ਇਸ ਕਾਰਨ ਆਸਟ੍ਰੇਲੀਆ ਦੌਰੇ ਤੋਂ ਹੋ ਸਕਦੀ ਹੈ ਮੁਰਲੀ ਦੀ ਛੁੱਟੀ

ਨਵੀਂ ਦਿੱਲੀ— ਇੰਗਲੈਂਡ ਦੌਰੇ 'ਤੇ ਖਰਾਬ ਪ੍ਰਦਰਸ਼ਨ ਕਾਰਨ ਵਿਚਕਾਰ ਦੌਰੇ 'ਚ ਹੀ ਟੀਮ ਇੰਡੀਆ ਤੋਂ ਬਾਹਰ ਹੋਣ ਵਾਲੇ ਓਪਨਰ ਮੁਰਲੀ ਵਿਜੇ 'ਤੇ ਅਜਿਹਾ ਹੀ ਖਤਰਾ ਇਕ ਵਾਰ ਫਿਰ ਮੰਡਰਾ ਰਿਹਾ ਹੈ। ਸੰਭਵ ਹੈ ਕਿ ਆਸਟ੍ਰੇਲੀਆ ਦੌਰੇ 'ਤੇ ਪਰਥ ਟੈਸਟ ਉਨ੍ਹਾਂ ਦਾ ਆਖਰੀ ਟੈਸਟ ਸਾਬਿਤ ਹੋਵੇ। ਉਹ ਨਾ ਸਿਰਫ ਆਸਟ੍ਰੇਲੀਆ ਦੌਰਾ ਬਲਕਿ ਸਾਲ 2018 'ਚ ਬਹੁਤ ਖਰਾਬ ਫਾਰਮ ਤੋਂ ਗੁਜਰ ਰਹੇ ਹਨ। ਐਡੀਲੇਡ ਟੈਸਟ 'ਚ ਭਾਰਤ ਦੀ ਇਤਿਹਾਸਕ ਜਿੱਤ 'ਚ ਸਿਰਫ 11 ਅਤੇ 18 ਦੌੜਾਂ ਦਾ ਯੋਗਦਾਨ ਦੇਣ ਵਾਲੇ ਮੁਰਲੀ ਵਿਜੇ ਤੋਂ ਪਰਥ ਟੈਸਟ 'ਚ ਚੰਗੇ ਸਕੋਰ ਦੀ ਉਮੀਦ ਸੀ। ਪਰ ਉਹ ਬਿਨਾਂ ਖਾਤੇ ਖੋਲੇ ਪਵੈਲੀਅਨ ਪਰਤ ਗਏ। ਉਨ੍ਹਾਂ ਨੂੰ ਮਿਚੇਲ ਸਟਾਰਕ ਨੇ ਬੋਲਡ ਕਰਕੇ ਮੈਦਾਨ ਤੋਂ ਬਾਹਰ ਭੇਜਿਆ, ਇਹੀ ਵਜ੍ਹਾ ਹੈ ਕਿ ਹੁਣ ਉਨ੍ਹਾਂ ਦੇ ਇਸ ਦੌਰੇ 'ਤੇ ਬਚੇ ਦੋ ਟੈਸਟ ਮੈਚਾਂ 'ਚ ਖੇਡਣਾ ਮੁਸ਼ਕਲ ਲੱਗ ਰਿਹਾ ਹੈ। ਸੰਭਵ ਹੈ ਕਿ ਨੌਜਵਾਨ ਓਪਨਰ ਪ੍ਰਿਥਵੀ ਸ਼ਾਅ ਅਗਲੇ ਦੋ ਮੈਚਾਂ 'ਚ ਕੇ.ਐੱਲ.ਰਾਹੁਲ ਨਾਲ ਪਾਰੀ ਨੂੰ ਸ਼ੁਰੂ ਕਰਦੇ ਨਜ਼ਰ ਆਉਣਗੇ। ਹਾਲਾਂਕਿ ਰਾਹੁਲ ਨੇ ਵੀ ਬਹੁਤ ਚੰਗਾ ਖੇਡ ਨਹੀਂ ਦਿਖਾਇਆ,ਪਰ ਮੁਰਲੀ ਤੋਂ ਤਾਂ ਚੰਗਾ ਖੇਡਿਆ।

SEED! Mitchell Starc was fired up after this beauty to knock over Murali Vijay before the lunch break 🔥#AUSvIND | @Toyota_Aus pic.twitter.com/pgm50xJ8pG

— cricket.com.au (@cricketcomau) 15 December 2018

-2018 'ਚ ਡੁੱਬਿਆ ਮੁਰਲੀ ਦਾ ਕਰੀਅਰ

34 ਸਾਲ ਦੇ ਮੁਰਲੀ ਵਿਜੇ ਨੇ ਟੀਮ ਇੰਡੀਆ ਲਈ 61 ਟੈਸਟ ਮੈਚਾਂ 'ਚ 38.46 ਦੀ ਔਸਤ ਨਾਲ 3962 ਦੌੜਾਂ ਬਣਾਈਆਂ ਹਨ, ਜਿਸ 'ਚ 12 ਸੈਂਕੜੇ ਅਤੇ 15 ਅਰਧਸੈਂਕੜੇ ਸ਼ਾਮਲ ਹਨ। ਜੇਕਰ ਗੱਲ ਸਾਲ 2018 ਦੀ ਕੀਤੀ ਜਾਵੇ ਤਾਂ ਹੁਣ ਤੱਕ ਖੇਡੇ 8 ਮੈਚਾਂ 'ਚ ਉਨ੍ਹਾਂ ਨੇ 18.71 ਦੀ ਔਸਤ ਨਾਲ 262 ਦੌੜਾਂ ਬਣਾਈਆਂ ਹਨ, ਜਿਸ 'ਚ ਸਭ ਤੋਂ ਵੱਡੀ ਪਾਰੀ ਦੇ ਰੁਪ 'ਚ ਇਕਮਾਤਰ ਸੈਂਕੜਾ ਲਗਾਇਆ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਦਾ ਸਰਭਉੱਚ ਸਕੋਰ 46 ਰਿਹਾ ਹੈ, ਜੋ ਕਿ ਸੈਂਚੁਰੀਅਨ 'ਚ ਸਾਊਥ ਅਫਰੀਕਾ ਖਿਲਾਫ ਬਣਾਇਆ ਸੀ, ਜਦਕਿ ਇੰਗਲੈਂਡ ਦੌਰੇ 'ਤੇ ਉਨ੍ਹਾਂ ਨੇ ਦੋ ਟੈਸਟ ਖੇਡਣ ਦਾ ਮੌਕਾ ਮਿਲਿਆ ਸੀ। ਬਰਮਿੰਘਮ ਟੈਸਟ 'ਚ 20 ਅਤੇ 6 ਦੌੜਾਂ ਦੀਆਂ ਪਾਰੀਆਂ ਖੇਡਣ ਵਾਲੇ ਮੁਰਲੀ ਵਿਜੇ ਲਾਰਡਸ 'ਚ ਦੋਵੇਂ ਪਾਰੀਆਂ 'ਚ ਡਕ ਆਊਟ ਹੋਏ ਸਨ।

Murali Vijay (former Indian opener) ...
Thanks Vijay 😑😑😂😂#AUSvIND pic.twitter.com/VL504KvFOD

— Pradhumn Pratap Singh (@pradhumn_pratap) 15 December 2018

ਇੰਨੀ ਹੀ ਨਹੀਂ ਸਾਲ 2018 'ਚ ਉਨ੍ਹਾਂ ਦਾ ਔਸਤ 18.71 ਹੈ ਜੋ ਉਨ੍ਹਾਂ ਦੇ ਕਰੀਅਰ ਦਾ ਦੂਜਾ ਸਭ ਤੋਂ ਖਰਾਬ ਪ੍ਰਦਰਸ਼ਨ ਹੈ। ਇਸ ਤੋਂ ਪਹਿਲਾਂ ਮੁਰਲੀ ਵਿਜੇ ਨੇ 2011 'ਚ ਤਿੰਨ ਮੈਚਾਂ 'ਚ 12 ਦੀ ਔਸਤ ਨਾਲ 72 ਦੌੜਾਂ ਬਣਾਈਆਂ ਸਨ। ਸਚ ਕਿਹਾ ਜਾਵੇ ਤਾਂ ਲਗਾਤਾਰ ਖਰਾਬ ਪ੍ਰਦਰਸ਼ਨ ਦੇ ਕਾਰਨ ਨਾ ਸਿਰਫ ਟੀਮ ਇੰਡੀਆ 'ਤੇ ਦਬਾਅ ਵਧ ਰਿਹਾ ਹੈ। ਬਲਕਿ ਲੋਕ ਵੀ ਮੁਰਲੀ ਵਿਜੇ ਦੀ ਟੀਮ 'ਚ ਮੌਜੂਦਗੀ ਨੂੰ ਲੈ ਕੇ ਸਵਾਲ ਉਠਾ ਰਹੇ ਹਨ।

People ask why Murali Vijay is in team.
He is doing #zero promotion.#AUSvIND

— Rishabh Srivastava (@AskRishabh) 15 December 2018