ਮਹਿਲਾ ਹੈਂਡਬਾਲ ਲੀਗ ''ਚ ਹਿੱਸਾ ਲਵੇਗੀ ਕੋਲਕਾਤਾ ਥੰਡਰ ਸਟ੍ਰਾਈਕਰਜ਼ ਟੀਮ

ਨਵੀਂ ਦਿੱਲੀ- ਮਹਿਲਾ ਹੈਂਡਬਾਲ ਲੀਗ (ਡਬਲਿਊ.ਐੱਚ.ਐੱਲ.) ਦੇ ਆਯੋਜਕਾਂ ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਕੋਲਕਾਤਾ ਥੰਡਰ ਸਟ੍ਰਾਈਕਰਜ਼ (ਕੇ.ਟੀ.ਐੱਸ.) ਲੀਗ ਵਿੱਚ ਹਿੱਸਾ ਲੈਣ ਵਾਲੀਆਂ ਛੇ ਟੀਮਾਂ ਵਿੱਚੋਂ ਇੱਕ ਹੋਵੇਗੀ। ਰੀਲੀਜ਼ ਵਿਚ ਕਿਹਾ ਗਿਆ ਹੈ ਕਿ ਨੌਜਵਾਨ ਲੜਕੀਆਂ ਨੂੰ ਪ੍ਰੇਰਿਤ ਕਰਨ, ਜ਼ਮੀਨੀ ਪੱਧਰ 'ਤੇ ਮਜ਼ਬੂਤ ​​ਨੈੱਟਵਰਕ ਬਣਾਉਣ ਅਤੇ ਖੇਡਾਂ ਵਿਚ ਔਰਤਾਂ ਲਈ ਹੋਰ ਮੌਕੇ ਪੈਦਾ ਕਰਨ ਦੇ ਦ੍ਰਿਸ਼ਟੀਕੋਣ ਨਾਲ, ਡਬਲਿਊ.ਐੱਚ.ਐੱਲ. ਔਰਤਾਂ ਦੀਆਂ ਖੇਡਾਂ ਦੀ ਪ੍ਰੋਫਾਈਲ ਨੂੰ ਉੱਚਾ ਚੁੱਕਣ ਲਈ ਵਚਨਬੱਧ ਹੈ।
ਲੀਗ ਦੇ ਅਧਿਕਾਰ ਧਾਰਕ ਪਾਵਨਾ ਸਪੋਰਟਸ ਵੈਂਚਰ ਦੀ ਡਾਇਰੈਕਟਰ ਪ੍ਰਿਆ ਜੈਨ ਨੇ ਟੂਰਨਾਮੈਂਟ ਵਿੱਚ ਕੋਲਕਾਤਾ ਦੀ ਟੀਮ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ "ਭਾਰਤ ਦੇ ਸਭ ਤੋਂ ਉਤਸ਼ਾਹੀ ਖੇਡ ਖੇਤਰਾਂ ਵਿੱਚੋਂ ਇੱਕ ਦੀ ਨੁਮਾਇੰਦਗੀ ਕਰਦੇ ਹੋਏ ਕੇਟੀਐੱਸ ਪ੍ਰਤਿਭਾ ਦਾ ਪਤਾ ਲਗਾਉਣ ਅਤੇ ਪੱਛਮੀ ਬੰਗਾਲ ਦੇ ਜੀਵੰਤ ਅਤੇ ਜੋਸ਼ੀਲੇ ਖੇਡ ਸੱਭਿਆਚਾਰਕ ਦ੍ਰਿਸ਼ ਦੇ ਨਾਲ ਇਕ ਮਜ਼ਬੂਤ ਸਬੰਧ ਬਣਾਉਣ ਦੇ ਲਈ ਤਿਆਰ ਹੈ।