ਨੀਰਜ ਚੋਪੜਾ ਦੀ ਸੁਮਿਤ ਅੰਤਿਲ ਨੂੰ ਸਲਾਹ, ਪੈਰਿਸ ਪੈਰਾਲੰਪਿਕਸ ''ਚ ਕੁਝ ਨਵਾਂ ਕਰਨ ਦੀ ਕੋਸ਼ਿਸ਼ ਨਾ ਕਰਨਾ

ਨਵੀਂ ਦਿੱਲੀ—ਹਾਲ ਹੀ 'ਚ ਪੈਰਿਸ ਓਲੰਪਿਕ 'ਚ ਜੈਵਲਿਨ ਥਰੋਅ ਮੁਕਾਬਲੇ 'ਚ ਚਾਂਦੀ ਦਾ ਤਮਗਾ ਜਿੱਤਣ ਵਾਲੇ ਐਥਲੀਟ ਨੀਰਜ ਚੋਪੜਾ ਨੇ ਸੁਮਿਤ ਅੰਤਿਲ ਨੂੰ ਪੈਰਿਸ ਪੈਰਾਲੰਪਿਕ 'ਚ ਕੁਝ ਨਵਾਂ ਨਾ ਕਰਨ ਦੀ ਸਲਾਹ ਦਿੱਤੀ ਹੈ।m ਪੈਰਿਸ ਪੈਰਾਲੰਪਿਕਸ ਤੋਂ ਪਹਿਲਾਂ ਨੀਰਜ ਦੀ ਸਲਾਹ ਸਾਂਝੀ ਕਰਦੇ ਹੋਏ ਅੰਤਿਲ ਨੇ ਕਿਹਾ, 'ਨੀਰਜ ਭਾਈ ਕਹਿੰਦੇ ਹਨ ਕਿ ਮੈਨੂੰ ਕੁਝ ਵੀ ਨਵਾਂ ਕਰਨ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ ਅਤੇ ਸਿਰਫ ਸ਼ਾਂਤ ਰਹਿਣਾ ਚਾਹੀਦਾ ਹੈ ਅਤੇ ਧੀਰਜ ਨਾਲ ਆਪਣੀ ਤਿਆਰੀ 'ਤੇ ਭਰੋਸਾ ਕਰਨਾ ਚਾਹੀਦਾ ਹੈ।' ਅੰਤਿਲ ਦਾ ਮੰਨਣਾ ਹੈ ਕਿ ਆਤਮ-ਵਿਸ਼ਵਾਸ ਦੇ ਬਾਵਜੂਦ ਜੈਵਲਿਨ ਕਦੇ ਵੀ ਸੱਟ ਪਹੁੰਚਾ ਸਕਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਪਿੱਠ 'ਤੇ ਸੱਟ ਲੱਗੀ ਹੈ ਜਿਸ ਦੇ ਪੈਰਿਸ 'ਚ ਮੁਕਾਬਲੇ ਦੀ ਸ਼ੁਰੂਆਤ ਤੋਂ ਪਹਿਲਾਂ ਉਸ ਨੂੰ ਠੀਕ ਹੋਣ ਦੀ ਉਮੀਦ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵਾਰ ਅਸੀਂ ਸੱਟਾਂ ਤੋਂ ਬਚਣ ਲਈ ਬਹੁਤ ਸਾਵਧਾਨ ਹਾਂ। ਸੱਟ ਲੱਗਣ ਨਾਲ ਥਰੋਅ ਪ੍ਰਭਾਵਿਤ ਹੁੰਦੀ ਹੈ। ਇਸ ਸਮੇਂ ਮੇਰੀ ਪਿੱਠ 'ਤੇ ਮਾਮੂਲੀ ਤਣਾਅ ਹੈ ਅਤੇ ਮੈਂ ਨਹੀਂ ਚਾਹੁੰਦਾ ਕਿ ਇਹ ਮੇਰੇ ਪ੍ਰਦਰਸ਼ਨ ਨੂੰ ਪ੍ਰਭਾਵਿਤ ਕਰੇ। ਇਸ ਤੋਂ ਇਲਾਵਾ ਮੇਰੀਆਂ ਤਿਆਰੀਆਂ ਠੀਕ ਚੱਲ ਰਹੀਆਂ ਹਨ ਅਤੇ ਮੈਂ ਚੰਗਾ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕਰਾਂਗਾ ਅਤੇ ਮੈਡਲ ਲੈ ਕੇ ਘਰ ਪਰਤਾਂਗਾ।
28 ਅਗਸਤ ਤੋਂ 8 ਸਤੰਬਰ ਤੱਕ ਹੋਣ ਵਾਲੀਆਂ ਪੈਰਾਲੰਪਿਕ ਖੇਡਾਂ ਵਿੱਚ ਭਾਰਤੀ ਦਲ ਦੇ ਝੰਡਾਬਰਦਾਰਾਂ ਵਿੱਚੋਂ ਇੱਕ ਅੰਤਿਲ ਨੇ ਸਾਈ  ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਪੈਰਿਸ ਓਲੰਪਿਕ 'ਚ ਜੈਵਲਿਨ ਥਰੋਅ ਮੁਕਾਬਲੇ 'ਚ ਚਾਂਦੀ ਦਾ ਤਮਗਾ ਜਿੱਤਣ ਵਾਲੇ ਨੀਰਜ ਚੋਪੜਾ ਤੋਂ ਪ੍ਰੇਰਿਤ ਹਨ। 
ਜ਼ਿਕਰਯੋਗ ਹੈ ਕਿ ਹਰਿਆਣਾ ਦੇ ਇਸ ਜੈਵਲਿਨ ਥਰੋਅਰ ਨੇ ਟੋਕੀਓ 'ਚ ਆਪਣੇ ਮੁਕਾਬਲੇ 'ਚ ਤਿੰਨ ਵਾਰ ਵਿਸ਼ਵ ਰਿਕਾਰਡ ਤੋੜਿਆ ਹੈ ਅਤੇ 68.55 ਮੀਟਰ ਦੀ ਦੂਰੀ 'ਤੇ ਜੈਵਲਿਨ ਸੁੱਟ ਕੇ ਐੱਫ-64 ਵਰਗ 'ਚ ਸੋਨ ਤਮਗਾ ਜਿੱਤਿਆ ਹੈ। ਸੋਨੀਪਤ ਦੇ ਇੱਕ 26 ਸਾਲਾ ਖੇਡ ਨਾਇਕ ਅੰਤਿਲ ਨੇ 2015 ਵਿੱਚ ਇੱਕ ਹਾਦਸੇ ਵਿੱਚ ਆਪਣਾ ਖੱਬਾ ਪੈਰ ਗੁਆ ਦਿੱਤਾ ਸੀ।