ਮੁਹੰਮਦ ਸ਼ੰਮੀ ਦੇ ਗਿੱਟੇ ''ਚ ਸੱਟ, ਮੁੰਬਈ ''ਚ ''ਸਪੋਰਟਸ ਆਰਥੋਪੈਡਿਕ'' ਤੋਂ ਕਰਵਾ ਰਹੇ ਹਨ ਇਲਾਜ

ਨਵੀਂ ਦਿੱਲੀ— ਸਟਾਰ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ੰਮੀ ਗਿੱਟੇ ਦੀ ਸਮੱਸਿਆ ਤੋਂ ਪੀੜਤ ਹੈ ਜਿਸ ਦੇ ਇਲਾਜ ਦੀ ਜ਼ਰੂਰਤ ਹੈ ਅਤੇ ਭਾਰਤੀ ਟੀਮ ਪ੍ਰਬੰਧਨ ਨੂੰ ਉਮੀਦ ਹੈ ਕਿ ਉਹ ਦੱਖਣੀ ਅਫਰੀਕਾ ਖਿਲਾਫ ਸੈਂਚੁਰੀਅਨ 'ਚ 26 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੇ ਪਹਿਲੇ ਟੈਸਟ ਲਈ ਸਮੇਂ 'ਤੇ ਫਿੱਟ ਹੋ ਜਾਵੇਗਾ। ਬੀ. ਸੀ. ਸੀ. ਆਈ. (ਭਾਰਤੀ ਕ੍ਰਿਕਟ ਬੋਰਡ) ਦੀ ਰਿਲੀਜ਼ ਵਿੱਚ, ਸ਼ੰਮੀ ਨੂੰ ਟੈਸਟ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ ਪਰ ਉਸਦੇ ਨਾਮ ਦੇ ਅੱਗੇ ਇੱਕ 'ਸਟਾਰ' ਦਾ ਨਿਸ਼ਾਨ ਹੈ ਜੋ ਇਹ ਦਰਸਾਉਂਦਾ ਹੈ ਕਿ ਉਹ ਵਰਤਮਾਨ ਵਿੱਚ ਇਲਾਜ ਅਧੀਨ ਹੈ ਅਤੇ ਉਸਦੀ ਉਪਲਬਧਤਾ ਫਿਟਨੈਸ 'ਤੇ ਨਿਰਭਰ ਕਰੇਗੀ।

ਇਹ ਵੀ ਪੜ੍ਹੋ : ਮਿਨੀ ਆਕਸ਼ਨ 'ਚ 830 ਭਾਰਤੀ ਖਿਡਾਰੀਆਂ 'ਤੇ ਲੱਗੇਗਾ ਦਾਅ, ਗੇਂਦਬਾਜ਼ਾਂ ਤੇ ਬੱਲੇਬਾਜ਼ਾਂ 'ਤੇ ਵੀ ਹੋਵੇਗੀ ਪੈਸਿਆਂ ਦੀ ਬਾਰਿਸ਼

ਹਾਲਾਂਕਿ, ਉਸ ਦੀ ਸੱਟ ਦੀ ਕਿਸਮ ਜਾਂ ਗੰਭੀਰਤਾ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ, ਕੀ ਇਹ ਉਨ੍ਹਾਂ ਨੂੰ ਮੈਦਾਨ 'ਤੇ  ਲੱਗੀ ਸੀ ਜਾਂ ਕੀ ਇਹ ਫਿਟਨੈਸ ਨਾਲ ਸਬੰਧਤ ਹੈ। ਪਰ ਪਤਾ ਲੱਗਾ ਹੈ ਕਿ ਸ਼ੰਮੀ ਆਪਣੇ ਗਿੱਟੇ ਦੀ ਸਮੱਸਿਆ ਦੇ ਇਲਾਜ ਲਈ ਮੁੰਬਈ 'ਚ 'ਸਪੋਰਟਸ ਆਰਥੋਪੈਡਿਕ' ਦੀ ਸਲਾਹ ਲੈ ਰਹੇ ਸਨ। ਇਸ ਦੀ ਜਾਣਕਾਰੀ ਰੱਖਣ ਵਾਲੇ ਬੀ. ਸੀ. ਸੀ. ਆਈ. ਦੇ ਇੱਕ ਸੂਤਰ ਨੇ ਗੁਪਤਤਾ ਦੀ ਸ਼ਰਤ 'ਤੇ ਕਿਹਾ ਕਿ ਇਹ ਮੈਦਾਨ 'ਤੇ ਲੱਗੀ ਸੱਟ ਨਹੀਂ ਹੈ। ਉਸ ਦੇ ਗਿੱਟੇ ਵਿੱਚ ਕੁਝ ਸਮੱਸਿਆ ਹੈ।

ਇਹ ਵੀ ਪੜ੍ਹੋ : World Cup ਟਰਾਫੀ 'ਤੇ ਪੈਰ ਰੱਖਣ ਵਾਲੇ ਮਿਚੇਲ ਮਾਰਸ਼ ਨੇ ਤੋੜੀ ਚੁੱਪੀ, ਕਹਿ ਦਿੱਤੀ ਇਹ ਗੱਲ

ਸ਼ੰਮੀ ਡਾਕਟਰਾਂ ਦੀ ਸਲਾਹ ਲਈ ਮੁੰਬਈ ਆਏ ਸਨ। ਉਹ ਰਿਹੈਬਲੀਟੇਸ਼ਨ ਅਤੇ ਇਲਾਜ ਲਈ ਐਨ. ਸੀ. ਏ. ਵੀ ਜਾਵੇਗਾ। ਉਸ ਨੇ ਕਿਹਾ ਕਿ ਜੇਕਰ ਸ਼ੰਮੀ ਦੇ 'ਬਾਕਸਿੰਗ ਡੇਅ ਟੈਸਟ' ਲਈ ਸਮੇਂ 'ਤੇ ਠੀਕ ਹੋਣ ਦੀ ਸੰਭਾਵਨਾ ਨਹੀਂ ਹੁੰਦੀ ਤਾਂ ਰਾਸ਼ਟਰੀ ਚੋਣਕਰਤਾਵਾਂ ਨੇ ਉਸ ਨੂੰ ਨਹੀਂ ਚੁਣਿਆ ਹੁੰਦਾ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8