ਜਯੋਤੀ ਦੇ ਟ੍ਰਾਇਲ ਲਈ ਅਧਿਕਾਰੀਆਂ ਨੂੰ ਦਿੱਤੇ ਨਿਰਦੇਸ਼ : ਰਿਜਿਜੂ

ਨਵੀਂ ਦਿੱਲੀ : ਕੇਂਦਰੀ ਖੇਡ ਮੰਤਰੀ ਕਿਰੇਨ ਰਿਜਿਜੂ ਨੇ ਐਤਵਾਰ ਨੂੰ ਕਿਹਾ ਕਿ ਉਸ ਨੇ ਬਿਹਾਰ ਦੀ ਰਹਿਣ ਵਾਲੀ 15 ਸਾਲਾ ਜਯੋਤੀ ਕੁਮਾਰੀ ਦੇ ਟ੍ਰਾਇਲਜ਼ ਲਈ ਭਾਰਤੀ ਖੇਡ ਅਥਾਰਟੀ (ਸਾਈ) ਦੇ ਅਧਿਕਾਰੀਆਂ ਅਤੇ ਭਾਰਤੀ ਸਾਈਕਲਿੰਗ ਮਹਾਸੰਘ ਨੂੰ ਨਿਰਦੇਸ਼ ਦਿੱਤੇ ਹਨ। ਜਯੋਤੀ ਲਾਕਡਾਊਨ ਦੌਰਾਨ ਆਪਣੇ ਜ਼ਖਮੀ ਪਿਤਾ ਨੂੰ ਸਾਈਕਲ 'ਤੇ ਬਿਠਾ ਕੇ ਗੁਰੂਗ੍ਰਾਮ ਤੋਂ ਦਰਭੰਗਾ ਤਕ ਲੈ ਗਈ ਸੀ। ਇਸ਼ ਦੌਰਾਨ ਉਸ ਨੇ ਸਾਈਕਲ 'ਤੇ 1000 ਤੋਂ ਵੀ ਜ਼ਿਆਦਾ ਲੰਬਾ ਸਮਾਂ ਤੈਅ ਕੀਤਾ ਸੀ। ਇਸ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਜਯੋਤੀ ਦੇ ਟ੍ਰਾਇਲ ਦੀ ਮੰਗ ਹੋ ਰਹੀ ਹੈ। 

मैं विश्वास दिलाता हूं @irvpaswan जी, SAI अधिकारियों और साइक्लिंग फेडरेशन्स से ज्योति कुमारी के परीक्षण के बाद मुझे रिपोर्ट करने के लिए कहूंगा। यदि संभावित पाया, तो उसे नई दिल्ली में IGI स्टेडियम परिसर में राष्ट्रीय साइक्लिंग अकादमी में प्रशिक्षु के रूप में चुना जाएगा। https://t.co/OdgEVqfrge

— Kiren Rijiju (@KirenRijiju) May 24, 2020

ਕਈ ਕੇਂਦਰੀ ਮੰਤਰੀਆਂ ਅਤੇ ਹੋਰ ਲੋਕਾਂ ਦੇ ਸਵਾਲਾਂ ਦਾ ਜਵਾਬ ਦਿੰਦਿਆਂ ਰਿਜਿਜੂ ਨੇ ਕਿਹਾ ਕਿ ਜੇਕਰ ਜਯੋਤੀ ਵਿਚ ਕਾਬਲੀਅਤ ਹੋਵੇਗੀ ਤਾਂ ਉਸ ਨੂੰ ਆਈ. ਜੀ. ਆਈ. ਸਟੇਡੀਅਮ ਵਿਚ ਰਾਸ਼ਟਰੀ ਅਕੈਡਮੀ ਵਿਚ ਟ੍ਰੇਨੀ ਦੇ ਤੌਰ 'ਤੇ ਚੁਣਿਆ ਜਾਵੇਗਾ। ਰਿਜਿਜੂ ਨੇ ਟਵੀਟ ਕਰ ਕਿਹਾ, ''ਮੈਂ ਯਕੀਨੀ ਕਰਦਾ ਹਾਂ ਕਿ ਮੈਂ ਸਾਈ ਦੇ ਅਧਿਕਾਰੀਆਂ ਅਤੇ ਭਾਰਤੀ ਸਾਈਕਲਿੰਗ ਮਹਾਸੰਘ ਤੋਂ ਜਯੋਤੀ ਦੇ ਟ੍ਰਾਇਲ ਲੈਣ ਤੋਂ ਬਾਅਦ ਮੈਨੂੰ ਰਿਪਰਟ ਕਰਨ ਲਈ ਕਹਾਂਗਾ। ਜੇਕਰ ਉਹ ਕਾਬਲ ਪਾਈ ਗਈ ਤਾਂ ਉਸ ਨੂੰ ਨਵੀਂ ਦਿੱਲੀ ਸਥਿਤ ਆਈ. ਜੀ. ਆਈ. ਸਟੇਡੀਅਮ ਵਿਚ ਰਾਸ਼ਟਰੀ ਸਾਈਕਲਿੰਗ ਅਕੈਡਮੀ ਵਿਚ ਟ੍ਰੇਨੀ ਦੇ ਤੌਰ ਚੁਣਿਆ ਜਾਵੇਗਾ।'' ਇਸ ਤੋਂ ਪਹਿਲਾਂ ਕੇਂਦਰੀ ਮੰਤਰੀ ਰਵੀਸ਼ੰਕਰ ਪ੍ਰਸ਼ਾਦ ਅਤੇ ਰਾਮ ਬਿਲਾਸ ਪਾਸਵਾਨ ਨੇ ਖੇਡ ਮੰਤਰੀ ਤੋਂ ਜਯੋਤੀ ਦੇ ਹੁਨਰ ਨੂੰ ਮੌਕਾ ਦੇਣ ਦੀ ਬੇਨਤੀ ਕੀਤੀ ਸੀ।