IPL 2022 'ਚ ਕੇ. ਐੱਲ. ਰਾਹੁਲ ਦੇ ਪ੍ਰਦਰਸ਼ਨ ਦੇ ਮੁਰੀਦ ਹੋਏ ਗਾਵਸਕਰ ਤੇ ਰਵੀ ਸ਼ਾਸਤਰੀ, ਕੀਤੀ ਰੱਜ ਕੇ ਸ਼ਲਾਘਾ
Monday, Apr 25, 2022 - 11:48 AM (IST)
ਮੁੰਬਈ- ਕ੍ਰਿਕਟ ਦੇ ਮਹਾਨ ਖਿਡਾਰੀ ਸੁਨੀਲ ਗਾਵਸਕਰ ਤੇ ਰਵੀ ਸ਼ਾਸਤਰੀ ਨੇ ਆਈ. ਪੀ. ਐੱਲ. 2022 'ਚ ਸਲਾਮੀ ਬੱਲੇਬਾਜ਼ ਦੇ ਠੋਸ ਪ੍ਰਦਰਸ਼ਨ ਦੇ ਬਾਅਦ ਲਖਨਊ ਸੁਪਰ ਜਾਇੰਟਸ ਦੇ ਕਪਤਾਨ ਕੇ. ਐੱਲ. ਰਾਹੁਲ ਦੀ ਸ਼ਲਾਘਾ ਕੀਤੀ ਹੈ। ਕੇ. ਐੱਲ. ਰਾਹੁਲ ਮੌਜੂਦਾ ਆਈ. ਪੀ. ਐੱਲ 2022 'ਚ ਖ਼ੂਬ ਦੌੜਾਂ ਬਣਾ ਰਹੇ ਹਨ ਤੇ ਸੱਜੇ ਹੱਥ ਦਾ ਇਹ ਧਮਾਕੇਦਾਰ ਬੱਲੇਬਾਜ਼ ਰਾਜਸਥਾਨ ਰਾਇਲਜ਼ ਦੇ ਸਲਾਮੀ ਬੱਲੇਬਾਜ਼ ਜੋਸ ਬਟਲਰ ਦੇ ਬਾਅਦ ਆਰੇਂਜ ਕੈਪ ਸਟੈਂਡਿੰਗ 'ਚ ਦੂਜੇ ਸਥਾਨ 'ਤੇ ਹੈ।
ਇਹ ਵੀ ਪੜ੍ਹੋ : 'ਦਿ ਗ੍ਰੇਟ ਖਲੀ' ਕਰਨਗੇ ਪਾਲੀਵੁੱਡ 'ਚ ਡੈਬਿਊ, ਜਾਣੋ ਫ਼ਿਲਮ ਦੇ ਰੌਚਕ ਪਹਿਲੂਆਂ ਬਾਰੇ
ਭਾਰਤ ਦੇ ਸਾਬਕਾ ਕਪਤਾਨ ਤੇ ਭਾਰਤ ਦੇ ਸਾਬਕਾ ਮੁੱਖ ਕੋਚ ਰਵੀ ਸ਼ਾਸਤਰੀ ਨੇ ਦਾਅਵਾ ਕੀਤਾ ਹੈ ਕਿ ਟੀਮ ਦੀ ਅਗਵਾਈ ਦੀ ਵਾਧੂ ਜ਼ਿੰਮੇਵਾਰੀ ਰਾਹੁਲ ਦੇ ਸਰਵਸ੍ਰੇਸ਼ਠ ਨੂੰ ਬਾਹਰ ਲਿਆਉਣਾ ਹੈ ਜਾਂ ਤਾਂ ਉਹ ਜਾਂ ਬਟਲਰ ਆਈ. ਪੀ. ਐੱਲ.2022 ਦੇ ਅੰਤ ਤਕ ਆਰੇਂਜ ਕੈਪ ਜਿੱਤਣਗੇ। ਸ਼ਾਸਤਰੀ ਨੇ ਕਿਹਾ ਕਿ ਉਸ ਕੋਲ ਇਕ ਠੋਸ ਹਰਫਨਮੌਲਾ ਖੇਡ ਹੈ, ਤਕਨੀਕ ਚੰਗੀ ਹੈ, ਉਸ ਕੋਲ ਸਾਰੇ ਸ਼ਾਟਸ, ਸ਼ਾਨਦਾਰ ਸੁਭਾਅ ਤੇ ਦਿਮਾਗ਼ ਦੀ ਚੰਗੀ ਮੌਜੂਦਗੀ ਹੈ। ਇਕ ਨਵੀਂ ਫ੍ਰੈਂਚਾਈਜ਼ੀ ਦੀ ਅਗਵਾਈ ਕਰਨ ਦੀ ਜ਼ਿੰਮੇਵਾਰੀ ਦੇ ਨਾਲ ਉਹ ਚੰਗਾ ਪ੍ਰਦਰਸ਼ਨ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : Birthday Special : ਸਚਿਨ ਤੇਂਦੁਲਕਰ ਦੀ ਜ਼ਿੰਦਗੀ ਨਾਲ ਜੁੜੇ 3 ਰੌਚਕ ਕਿੱਸੇ, ਕੀ ਤੁਸੀਂ ਜਾਣਦੇ ਹੋ
ਭਾਰਤ ਦੇ ਸਾਬਕਾ ਕਪਤਾਨ ਤੇ ਸਲਾਮੀ ਬੱਲੇਬਾਜ਼ ਸੁਨੀਲ ਗਾਵਸਕਰ ਨੇ ਵੀ ਰਾਹੁਲ ਦੀ ਸ਼ਲਾਘਾ ਕੀਤੀ। ਗਾਵਸਕਰ ਨੇ ਕਿਹਾ ਕਿ ਜਿਸ ਤਰ੍ਹਾਂ ਨਾਲ ਉਨ੍ਹਾਂ ਨੇ (ਮੁੰਬਈ ਇੰਡੀਅਨਜ਼ ਖ਼ਿਲਾਫ਼) ਆਪਣੀ ਪਾਰੀ ਨੂੰ ਰਫ਼ਤਾਰ ਦਿੱਤੀ, ਇਹ ਦੇਖਣਾ ਸ਼ਾਨਦਾਰ ਹੈ। ਉਨ੍ਹਾਂ ਨੇ ਆਪਣੀ ਰਫ਼ਤਾਰ ਨੂੰ ਕਿਵੇਂ ਵਧਾਇਆ, ਕਿਵੇਂ ਉਹ ਇਕ ਗਿਅਰ ਤੋਂ ਦੂਜੇ ਗਿਅਰ ਤੋਂ ਤੀਜੇ ਗਿਅਰ 'ਚ ਗਏ ਤੇ ਅੰਤ 'ਚ (ਪਾਰੀ ਦੇ) ਉਹ ਸਨ। ਪੰਜਵੇਂ ਗਿਅਰ 'ਚ ਪ੍ਰਦਰਸ਼ਨ ਸ਼ਾਨਦਾਰ ਸੀ। ਟੂਰਨਾਮੈਂਟ ਦੀ ਆਪਣੀ ਸ਼ੁਰਆਤੀ ਜਿੱਤ ਲਈ ਬੇਤਾਬ ਮੁੰਬਈ ਇੰਡੀਅਨਜ਼ ਐਤਵਾਰ ਨੂੰ ਲਖਨਊ ਸੁਪਰ ਜਾਇੰਟਸ ਦੇ ਖ਼ਿਲਾਫ਼ ਮੈਦਾਨ 'ਤੇ ਉਤਰੀ, ਜਿਨ੍ਹਾਂ ਨੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਖ਼ਿਲਾਫ਼ ਹਾਰ ਦੇ ਬਾਵਜੂਦ ਕਾਫ਼ੀ ਚੰਗੀ ਲੈਅ ਦਿਖਾਈ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
