ਹੁਣ ਆਵੇਗਾ IPL ਦਾ ਮਜ਼ਾ ! BCCI ਨੇ ਸੁਪਰ ਓਵਰ ਨੂੰ ਲੈ ਕੇ ਕੀਤੇ ਵੱਡੇ ਬਦਲਾਅ

ਸਪੋਰਟਸ ਡੈਸਕ- ਅੱਜ ਆਈ.ਪੀ.ਐੱਲ. ਦੇ 18ਵੇਂ ਸੀਜ਼ਨ ਦਾ ਆਗਾਜ਼ ਹੋਣ ਜਾ ਰਿਹਾ ਹੈ। ਇਸ ਪਹਿਲੇ ਮੁਕਾਬਲੇ 'ਚ ਕੇ.ਕੇ.ਆਰ. ਤੇ ਆਰ.ਸੀ.ਬੀ. ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਇਸ ਤੋਂ ਕੁਝ ਸਮਾਂ ਪਹਿਲਾਂ ਹੀ ਬੀ.ਸੀ.ਸੀ.ਆਈ. ਨੇ ਆਈ.ਪੀ.ਐੱਲ. 'ਚ ਸੁਪਰ ਓਵਰ ਨੂੰ ਲੈ ਕੇ ਨਿਯਮਾਂ 'ਚ ਕੁਝ ਤਬਦੀਲੀਆਂ ਕੀਤੀਆਂ ਹਨ, ਜੋ ਕਿ ਦਰਸ਼ਕਾਂ ਦੇ ਮੈਚ ਦੇਖਣ ਦਾ ਆਨੰਦ ਵਧਾ ਸਕਦੀਆਂ ਹਨ। 

ਇਨ੍ਹਾਂ ਤਬਦੀਲੀਆਂ ਅਨੁਸਾਰ ਹੁਣ ਦੋਵਾਂ ਟੀਮਾਂ ਦਾ ਸਕੋਰ ਬਰਾਬਰ ਹੋਣ 'ਤੇ ਮੈਚ ਦਾ ਨਤੀਜਾ ਕੱਢਣ ਲਈ ਪਾਰੀ ਖ਼ਤਮ ਹੋਣ ਦੇ 10 ਮਿੰਟਾਂ ਦੇ ਅੰਦਰ-ਅੰਦਰ ਸੁਪਰ ਓਵਰ ਸ਼ੁਰੂ ਕਰਵਾਇਆ ਜਾਵੇਗਾ। ਜੇਕਰ ਸੁਪਰ ਓਵਰ 'ਚ ਵੀ ਸਕੋਰ ਬਰਾਬਰ ਰਿਹਾ ਤਾਂ ਇਸ ਦੇ ਤੁਰੰਤ ਬਾਅਦ ਹੀ 5 ਮਿੰਟ ਦੇ ਅੰਦਰ ਦੂਜਾ ਸੁਪਰ ਓਵਰ ਕਰਵਾਉਣਾ ਪਵੇਗਾ। ਇਸ ਤਰ੍ਹਾਂ ਵੱਧ ਤੋਂ ਵੱਧ ਇਕ ਘੰਟੇ ਦੇ ਅੰਦਰ ਮੈਚ ਦਾ ਨਤੀਜਾ ਕੱਢਣਾ ਜ਼ਰੂਰੀ ਹੋਵੇਗਾ, ਚਾਹੇ ਇਸ ਲਈ ਸੁਪਰ ਓਵਰ ਚਾਹੇ ਜਿੰਨੀ ਵਾਰੀ ਮਰਜ਼ੀ ਕਰਵਾਇਆ ਜਾਵੇ, ਪਰ ਇਕ ਘੰਟੇ ਦੇ ਅੰਦਰ-ਅੰਦਰ ਮੈਚ ਦਾ ਨਤੀਜਾ ਸਾਹਮਣੇ ਆਉਣਾ ਚਾਹੀਦਾ ਹੈ। 

🚨 SUPER OVER RULES IN IPL. 🚨

- A maximum of one hour will be provided for Super Overs.

- Any number of Super Overs can be played, but within the 1 hour time frame. (Cricbuzz). pic.twitter.com/PiASMBJ8t4

— Mufaddal Vohra (@mufaddal_vohra) March 22, 2025

ਹਾਲਾਂਕਿ ਜੇਕਰ ਸਮਾਂ ਵੱਧ ਲੱਗਦਾ ਹੈ ਤੇ ਮੈਚ ਰੈਫ਼ਰੀ ਨੂੰ ਲੱਗਦਾ ਹੈ ਕਿ ਸੁਪਰ ਓਵਰ ਰਾਹੀਂ ਮੈਚ ਦਾ ਨਤੀਜਾ ਇਕ ਘੰਟੇ ਦੇ ਅੰਦਰ ਨਹੀਂ ਨਿਕਲ ਸਕਦਾ ਤਾਂ ਉਹ ਮੈਚ ਨੂੰ ਟਾਈ ਐਲਾਨ ਕੇ ਦੋਵਾਂ ਟੀਮਾਂ ਨੂੰ ਇਕ-ਇਕ ਅੰਕ ਦੇ ਕੇ ਮੈਚ ਖ਼ਤਮ ਕਰਵਾ ਸਕਦਾ ਹੈ। ਇਹ ਨਿਯਮ ਕ੍ਰਿਕਟ ਦੇ ਸਭ ਤੋਂ ਛੋਟੇ ਫਾਰਮੈਟ ਨੂੰ ਹੋਰ ਜ਼ਿਆਦਾ ਆਕਰਸ਼ਕ ਤੇ ਤੇਜ਼ ਬਣਾ ਸਕਦੇ ਹਨ ਤੇ ਉਮੀਦ ਹੈ ਕਿ ਇਨ੍ਹਾਂ ਤਬਦੀਲੀਆਂ ਨਾਲ ਦਰਸ਼ਕਾਂ 'ਚ ਮੈਚ ਦੇਖਣ ਦਾ ਰੋਮਾਂਚ ਵੀ ਵਧ ਜਾਵੇਗਾ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e