ਮੋਰਗਨ ਨੇ 2019 ਵਿਸ਼ਵ ਕੱਪ ਦੇ ਫਾਈਨਲ ਨੂੰ ਸਰਵਸ੍ਰੇਸ਼ਠ ਮੈਚ ਦੱਸਿਆ, ਕਹੀ ਇਹ ਗੱਲ

ਨਾਟਿੰਘਮ- ਇੰਗਲੈਂਡ ਦੇ ਕਪਤਾਨ ਇਯੋਨ ਮੋਰਗਨ ਨੇ 2019 ਵਿਸ਼ਵ ਕੱਪ ਫਾਈਨਲ ਨੂੰ 'ਕ੍ਰਿਕਟ ਦਾ ਸਭ ਤੋਂ ਨਾਟਕੀ ਮੈਚ' ਕਰਾਰ ਦਿੱਤਾ ਹੈ, ਜਿਸਦਾ ਉਹ ਹਿੱਸਾ ਰਹੇ ਹਨ। ਦੋ ਸਾਲ ਪਹਿਲਾਂ ਅੱਜ ਹੀ ਦੇ ਦਿਨ ਇੰਗਲੈਂਡ ਪਹਿਲੀ ਵਾਰ ਵਨ ਡੇ ਵਿਸ਼ਵ ਚੈਂਪੀਅਨ ਬਣਿਣਆ ਸੀ। ਨਿਯਮਤ ਓਵਰਾਂ ਅਤੇ ਸੁਪਰ ਓਵਰਾਂ ਵਿਚ ਸਕੋਰ ਟਾਈ ਰਹਿਣ ਤੋਂ ਬਾਅਦ ਇੰਗਲੈਂਡ ਨੇ ਬਾਊਂਡਰੀ ਗਿਣਨ ਦੇ ਨਿਯਮ ਦੇ ਆਧਾਰ 'ਤੇ ਨਿਊਜ਼ੀਲੈਂਡ ਨੂੰ ਹਰਾਇਆ ਸੀ। ਜਿੱਤ ਦੀ ਦੂਜੇ ਵਰ੍ਹੇਗੰਢ 'ਤੇ ਮੋਰਗਨ ਨੇ ਕਿਹਾ ਕਿ ਫਾਈਨਲ ਕ੍ਰਿਕਟ ਦਾ ਸਭ ਤੋਂ ਨਾਟਕੀ ਮੁਕਾਬਲਾ ਅਤੇ ਨਾਲ ਹੀ ਕ੍ਰਿਕਟ ਦਾ ਸਰਵਸ੍ਰੇਸ਼ਠ ਮੁਕਾਬਲਾ ਸੀ ਜੋ ਹੁਣ ਤੱਕ ਖੇਡਿਆ ਗਿਆ।

ਇਹ ਖ਼ਬਰ ਪੜ੍ਹੋ- ENG v PAK : ਇੰਗਲੈਂਡ ਤੋਂ ਸੀਰੀਜ਼ ਹਾਰਨ 'ਤੇ ਮਿਸਬਾਹ ਨੇ ਦਿੱਤਾ ਵੱਡਾ ਬਿਆਨ.

ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਇਸ ਕਪਤਾਨ ਨੇ ਆਪਣੀ ਆਈ. ਪੀ. ਐੱਲ. ਫ੍ਰੈਂਚਾਈਜ਼ੀ ਵਲੋਂ ਸ਼ੇਅਰ ਵੀਡੀਓ ਵਿਚ ਕਿਹਾ ਕਿ ਮੈਚ ਇੰਨਾ ਨੇੜੇ ਸੀ, ਅੰਤ ਤੱਕ ਮੁਕਾਬਲਾ ਸਖਤ ਸੀ। ਇਸ ਨਾਲ ਖੇਡ ਨੂੰ ਬਹੁਤ ਫਾਇਦਾ ਹੋਇਆ, ਜੋ ਅਸੀਂ ਪਹਿਲਾਂ ਕਦੇ ਨਹੀਂ ਦੇਖਿਆ ਸੀ। ਆਸਟਰੇਲੀਆ ਵਿਚ 2015 'ਚ ਹੋਇਆ ਵਿਸ਼ਵ ਕੱਪ ਵਿਚ ਇੰਗਲੈਂਡ ਦੀ ਟੀਮ ਪੰਜ ਵਿਸ਼ਵ ਕੱਪ 'ਚ ਤੀਜੀ ਵਾਰ ਗਰੁੱਪ ਪੜਾਅ ਤੋਂ ਬਾਹਰ ਹੋ ਗਈ ਸੀ ਅਤੇ ਉਸ ਨੂੰ ਬੰਗਲਾਦੇਸ਼ ਦੇ ਵਿਰੁੱਧ ਵੀ ਹਾਰ ਦਾ ਮੂੰਹ ਦੇਖਣਾ ਪਿਆ ਸੀ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।