ਰੋਨਾਲਡੋ ਦੇ ਗੋਲ ਨਾਲ ਯੁਵੈਂਟਸ ਨੇ ਰਿਕਾਰਡ 9ਵੀਂ ਵਾਰ ਜਿੱਤਿਆ ਸੁਪਰ ਕੱਪ

ਮਿਲਾਨ - ਕ੍ਰਿਸਟਿ੍ਆਨੋ ਰੋਨਾਲਡੋ ਦੇ ਗੋਲ ਦੀ ਮਦਦ ਨਾਲ ਯੁਵੈਂਟਸ ਨੇ ਨੈਪੋਲੀ ਨੂੰ 2-0 ਨਾਲ ਹਰਾ ਕੇ ਰਿਕਾਰਡ 9ਵੀਂ ਵਾਰ ਇਟਾਲੀਅਨ ਸੁਪਰ ਕੱਪ ਫੁੱਟਬਾਲ ਟੂਰਨਾਮੈਂਟ ਦਾ ਖਿਤਾਬ ਜਿੱਤਿਆ।

ਰੋਨਾਲਡੋ ਨੇ 64ਵੇਂ ਮਿੰਟ ਵਿਚ ਗੋਲ ਕਰਕੇ ਯੁਵੈਂਟਸ ਨੂੰ ਬੜ੍ਹਤ ਦਿਵਾਈ। ਨੈਪੋਲੀ ਕੋਲ ਮੈਚ ਨੂੰ ਵਾਧੂ ਸਮੇਂ ਤਕ ਖਿੱਚਣ ਦਾ ਮੌਕਾ ਸੀ ਪਰ ਉਸ ਦਾ ਕਪਤਾਨ ਲੋਰੇਂਜੋ ਇਨਸਾਇਨ ਆਖਰੀ ਪਲਾਂ ਵਿਚ ਮਿਲੀ ਪੈਨਲਟੀ ’ਤੇ ਗੋਲ ਨਹੀਂ ਕਰ ਸਕਿਆ। ਅਲਵਾਰੋ ਮੋਰਾਤਾ ਨੇ ਇੰਜਰੀ ਟਾਈਮ ਦੇ ਪੰਜਵੇਂ ਮਿੰਟ ਵਿਚ ਯੁਵੈਂਟਸ ਵਲੋਂ ਦੂਜਾ ਗੋਲ ਕਰਕੇ ਉਸਦੀ ਖਿਤਾਬੀ ਜਿੱਤ ਤੈਅ ਕੀਤੀ। ਯੁਵੈਂਟਸ ਨੇ 9ਵੀਂ ਵਾਰ ਸੁਪਰ ਕੱਪ ਜਿੱਤ ਕੇ ਆਪਣੇ ਰਿਕਾਰਡ ਨੂੰ ਬਿਹਤਰ ਕੀਤਾ ਹੈ। ਉਸ ਤੋਂ ਬਾਅਦ ਏ. ਸੀ. ਮਿਲਾਨ ਦਾ ਨੰਬਰ ਆਉਂਦਾ ਹੈ, ਜਿਸ ਨੇ 7 ਵਾਰ ਖਿਤਾਬ ਜਿੱਤਿਆ।

ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।