ਤਾਂ ਇਸ ਵਾਰ ਨਹੀਂ ਹੋਵੇਗਾ IPL, ਅਗਲੇ ਸਾਲ ਨੀਲਾਮੀ ਵੀ ਨਹੀਂ !
03/30/2020 4:10:09 PM
ਨਵੀਂ ਦਿੱਲੀ : ਪੂਰੀ ਦੁਨੀਆ ਇਨ੍ਹੀਂ ਤਾਂ ਕੋਰੋਨਾ ਦੇ ਕਹਿਰ ਦੇ ਅੱਗੇ ਬੇਬਸ ਦਿਸ ਰਹੀ ਹੈ। ਕੋਰੋਨਾ ਨੇ ਪੂਰੀ ਦੁਨੀਆ ਨੂੰ ਬੇਬਸ ਬਣਾ ਦਿੱਤਾ, ਜਿਸ ਤੋਂ ਬਾਅਦ ਹੁਣ ਤਾਂ ਸਿਰਫ ਬਚਾਅ ਵਿਚ ਹੀ ਭਰੋਸਾ ਕੀਤਾ ਜਾ ਰਿਹਾ ਹੈ। ਕੋਰੋਨਾ ਤੋਂ ਦੁਨੀਆ ਇਕ ਪਾਸੇ ਲੜ ਰਹੀ ਹੈ ਤਾਂ ਦੂਜੇ ਪਾਸੇ ਬੀ. ਸੀ. ਸੀ. ਆਈ. ਨੂੰ ਆਈ. ਪੀ. ਐੱਲ. ਦੇ ਇਸ ਸੀਜ਼ਨ ਦਾ ਬੇਸਬਰੀ ਨਾਲ ਉਡੀਕ ਸੀ ਪਰ ਉਹ ਫਿਲਹਾਲ 15 ਅਪ੍ਰੈਲ ਤਕ ਦੇ ਲਈ ਟਾਲ ਦਿੱਤਾ ਗਿਆ ਹੈ।
ਕੋਰੋਨਾ ਕਾਰਨ ਰੱਦ ਹੋਵੇਗਾ ਆਈ. ਪੀ. ਐੱਲ.!
ਭਾਰਤ ਵਿਚ ਵੀ ਮੌਜੂਦਾ ਸਥਿਤੀ ਵਿਚ ਤਾਂ ਕੋਰੋਨਾ ਨੇ ਆਪਣੇ ਪੂਰੇ ਪੈਰ ਪਸਾਰ ਲਏ ਹਨ ਅਤੇ ਜ਼ਬਰਦਸਤ ਹਾਹਾਕਾਰ ਮਚੀ ਹੋਈ ਹੈ। ਵੈਸੇ ਆਈ. ਪੀ.ਐੱਲ. 29 ਮਾਰਚ ਤੋਂ ਹੀ ਸ਼ੁਰੂ ਹੋਣ ਵਾਲਾ ਸੀ ਪਰ ਕੋਰੋਨਾ ਦੇ ਵੱਧਦੇ ਪ੍ਰਭਾਵ ਕਾਰਨ ਇਸ ਨੂੰ 15 ਅਪ੍ਰੈਲ ਤਕ ਮੁਲਤਵੀ ਕਰ ਦਿੱਤਾ ਗਿਆ। ਭਾਰਤ ਵਿਚ ਹੁਣ ਕੋਰੋਨਾ ਖਤਰਨਾਕ ਰੂਪ ਲੈਂਦਾ ਜਾ ਰਿਹਾ ਹੈ। ਜਿਸ ਨਾਲ ਆਉਣ ਵਾਲੇ ਮਹੀਨੇ ਦੀ 15 ਤਾਰੀਖ ਤਕ ਭਾਂਵੇ ਆਈ. ਪੀ. ਐੱਲ. ਨੂੰ ਟਾਲ ਦਿੱਤਾ ਹੈ ਪਰ ਅਜਿਹੇ ਹਾਲਾਤਾਂ ਵਿਚ ਇਸ ਟੂਰਨਾਮੈਂਟ ਦਾ ਆਯੋਜਨ ਕਰਨਾ ਮੁਸ਼ਕਿਲ ਦਿਸ ਰਿਹਾ ਹੈ।
ਪਿਛਲੇ ਸਾਲ ਆਈ. ਪੀ. ਐੱਲ. ਸੀਜ਼ਨ 2020 ਦੇ ਲਈ ਨੀਲਾਮੀ ਹੋਈ ਸੀ ਅਤੇ ਕਈ ਵੱਡੇ ਖਿਡਾਰੀ ਖਰੀਦੇ ਗਏ। ਪੈਟ ਕਮਿੰਸ ਅਤੇ ਗਲੈਨ ਮੈਕਸਵੈਲ ਵਰਗੇ ਆਸਟਰੇਲੀਆਈ ਖਿਡਾਰੀਆਂ ’ਤੇ ਸਭ ਤੋਂ ਵੱਧ ਬੋਲੀ ਲੱਗੀ। ਹੁਣ ਜੇਕਰ ਬੀ. ਸੀ. ਸੀ. ਆਈ. ਇਸ ਸਾਲ ਆਈ. ਪੀ. ਐੱਲ. ਰੱਦ ਕਰੇਗੀ ਤਾਂ ਅਗਲੇ ਸੀਜ਼ਨ ਵਿਚ ਖਿਡਾਰੀਆਂ ਦੀ ਨੀਲਾਮੀ ਨਹੀਂ ਹੋਵੇਗੀ। ਬੀ. ਸੀ. ਸੀ. ਆਈ. ਸੂਤਰ ਦੇ ਹਵਾਲੇ ਤੋਂ ਕਿਹਾ ਗਿਆ ਕਿ ਹੁਣ ਮੈਗਾ ਨੀਲਾਮੀ ਨੂੰ 2022 ਸੀਜ਼ਨ ਤਕ ਟਾਲ ਦਿੱਤਾ ਜਾਵੇਗਾ।
