ਖੇਲੋ ਇੰਡੀਆ ਸਰਦੀਆਂ ਦੀਆਂ ਖੇਡਾਂ: 19 ਟੀਮਾਂ ਦੇ 428 ਐਥਲੀਟ ਲੈਣਗੇ ਹਿੱਸਾ

ਲੇਹ/ਜੰਮੂ- ਖੇਲੋ ਇੰਡੀਆ ਵਿੰਟਰ ਗੇਮਜ਼ (KIWG) 2025 ਵੀਰਵਾਰ ਨੂੰ ਸ਼ੁਰੂ ਹੋਣਗੀਆਂ ਜਿਸ ਵਿੱਚ 19 ਪ੍ਰਤੀਯੋਗੀ ਟੀਮਾਂ ਦੇ 428 ਐਥਲੀਟ ਹਿੱਸਾ ਲੈਣਗੇ। ਖੇਡ ਮੰਤਰੀ ਮਨਸੁਖ ਮਾਂਡਵੀਆ ਵੀਰਵਾਰ ਨੂੰ ਲੇਹ ਵਿੱਚ ਖੇਡਾਂ ਦੀ ਸ਼ੁਰੂਆਤ ਦਾ ਐਲਾਨ ਕਰਨਗੇ। 

ਰਾਜਾਂ, ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਅਤੇ ਸੰਸਥਾਗਤ ਸੰਗਠਨਾਂ ਦੀਆਂ 19 ਟੀਮਾਂ KIWG 2025 ਦੇ ਪਹਿਲੇ ਹਿੱਸੇ ਵਿੱਚ ਪੰਜ ਦਿਨਾਂ ਵਿੱਚ ਦੋ ਈਵੈਂਟਾਂ - ਆਈਸ ਹਾਕੀ ਅਤੇ ਆਈਸ ਸਕੇਟਿੰਗ - ਵਿੱਚ ਮੁਕਾਬਲਾ ਕਰਨਗੀਆਂ। ਇਨ੍ਹਾਂ 428 ਖਿਡਾਰੀਆਂ ਸਮੇਤ 594 ਭਾਗੀਦਾਰਾਂ ਦੇ ਸਵਾਗਤ ਲਈ ਇੱਕ ਰਵਾਇਤੀ ਲੱਦਾਖੀ ਸ਼ੈਲੀ ਦੇ ਉਦਘਾਟਨ ਸਮਾਰੋਹ ਦੀ ਯੋਜਨਾ ਬਣਾਈ ਗਈ ਹੈ। 

ਦੂਜੇ ਭਾਗ ਵਿੱਚ ਸਕੀਇੰਗ ਵਰਗੇ ਬਰਫ਼ ਦੇ ਖੇਡ ਸ਼ਾਮਲ ਹਨ ਜੋ 22 ਤੋਂ 25 ਫਰਵਰੀ ਤੱਕ ਜੰਮੂ ਅਤੇ ਕਸ਼ਮੀਰ ਵਿੱਚ ਆਯੋਜਿਤ ਕੀਤੇ ਜਾਣਗੇ। ਇੱਕ ਅਧਿਕਾਰਤ ਬੁਲਾਰੇ ਨੇ ਕਿਹਾ, "ਖੇਡ ਮੰਤਰੀ ਵੀਰਵਾਰ ਨੂੰ ਲੇਹ ਦੇ ਵੱਕਾਰੀ ਨਵਾਂਗ ਦੋਰਜਯ ਸਟੋਬਦਾਨ ਸਪੋਰਟਸ ਕੰਪਲੈਕਸ ਵਿਖੇ ਉਦਘਾਟਨੀ ਸਮਾਰੋਹ ਵਿੱਚ ਸ਼ਾਮਲ ਹੋਣਗੇ ਅਤੇ ਖੇਡਾਂ ਦਾ ਉਦਘਾਟਨ ਕਰਨਗੇ।''