬੀ ਡਿਵਿਲੀਅਰਸ ਸ਼ਾਮਲ ਹਨ। ਇਸ ਸਨਮਾਨ ਦਾ ਨਾਂ ICC Hall of Fame ਹੈ। ਇਹ ਤਿੰਨੇ ਦਿੱਗਜ ਇਹ ਸਨਮਾਨ ਹਾਸਲ ਕਰਨ ਵਾਲੇ 113ਵੇਂ, 114ਵੇਂ ਅਤੇ 115ਵੇਂ ਮੈਂਬਰ ਬਣ ਗਏ ਹਨ। ਇਸ ਮੌਕੇ ਖੇਡ ਸ਼ਖਸੀਅਤਾਂ ਨੇ ਉਨ੍ਹਾਂ ਨੂੰ ਵਧਾਈ ਦਿੱਤੀ।

100 ਵਿਕਟਾਂ ਲੈਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਹੈ ਨੀਤੂ ਡੇਵਿਡ
ਨੀਤੂ ਡੇਵਿਡ ਭਾਰਤੀ ਮਹਿਲਾ ਕ੍ਰਿਕਟ ਦੇ ਇਤਿਹਾਸ ਵਿਚ ਇਕ ਮੀਲ ਪੱਥਰ ਹੈ। ਉਹ ਖੱਬੇ ਹੱਥ ਦੀ ਸਪਿਨਰ ਰਹੀ ਹੈ ਅਤੇ ਆਈਸੀਸੀ ਹਾਲ ਆਫ ਫੇਮ ਵਿਚ ਸ਼ਾਮਲ ਹੋਣ ਵਾਲੀ ਦੂਜੀ ਭਾਰਤੀ ਮਹਿਲਾ ਖਿਡਾਰੀ ਬਣ ਗਈ ਹੈ। ਇਸ ਤੋਂ ਪਹਿਲਾਂ ਇਹ ਸਨਮਾਨ ਡਾਇਨਾ ਐਡੁਲਜੀ ਨੂੰ ਦਿੱਤਾ ਗਿਆ ਸੀ। ਡੇਵਿਡ ਨੇ 10 ਟੈਸਟ ਅਤੇ 97 ਵਨਡੇ ਮੈਚਾਂ ਵਿਚ ਦੇਸ਼ ਦੀ ਨੁਮਾਇੰਦਗੀ ਕੀਤੀ ਅਤੇ ਇਕ ਰੋਜ਼ਾ ਕ੍ਰਿਕਟ ਵਿਚ 100 ਵਿਕਟਾਂ ਲੈਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣ ਗਈ। ਉਨ੍ਹਾਂ ਦੇ ਨਾਂ ਟੈਸਟ ਮੈਚ ਦੀ ਇਕ ਪਾਰੀ 'ਚ 8 ਵਿਕਟਾਂ ਲੈਣ ਦਾ ਵੀ ਸ਼ਾਨਦਾਰ ਰਿਕਾਰਡ ਹੈ।

ਇਹ ਵੀ ਪੜ੍ਹੋ : ਕੋਹਲੀ ਤੋੜ ਸਕਦੇ ਹਨ Cristiano Ronaldo ਅਤੇ Lionel Messi ਦਾ ਰਿਕਾਰਡ, ਨਾਂ ਹੋਵੇਗਾ ਇਹ ਵਰਲਡ ਰਿਕਾਰਡ?

ਐਲਿਸਟੇਅਰ ਕੁੱਕ
ਇੰਗਲੈਂਡ ਦੇ ਸਭ ਤੋਂ ਸਫਲ ਟੈਸਟ ਬੱਲੇਬਾਜ਼ਾਂ ਵਿੱਚੋਂ ਇਕ ਐਲਿਸਟੇਅਰ ਕੁੱਕ ਨੇ ਆਪਣੇ ਕਰੀਅਰ ਦੌਰਾਨ 12,472 ਟੈਸਟ ਦੌੜਾਂ ਬਣਾਈਆਂ। 2018 ਤੱਕ ਉਹ ਇੰਗਲੈਂਡ ਦਾ ਸਭ ਤੋਂ ਵੱਧ ਦੌੜਾਂ ਅਤੇ ਸੈਂਕੜਾ ਬਣਾਉਣ ਵਾਲਾ ਖਿਡਾਰੀ ਸੀ। ਉਸਦੀ ਯਾਦਗਾਰ ਪਾਰੀ ਵਿਚ 2010-11 ਦੀ ਐਸ਼ੇਜ਼ ਲੜੀ ਸ਼ਾਮਲ ਹੈ, ਜਿੱਥੇ ਉਸਨੇ 766 ਦੌੜਾਂ ਬਣਾਈਆਂ ਅਤੇ 24 ਸਾਲਾਂ ਬਾਅਦ ਇੰਗਲੈਂਡ ਨੂੰ ਆਸਟਰੇਲੀਆ ਵਿਚ ਜਿੱਤ ਦਿਵਾਈ। ਕੁੱਕ ਦੀ ਕਪਤਾਨੀ ਵਿਚ ਇੰਗਲੈਂਡ ਨੇ 2012 ਵਿਚ ਭਾਰਤ ਵਿਚ ਲੜੀ ਜਿੱਤੀ ਸੀ, ਜੋ ਪਿਛਲੇ 28 ਸਾਲਾਂ ਵਿਚ ਪਹਿਲੀ ਵਾਰ ਹੋਇਆ ਸੀ।

ਏਬੀ ਡਿਵਿਲੀਅਰਸ
ਏਬੀ ਡਿਵਿਲੀਅਰਸ ਆਪਣੀ ਵਿਲੱਖਣ ਬੱਲੇਬਾਜ਼ੀ ਸ਼ੈਲੀ ਅਤੇ ਤੇਜ਼ ਖੇਡ ਲਈ ਜਾਣੇ ਜਾਂਦੇ ਹਨ। ਉਨ੍ਹਾਂ ਦੇ ਨਾਂ ਵਨਡੇ ਕ੍ਰਿਕਟ 'ਚ ਸਭ ਤੋਂ ਤੇਜ਼ 50, 100 ਅਤੇ 150 ਦੌੜਾਂ ਬਣਾਉਣ ਦਾ ਰਿਕਾਰਡ ਹੈ। ਉਸ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿਚ 20,014 ਦੌੜਾਂ ਬਣਾਈਆਂ ਹਨ ਅਤੇ ਟੈਸਟ ਕ੍ਰਿਕਟ ਵਿਚ ਉਸਦਾ ਸਰਬੋਤਮ ਸਕੋਰ 2010 ਵਿਚ ਪਾਕਿਸਤਾਨ ਵਿਰੁੱਧ 278* ਦੌੜਾਂ ਹੈ। ਡਿਵਿਲੀਅਰਸ ਨੇ 2015 ਵਿਚ ਦੱਖਣੀ ਅਫਰੀਕਾ ਨੂੰ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਤੱਕ ਪਹੁੰਚਾਉਣ ਵਿਚ ਵੀ ਅਹਿਮ ਭੂਮਿਕਾ ਨਿਭਾਈ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8