ਇੰਗਲੈਂਡ ਦੀ ਲਗਾਤਾਰ ਹਾਰ ਤੋਂ ਬਾਅਦ ਟੀਮ ਦੀ ਕਪਤਾਨੀ ਨਹੀਂ ਛੱਡਣਾ ਚਾਹੁੰਦੇ ਰੂਟ, ਦਿੱਤਾ ਇਹ ਬਿਆਨ
03/28/2022 7:59:02 PM
ਲੰਡਨ- ਪਿਛਲੇ ਕੁਝ ਸਮੇਂ ਤੋਂ ਇੰਗਲੈਂਡ ਦੀ ਟੈਸਟ ਕ੍ਰਿਕਟ ਵਿਚ ਅਸਫਲਤਾ ਅਤੇ ਵੈਸਟਇੰਡੀਜ਼ ਤੋਂ ਹਾਲ ਹੀ ਵਿਚ 1-0 ਨਾਲ ਸੀਰੀਜ਼ ਹਾਰ ਤੋਂ ਬਾਅਦ ਇੰਗਲੈਂਡ ਦੇ ਟੈਸਟ ਕਪਤਾਨ ਜੋ ਰੂਟ ਨੇ ਪ੍ਰਕਿਰਿਆ ਦਿੱਤੀ ਹੈ। ਰੂਟ ਨੇ ਕਿਹਾ ਹੈ ਕਿ ਵੈਸਟਇੰਡੀਜ਼ ਵਿਚ ਮਿਲੀ ਸੀਰੀਜ਼ ਹਾਰ ਦੇ ਬਾਵਜੂਦ ਇੰਗਲੈਂਡ ਦੇ ਟੈਸਟ ਖਿਡਾਰੀਆਂ ਨੇ ਉਸਦੀ ਅਗਵਾਈ ਦਾ ਸਮਰਥਨ ਕੀਤਾ ਹੈ। ਇਸ ਲਈ ਉਹ ਟੈਸਟ ਕਪਤਾਨ ਬਣੇ ਰਹਿਣਾ ਚਾਹੁੰਦੇ ਹਨ।
ਜ਼ਿਕਰਯੋਗ ਹੈ ਕਿ ਇਸ ਸੀਰੀਜ਼ ਹਾਰ ਨਾਲ ਇੰਗਲੈਂਡ ਦੇ ਲਈ ਕੈਰੇਬੀਆਈ ਧਰਤੀ 'ਤਤੇ ਹੁਣ ਲਗਾਤਾਰ ਪੰਜ ਸੀਰੀਜ਼ਾਂ ਬਿਨਾਂ ਜਿੱਤੇ ਖਤਮ ਹੋਈਆਂ ਹਨ ਅਥੇ ਕੈਰੇਬੀਆਈ ਵਿਚ ਇਤਿਹਾਸ ਵਿਚ ਇੰਗਲੈਂਡ ਦਾ ਇਹ ਸਭ ਤੋਂ ਖਰਾਬ ਰਿਕਾਰਡ ਹੈ। ਸੀਰੀਜ਼ ਦੇ ਪਹਿਲੇ 2 ਮੈਚ ਡਰਾਅ ਰਹਿਣ ਤੋਂ ਬਾਅਦ ਇੰਗਲੈਂਡ ਇੱਥੇ ਗ੍ਰੇਨੇਡਾ ਵਿਚ ਤੀਜੇ ਅਤੇ ਫੈਸਲਾਕੁੰਨ ਮੈਚ ਵਿਚ ਢੇਰ ਹੋ ਗਏ। ਦੋਵਾਂ ਪਾਰੀਆਂ ਵਿਚ ਖਰਾਬ ਬੱਲੇਬਾਜ਼ੀ ਦੇ ਚੱਲਦੇ ਚੌਥੇ ਦਿਨ ਸਵੇਰ ਦੇ ਖੇਡ ਵਿਚ ਹੀ ਵੈਸਟਇਡੀਜ਼ ਨੇ 10 ਵਿਕਟਾਂ ਨਾਲ ਹਰਾ ਦਿੱਤਾ।
ਪਿਛਲੇ 17 ਟੈਸਟ ਮੈਚਾਂ ਵਿਚ ਇੰਗਲੈਂਡ ਨੇ ਕੇਵਲ ਇਕ ਮੈਚ ਹੀ ਜਿੱਤਿਆ ਹੈ। ਰੂਟ ਨੇ ਕਿਹਾ ਕਿ ਮੈਂ ਇਸ ਮੈਚ ਤੋਂ ਪਹਿਲਾਂ ਅਤੇ ਇਸ ਦੌਰੇ ਦੇ ਦੌਰਾਨ ਕਈ ਵਾਰ ਸਪੱਸ਼ਟ ਕੀਤਾ ਹੈ ਕਿ ਮੇਰਾ ਟੀਚਾ ਟੀਮ ਨੂੰ ਅੱਗੇ ਵਧਾਉਣਾ ਹੈ। ਨਤੀਜੇ ਸਾਡੇ ਹੱਥ ਵਿਚ ਨਹੀਂ ਹੁੰਦੇ ਹਨ ਪਰ ਮੈਨੂੰ ਵਿਸ਼ਵਾਸ ਹੈ ਕਿ ਇਹ ਗਰੁੱਪ ਮੇਰੇ ਨਾਲ ਹੈ। ਅਸੀਂ ਕਾਫੀ ਚੀਜ਼ਾਂ ਨੂੰ ਵਧੀਆ ਤਰੀਕੇ ਨਾਲ ਕੀਤਾ ਪਰ ਸਿਰਫ ਉਨ੍ਹਾਂ ਨੂੰ ਸਹੀ ਨਤੀਜਿਆਂ ਵਿਚ ਤਬਦੀਲੀਨਹੀਂ ਕਰ ਸਕੇ।
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
