ਕੇ.ਐੱਲ. ਰਾਹੁਲ ਨੇ ਪਿਊਮਾ ਨਾਲ ਤਿੰਨ ਸਾਲਾਂ ਦਾ ਕੀਤਾ ਕਰਾਰ

ਨਵੀਂ ਦਿੱਲੀ— ਭਾਰਤੀ ਕ੍ਰਿਕਟਰ ਕੇ.ਐੱਲ. ਰਾਹੁਲ ਨੇ ਖੇਡਾਂ ਦੇ ਪ੍ਰਮੁੱਖ ਬਰਾਂਡ ਪਿਊਮਾ ਨਾਲ ਤਿੰਨ ਸਾਲਾਂ ਦਾ ਕਰਾਰ ਕੀਤਾ ਹੈ। ਇਸ ਭਾਗੀਦਾਰੀ ਦੇ ਤਹਿਤ ਰਾਹੁਲ ਇਸ ਬ੍ਰਾਂਡ ਦੇ ਸਾਰੇ ਉਤਪਾਦਾਂ ਦੇ ਵਿਗਿਆਪਨਾਂ ਅਤੇ ਹੋਰ ਪ੍ਰਚਾਰ ਪ੍ਰੋਗਰਾਮਾਂ 'ਚ ਨਜ਼ਰ ਆਉਣਗੇ। 
 

Thank you @usainbolt @imVkohli for the warm welcome to the @PUMA fam. The excitement is overwhelming! Looking forward to being #ForeverFaster @pumacricket pic.twitter.com/Pz1T8wEJA6

— K L Rahul (@klrahul11) August 7, 2018

ਰਾਹੁਲ ਤੋਂ ਪਹਿਲਾਂ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਅਤੇ ਕਈ ਹੋਰ ਖਿਡਾਰੀ ਇਸ ਬ੍ਰਾਂਡ ਨਾਲ ਜੁੜੇ ਹੋਏ ਹਨ। ਇਹ ਕਰਾਰ ਕਾਰਨਰਸਟੋਨ ਸਪੋਰਟ ਨੇ ਕਰਾਇਆ ਹੈ ਜੋ ਰਾਹੁਲ ਅਤੇ ਕੋਹਲੀ ਦੀ ਨੁਮਾਇੰਦਗੀ ਕਰਦਾ ਹੈ। ਰਾਹੁਲ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਦੇ ਜ਼ਰੀਏ ਉਸ ਨੇ ਵਿਰਾਟ ਕੋਹਲੀ ਅਤੇ ਉਸੇਨ ਬੋਲਟ ਦਾ ਸ਼ੁਕਰੀਆ ਕੀਤਾ। ਕੋਹਲੀ ਅਤੇ ਉਸੇਨ ਪਹਿਲਾਂ ਹੀ ਪਿਊਮਾ ਦੇ ਬ੍ਰਾਂਡ ਅੰਬੈਸਡਰ ਬਣੇ ਹੋਏ ਹਨ।