ਕਿਦਾਂਬੀ ਸ਼੍ਰੀਕਾਂਤ ਚਾਈਨਾ ਮਾਸਟਰਜ਼ ਤੋਂ ਬਾਹਰ

ਸ਼ੇਨਜ਼ੇਨ (ਚੀਨ)- ਸਾਬਕਾ ਵਿਸ਼ਵ ਨੰਬਰ ਇੱਕ ਭਾਰਤੀ ਬੈਡਮਿੰਟਨ ਖਿਡਾਰੀ ਕਿਦਾਂਬੀ ਸ਼੍ਰੀਕਾਂਤ ਦਾ ਚਾਈਨਾ ਮਾਸਟਰਜ਼ ਸੁਪਰ 750 ਵਿੱਚ ਸਫ਼ਰ ਸ਼ੁੱਕਰਵਾਰ ਨੂੰ ਕੁਆਰਟਰ ਫਾਈਨਲ ਵਿੱਚ ਹਾਂਗਕਾਂਗ ਦੇ ਲੀ ਚੇਉਕ ਯੀਯੂ ਤੋਂ ਸਿੱਧੇ ਗੇਮ ਵਿੱਚ ਹਾਰਨ ਨਾਲ ਖਤਮ ਹੋਇਆ। 33 ਸਾਲਾ ਭਾਰਤੀ ਖਿਡਾਰੀ 39 ਮਿੰਟ ਦੇ ਮੈਚ ਵਿੱਚ ਦੁਨੀਆ ਦੇ 25ਵੇਂ ਨੰਬਰ ਦੇ ਲੀ ਚੇਉਕ ਤੋਂ 16-21, 16-21 ਨਾਲ ਹਾਰ ਗਿਆ। 

ਸ਼੍ਰੀਕਾਂਤ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਯੂਐਸ ਓਪਨ ਸੁਪਰ 300 ਵਿੱਚ ਉਪ ਜੇਤੂ ਰਹਿ ਕੇ ਫਾਰਮ ਵਿੱਚ ਵਾਪਸੀ ਦੀ ਝਲਕ ਦਿਖਾਈ। ਲੀ ਚੇਇਕ ਹੁਣ ਸੈਮੀਫਾਈਨਲ ਵਿੱਚ ਫਰਾਂਸ ਦੇ ਦੂਜੇ ਦਰਜੇ ਦੇ ਕ੍ਰਿਸਟੋ ਪੋਪੋਵ ਨਾਲ ਭਿੜੇਗਾ।