IPL 2026 ਤੋਂ ਪਹਿਲਾਂ LSG ਨੇ ਰਾਮਲੱਲਾ ਦਾ ਆਸ਼ੀਰਵਾਦ ਲਿਆ

ਅਯੁਧਿਆ- ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.)-2026 ਦੀ ਸ਼ੁਰੂਆਤ ਤੋਂ ਪਹਿਲਾਂ, ਲਖਨਊ ਸੁਪਰ ਜਾਇੰਟਸ ਦੀ 20 ਮੈਂਬਰੀ ਟੀਮ, ਜਿਸ ’ਚ ਖਿਡਾਰੀ ਤੇ ਸਪੋਰਟ ਸਟਾਫ ਨੇ ਰਾਮਲੱਲਾ ਦੇ ਦਰਸ਼ਨ ਕਰ ਕੇ ਪੂਜਾ-ਅਰਚਨਾ ਕੀਤੀ ਤੇ ਆਸ਼ੀਰਵਾਦ ਲਿਆ। ਟੀਮ ਦੇ ਨਾਲ ਫ੍ਰੈਂਚਾਈਜ਼ੀ ਦਾ ਮਾਲਕ ਸੰਜੀਵ ਗੋਇਨਕਾ ਵੀ ਮੌਜੂਦ ਸੀ। ਸਾਰਿਆਂ ਨੇ ਰਾਮ ਮੰਦਰ ’ਚ ਰਵਾਇਤੀ ਰੀਤੀ-ਰਿਵਾਜਾਂ ਦੇ ਨਾਲ ਪੂਜਾ-ਅਰਚਨਾ ਕੀਤੀ ਤੇ ਆਉਣ ਵਾਲੇ ਸੀਜ਼ਨ ’ਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਪ੍ਰਾਰਥਨਾ ਕੀਤੀ।

ਇਸ ਯਾਤਰਾ ਦੌਰਾਨ ਟੀਮ ਦਾ ਕਪਤਾਨ ਰਿਸ਼ਭ ਪੰਤ ਤੇ ਹੋਰ ਖਿਡਾਰੀਆਂ ਨੇ ਭਗਵਾਨ ਰਾਮ ਦੇ ਚਰਨਾਂ ’ਚ ਸ਼ਰਧਾਪੂਰਵਕ ਸੀਸ ਨਿਵਾਇਆ। ਮੰਦਰ ਕੰਪਲੈਕਸ ’ਚ ਟੀਮ ਦੇ ਆਗਮਨ ਨਾਲ ਉੱਥੇ ਮੌਜੂਦ ਸ਼ਰਧਾਲੂਆਂ ਵਿਚਾਲੇ ਭਾਰੀ ਉਤਸ਼ਾਹ ਦਾ ਮਾਹੌਲ ਬਣ ਗਿਆ। ਮੰਦਰ ਨਿਰਮਾਣ ਦੇ ਇੰਚਾਰਜ ਅਧਿਕਾਰੀ ਗੋਪਾਲ ਰਾਓ ਤੇ ਪੁਲਸ ਸੁਪਰਡੈਂਟ (ਸੁਰੱਖਿਆ) ਬਲਰਾਮਚਾਰੀ ਦੂਬੇ ਨੇ ਖਿਡਾਰੀਆਂ ਨੂੰ ਮੰਦਰ ਕੰਪਲੈਕਸ ਦਾ ਦੌਰਾ ਕਰਵਾਇਆ। ਖਿਡਾਰੀਆਂ ਨੇ ਮੰਦਰ ਦੀ ਭਵਿੱਖਤਾ ਦੀ ਜੰਮ ਕੇ ਸ਼ਲਾਘਾ ਕੀਤੀ। ਪੂਜਾ-ਅਰਚਨਾ ਤੇ ਦਰਸ਼ਨਾਂ ਤੋਂ ਬਾਅਦ ਪੂਰੀ ਟੀਮ ਅਯੁੱਧਿਆ ਤੋਂ ਲਖਨਊ ਲਈ ਰਵਾਨਾ ਹੋ ਗਈ।